قال حقوق المرأه ......قال !!

مقال وصلني عبر الايميل واحببت ان تشاركوني في متعته ومصداقيته الملتمسه من واقعنا !! اتمنى ان لا يفوتكم سطر واحد حين القراه والاطلاع !!

الدكتورة : ليلى صالح عزوز

‏باللهجه الحجازيه الجميلة



ما يرفع ضغطي شَي زَي كلمة حقوق المرأة .. وبالذات في السعودية .وهادي المشكلة طلعت متى؟ بعد 11 سبتمبر .... سبحان الله .. يعني كانوا من ألف وأربعمية سنه نايمين .. وفجأة كده صحيوا وقالوا: وه ياندامة .. إيش هادا؟ أتْـرِنُّو إحنا لنا حقوق؟! مادام كده ... الإنتخابات البلدية ليه ما نشارك فيها؟ وليه ما نروح هناك ونرقع بالصوت؟

يا أختي حلال عليكم البلدية كلها .. يعني إيش تبغوا تسووا؟ تحطوا ضوابط إصدار الرخص لمحلات الحلاقة مثلا؟ والا تناقشوا سفلتة الشارع اللي يودي على بيت أم إبتسام؟ والا ليه الشارع الفلاني ما فيه كوفيرة مغربية وكل اللي فيه مصريات؟ يا أختي ريِّحي راسك . اذا كثير من الرجال ما سوُّوا حاجه ... بالله عليكي حتسيبي بيتك وعيالك وشغلك ... عشان تناقشي مشروع إنتخابي؟ هادا من تمام الفضاوه..

طيب قولوا لوحْدَه زواج أختها الليلة: بلاش تروحي للكوفيره اليوم يا مدام وتعالي نناقش حقوق المرأة أو نحضر المجلس البلدي و نتخذ قرارات مهمة .. وأترك لكم جوابها .. إيش يكون

أما عن حقوق المرأة في السعودية .. فياسيدي الست هنا لها حقوق وواجبات ما تتنازل عنها. مثلا: في بلدان كثير عربيه وأوروبيه تلاقي شحط طويل عريض جالس في الباص ...وقدامه وحده في الشهر التاسع واقفه على رجولها وشايله طفل تاني على كتفها .... إن الشحط يتحرك؟ .. أبدا...إن الثور يحس؟ .....لايمكن. لكن هل يمكن يحصل هادا في السعودية؟ أبدا .. واللي يبغى يجرب.... الطريق قدامو .... يا عمي العملية كلها دلع حريم في دلع حريم ... رايح أعطيكم بعض الأمثلة وقولوا لي مين اللي آخِد حقُّوقه بالكامل وزياده؟ وهل عندنا المرأة متساوية مع الرجل .. والا هي أحسن مِنُّو؟

قال حقوق المرأة .. قال.

منظر عام

رجال محترمين زي الورد واقفين أمام صراف في بنك .. وتِجي أختنا في الله (اللي يقولو إنها مهضومة الحقوق) تتقدم للصراف مباشرة ولا على بالها من الطراطير اللي واقفين من ساعات .. وبعضهم مستأذنين من عملهم. طيب ليه ما توقِّف تِمسك سِرا ورا عشرين بنغالي... وثلاثين باكستاني... وخمسين سعودي... واثنين معقبين معاهم شوية فواتير مقاس إكس لارج .. وإذا أحد كلمها وقال لها أتفضلي يا أختي ترد عليه وتقول: لا، معليش. المرأة زَيّ الرجال .... خليني في الطابور .... زَيِّي زيكم؟! .... ليش ما تقول كده؟! ... والا هي تماحيك وبَس! ونفس المنظرفي الجوازات .... والأحوال ... والتأمينات .. ويقدر أحد... يقول إنه من ظهر أبوه .... يفتح فمُّه؟ ... على طول يسمع العبارة الشهيرة ... ( عيب عليك .... إنت ماتستحي؟ .. هذه حرمة...إنت ما عندك أهل!)) ...ويضطرالراجل إنُّه ينكتم ويسكت .. بل إن المرأة تشفع للراجل جوزها عشان يتقدم على الرجال الباقين. في المطار .. مثلا .. ما تشوفهم يطلِّعوا العوايل أوَّل .. وبعدين بقية الركاب؟

قال حقوق المرأة ... هه!

