قصيدة ابن فطيس حصريا في منتدى بني عمرو ( صوتية)!!!!

جديد الشاعر .. محمد بن فطيس المري
راقت لي فنقلتها اليكم ..
اتمنى ان تنال اعجابكم ..

http://s2s8.com/up//download.php?fil...722323c502.mp3

وهذي كتابية وسبق أن نزلتها كتابيا الأخت/Bnooota na3ma

ليه المسا عـوق الشقـاوي وطبّـه
وليه الهبوب تصحي القلب لا بـات

وليه القمر يدعـي جريـح المحبّـه
ويقول له يا هيه..ما فات ..ما مـات

جرحك ظهر لو قلـت للوجـه خبّـه
وللحزن في ضحكك رسوم وعلامات

وليه المطر بالـذات ريحـه وصبّـه
كنّه رسول بيـن الاحبـاب بالـذات

اشتـاق فيـه لشوفـتـك واتنـبّـه
للي نسيته مـن مواقـف ونظـرات

لا استانس الخافق ذكر مـن يحبّـه
ورجع يراجع فالوناسـات مـا فـات

يا مرتـع القلـب الحزيـن ومربّـه
يزيين بك مثل الذهب صدر الابيـات

هيهات ينسى القلب شخـص ٍ لعبّـه
وهيهات يدله خاطري منـك هيهـات

نبع الغـلا عنـدك وعنـدي مصبّـه
ومن الولا .. في خافقي لك ..ولاياات

وطيفك حطب عيني..وعيني مشبّـه
والشوق برد ٍ ما انقطع لو للحظـات

ومكانك الصدر ولـك القلـب شبّـه
بين الظلوع اللـي فردهـا التنهـات

ولك بيـرق ٍ فالقلـب حبـك يهبّـه
شامخ ولا هزه مـن العـذل غـارات

محبتـك فالوقـت ذا مــا تشـبّـه
الا بخيمـة بـدو بيـن العـمـارات

ان شفتني ضايق واهوجس واسبّـه
اخاف غدر الوقت.. والوقـت دورات

لا تحسب ان دمعي نـزل دون سبّـه
ابكي من الفرقا وهي مابعـد جـات

الـيـوم كــل امورنا..مستتـبّـه
وبكره ماندري وش معه من مسرّات

اربّ قلبـك مثـل قلـبـي اربّــه
ما يخلفه كثـر العـذل والمسافـات

لاهنت جبرني الوقت
وسلمت لإضافتك القصيده صوتياً
تحيتي ..

المشاركة الأصلية كتبت بواسطة BNOoOTA NA3MA

لاهنت جبرني الوقت
وسلمت لإضافتك القصيده صوتياً
تحيتي ..

لاهنتي على المرور .......... وأشكرك

وهذا واجبنا لخدمة المنتدى

............................................

لــــــــــــــــــــــــــــــــك عبــــيـــــر أشــــــــــــــــــــــــواقـــــــــــــــــي