((ابرحل لا تقولي ليه بدال بـلادك الـف إبلاد))

[poet font="Simplified Arabic,4,white,normal,normal" bkcolor="black" bkimage="" border="ridge,10,orange" type=2 line=200% align=center use=ex length=0 char="4" num="0,black" filter=""]
رجعتي لي بعد غيبه تبين اللي مضـى ينعـاد=تقولين اقبل اعذاري فانـا بالحـب مرهونـه
كفاني ما حصل منّك تعـدى كـل حـد وزاد=تحملت الأذى لاجلـك وقلبـي بـاح مكنونـه
عطيتك ما تبي روحي وعطيتني الهجر وعناد=ابي قربك يونّسني وحـال البعـد مـن دونـه
اشوف الحب في شرعك بعيدٍ عن هوى الاجواد=يبي ياخذ ولا يعطي مثل مـن يجحـد إديونـه
ترى يا مهجتي بعض الطيور ولو بدت تنصاد=لحمها مـرّ لايمكـن تصـاد بأجمـل إلحونه
تظنينـي مثـل أوّل حبيـبٍ بالهـوى ينقاد=ترى بعـدك تعلمنـا وفهمنـا الحـب وفنونـه
ضحكتي ما كفى واليوم ابنقذ ما بقـى بالكـاد=من إجـروحٍ تركتيهـا بقلـبٍ بانـت إطعونـه
زمن غدّار ما يسوى اعيش الحـزن والانكـاد=علشان إللذي في يوم بنى في قلبـي إحصونـه
ابرحل لا تقولي ليه بدال بـلادك الـف إبلاد=وبصحى بعد غيبوبة وابنسى الحب وش لونه
واذا من جابني الطاري من الاحباب والحسـاد=وقال الناس ويـن الطيـر قولـي الله في عونـه
انا مهاجر الى النسيـان ادوّر لحظـة الميـلاد=طفل يبكي ، طفل يضحك وباقي الدمع بعيونـه
يبي حب ويبي عطف ويبي امه كمـا المعتاد=ولا يدري وش الساعة ولا هالوقـت او كونـه
المسكت[/poet]