اقتصاديا

شوف الراجل.. السبع... الغضنفر.. المفتري...له ثوبين أوثلاثة في السنة .. يروح بها العمل، ويحضر بها عزايم وزواجات، ويقابل بها كبار المسؤولين، الخ، الخ، الخ.والمرأة بسلامتها .. بقيمة أدوات مكياجها فقط. تقدر تفتح محل خياطة رجالي محترم. ويا ريت تحط من مكياجها في البيت.. لأ. دا بَس للخروج ... وقيمة صباع روج والا علبة بودرة تساوي قيمة جوال جوزها .. وكمان ازيدك من الشعرقصر .. مو بيت .. من حقوقها فستان لكل فرح. و مكياج. و كوفيرة..وجزمة..وشنطه. وكمان خُدوا هادي .. سابع بنت عمي. ملكة أخت جارتنا . ولازم هدية. واللطخ يدفع .مو مهم الفلوس جات من فين .. المهم يدفع .. والدنيا ممكن تنقلب على الراجل واللي خَلَّفوه علشان موضوع (مهم وحيوي زي كده.

قال إيه! حقوق المرأة.

نفسيا

الزوج مطالب يكون أربعة وعشرين ساعة رومنسي ومبتسم، ولا يبقى جلف وإبن ستين في سبعين. ويعني إيه عنده مشاكل في العمل؟! والا أقساط متأخره؟! والافواتير؟! والا مقاضي ما يعرف كيف يجيبها؟! مو مهم ..واجب عليه إنه يرجع من العمل للبيت مروِّق ومبسوط وبَس ... كإنه كان في شرم الشيخ مصيف مع نانسي عجرم .. ((مجرد مثل .. تف .. بره وبعيد)) ....والست بسلامتها من ساعة ما يرجع من عملو .. وقبل ما يفصخ حوايجو: شوف بزورتك ( لاحظوا .. بزورتك)طفَّشوني .. إيش رأيك نغير غرفة النوم؟ التلفون ما فيه حراره ... جاتني رساله على الجوال يقولوا الفاتوره طلعت .. أَلحق سّدِّدو قبل ما يوقفوه عن الخدمه ... ... .. ... ومع هادا كُّلو ..لازم يبقى رومانسي.

بينما هي وبكل سهولة تصحى بسلامتها في الظُهر...وتجد الكارثة الكبرى....يوه ...ما عندنا صلصه...وبكل رقة تتصل...ألو ألو ...أبو خالد موجود؟ ممكن أكلمه لو سمحت؟ ألو .. إيوه... أنا .. حتكون مين يعني؟... المهم ... جيب معاك غدا ... ماهو إنت يا فالح نسيت تجيب صلصه معاك أمس. ولإنه موفاضي.. و قرفان من العمل.. يصدق المسكين إنه هو إللي نسي ويقول بكل شجاعة ..... طيب.

وفوق هذا كله آخر السنه: طفشانه ....فين حتودينا ...والله بنت خالتي راحت أمريكا .. وبنت عمي ما تصيف إلا فْ أوروبا.... يا عيني علينا إللي ما نروح غير يا مصر... يا سوريا ... والسنة اللي غيَّرنا فيها ... رحنا ماليزيا.

وفي رمضان: تعبت ....أوف .....إنت داري عن حاجه؟ أنا أبغى خدامة... أنا خلااااااااص .. ومن ثالث يومرمضان ....مقاضي العيد من جده ...أختي جابت ملابس لها ولعيالها .. إيش أقولَّك بس ... وخُد مشاوير لليييييييييييل ... والراجل المسكين لما ينزل السوق مع مرته ما يقدر يشتري ولااااا شَي لنفسو، لأنو طول الوقت ماشي وراها من دكان لدكان، وشايل زنابيل إلين ما كتفو يتخلع. وهي تطالع فيه وهو يتطوَّح من ثقل الزنابيل .. ولا تقول لُو فزعه .. حتى لو بالكِدِب. وآخرتها بعد ما يرجع البيت تقول لو إنها لِسَّه ما أشترت ملابس العيد!!!!!! وإذا فكَّر ينزل السوق لحالو عشان يشتري شي لنفسو ... على طول يكون مشبوه .. إيش ينزلك لوحدك وسط الحريم؟ .. طيب إنت مو كنت معايا في السوق .. أحد قال لك لا تشتري؟

قال إيه؟ ... حقوق المرأة.

شرعا

المرأة لها حظ من أبوها .... وحظ من زوجها . هادا غيرأمها .. وأخوانها ... وأبناءها .. والراجل مطالب إنو هواللي يصرف عليها مهما كان عندها فلوس.

وثانيا: الرجال لازم يروحوا للمسجد خمس مرات في اليوم .. جمع وجماعات . حر وبرد .. ليل وصبح .. لازم يروحوا ... بينما الست تصلي تحت المكيف ... في غرفتها... وأجرها زي الرجال تماما .... ياعيني .. يا عيني ..والله الإسلام أعطاكم كتير .... وياريتو يِبان فيكم.

ارائكم اذا كنتم ترونه مقال بالفعل مميز وجميل !!

سلمت أناملك أخي الكريم على النقل..

و الكاتبة أبدعت في الحقيقة.. وأسلوبها ساخر وجميل..

والإسلام كفل للمرأة حقوقها كاملة..

لكن.. نحن أمام مشكلتين فيما يتعلق بحقوق المرأة:

1- دعاة السفور والإنحلال، ولا يخفى على الجميع أهدافهم من مطالباتهم بحقوق المرأة.

2- حالات محدودة تعرضت فيها حقوق المرأة للإنتهاك إما بسبب الجهل أو بسبب التجبر وحب السيطرة من بعض الرجال.

مرة أخرى .. لك الشكر والتقدير.

أنا أوقع أدناه بأني موافق و أعتمد كل كلمة في المقالة العصماء .. المبينة لنقص حقوق الرجال عن النساء ..

الله يعيننا على الحريم !

أنا بعد المقالة هذي .. خلاص ما أبغى أتزوج … حاس إني بانظلم !

هههههههههههههههههههههههههههههههههههههههههههههههه

وتقبلو مروري

أعتبره قمة المواضيع وأفضلها ..
لأنه مناسب للحدث بليغ في الأدلة قوي في الاستشهاد ..
فقط ارغب معرفة كاتب الموضوع وتقبل تقديري يا فارس بني عمرو ..

فارس بني عمرو ,,

من أجمل الأساليب في معالجة قضايا المجتمع ,, هو الأسلوب الساخر ,, ولعلك تلاحظ ردود أفعال الأخوة المشاركين ,,

لذا فموضوعك يستحق مني الخمسة والتثبيت ,, ودمت بود

المشاركة الأصلية كتبت بواسطة أبو محمد

سلمت أناملك أخي الكريم على النقل..

و الكاتبة أبدعت في الحقيقة.. وأسلوبها ساخر وجميل..

والإسلام كفل للمرأة حقوقها كاملة..

لكن.. نحن أمام مشكلتين فيما يتعلق بحقوق المرأة:

1- دعاة السفور والإنحلال، ولا يخفى على الجميع أهدافهم من مطالباتهم بحقوق المرأة.

2- حالات محدودة تعرضت فيها حقوق المرأة للإنتهاك إما بسبب الجهل أو بسبب التجبر وحب السيطرة من بعض الرجال.

مرة أخرى .. لك الشكر والتقدير.

ابو محمد

تأكد يا عزيزي ان الاسلام لم يفرط ولو بشبر واحد في حقوق المرأه والجميع

يشهد على ذلك حتى من العالم الغربي نفسه والحمد الله هذه الحقوق ليست من كتب ومؤلفات

من كلام البشر وعلى حسب رغباتهم وشهواتهم الخاصه والعامه ولكن محفوظه في

القران الكريم بذكر من الله عز وجل وفي الحديث الشريف بذكرآآ من رسوله الذي

لا ينطق على الهوى !!! فمن يشكك بعد ذلك !!!!!!!!!!!! واذا حصل تقصير كما ذكرت فالعيب في المقصر وليس في المرجع والامه !!!

اسعدني مرورك الكريم

لك التقدير

المشاركة الأصلية كتبت بواسطة آل غيهب

أنا أوقع أدناه بأني موافق و أعتمد كل كلمة في المقالة العصماء .. المبينة لنقص حقوق الرجال عن النساء ..

الله يعيننا على الحريم !

أنا بعد المقالة هذي .. خلاص ما أبغى أتزوج … حاس إني بانظلم !

هههههههههههههههههههههههههههههههههههههههههههههههه

وتقبلو مروري

ال غيهب

اسعدني مرورك الكريم

وتزوج ولا تكن ظالم ولا مظلوم ...!!

المشاركة الأصلية كتبت بواسطة ابو ريان

أعتبره قمة المواضيع وأفضلها ..
لأنه مناسب للحدث بليغ في الأدلة قوي في الاستشهاد ..
فقط ارغب معرفة كاتب الموضوع وتقبل تقديري يا فارس بني عمرو ..

ابو ريان

بارك الله فيك يا غالي والموضوع بالفعل رائع ومميز ارتكز على افكار مناسبه ومهمه للحدث تسلط الضوء بشكل واضح عن ما يجول في اروقة المجتمع حول هذه القضيه
وكان بالفعل رد بسيط وملجم لكل من يحاول التشكيك في اهمال حقوق المرأه السعوديه
ولقد نقلته كما وصلني عبر الايميل وكان اسم الكاتبه كما هو مذكور في اعلاه

اسعدني مرورك الكريم

لك التقدير

الله يعطيك العافيه يافارس بني عمرو موضوعك نراه في حياتنا اليوميه وتشوف
العجايب

فارس بني عمرو اشكرك على الموضوع وبعدين يااخوي خوفتنا بالزوااج مراح اتزوج انو وال غيهب بس اللي سمعناه ههههههههههه تقبل مروري

الاخ/ فارس بني عمرو،

موضوع مميز ويعالج المشكلة باسلوب السهل الممتنع وبطريقة مُقنعة ويخلي النساء يحسبونها الف حساب الا صاحبة الطابور - فضلوها على انفسهم وتقول ما فيه فرق بيني وبينكم كرجال،

سبحان الله انه تمحيك وبس،

لك وللجميع تحياتي،،،

المشاركة الأصلية كتبت بواسطة صقر عمري

فارس بني عمرو ,,

من أجمل الأساليب في معالجة قضايا المجتمع ,, هو الأسلوب الساخر ,, ولعلك تلاحظ ردود أفعال الأخوة المشاركين ,,

لذا فموضوعك يستحق مني الخمسة والتثبيت ,, ودمت بود

صقر عمري

اسعدني مرورك الكريم

وما اوضحته هو عين الصواب ..

لك التقدير

فارس بني عمرو

موضوع جميل جداً وبالفعل ماكتبته هو الصحيح , و من يتتبع التشريع الإسلامي في مجال حقوق المرأة سيقف على حقيقة جليلة، وهي أن الإسلام راعى خصائص الأنوثة والفرق البيولوجي والفيزيولوجي بين الرجل والمرأة، فشرَّع قوانين وضوابط تجعل الرجل مكرَّماً في موقعه، والمرأة مكرَّمة في موقعها، وجعل بينهما مودة ورحمة واحتراماً متبادلاً يؤدي إلى تقاسم المسؤولية بينهما طيلة استمرار العلاقة الزوجية بينهما او في مجالات الحياة الأخرى ·

لك تقديري اخي الكريم
ودمت بود..

موضوع رائع وتشكر عليه يا فارس بني عمرو
ودمت مبدع ...

ربي يعطيك العافيه على ماقدمت لنا من ابداع
اشكرك على طرحك الراقي والمميز ..