اهداء لبنات الوطن من الشاعرة أسماء العبيدان

السلام عليكم ورحمة الله وبركاته

كنت ابحث واقلب في صفحات المواقع والاناشيد الاسلاميه لعمل تصميم فلاشي اسلامي لاحد المواقع
ووقعت عيني على هذه القصيدة الرائعه بالصوت تتحدث عن بنات الوطن للشاعره اسماء فقررت البحث عن هذه القصيدة ووجدتها باحد المواقع

اهداء لبنات الوطن من الشاعرة أسماء العبيدان

تقول أم أديم( اسماء العبيدان ) من القصيم ... وهي ترد على من يحاول سلخ المرأة السعودية والخليجية بوجه عام من قيمها وطهرها ...تقول:

اهــداء الى بنت بلادي المتشحة بالحجاب والعفاف

* إلى كل مغرور ومتغطرس وينتقص من المرأة الخليجية



وهذا رابط التحميل لمن يريدها اضغط هنا

حنّا بنات الوطـن وشمـوع ديجـوره=
منابت المجد وأصل المجد والصـوره=
منابت الملح وأصل الـورد وزهـوره=
عذبات الانفاس وأغلى المسك وعطوره=
فوح الخزامى بروض ٍ قيل ممطـوره=
حنّا بنـات الوطـن سكنـاه وخـدوره=
ياللـي تعذربنـا يمنـاك مكـسـوره=
أفكـارك السـود مشبوهـه ومبتـوره=
تلـف وإلا تزيـد اللـف لــك دوره=
خذها على نـور والرايـات منشـوره=
خذها وباقـي بهـا وقفـات مذخـوره=
بنت الوطن ياضعيف الرأي مذكـوره=
من أول الوقـت يالمسكيـن مشهـوره=
بنت الوطن ياقصير الشوف معمـوره=
إن كان بالكون قالـوا عينـه وحـوره=
بنت الوطن من جمال الخلق مستـوره=
ممكن تقـوّم بوجـه المعتـدي ثـوره=
شيهانة اللحظ بنـت الريـح منثـوره=
يعنـي حجازيـة العينيـن مخـبـوره=
ريحانة الفل بـأرض الفـل مبـذوره=
وقـاّدة الحـس بالاشـواق دكـتـوره=
تكتب حروف الوفا وتسّـن دستـوره=
يعني هي الجو مـع بيـداك وبحـوره=
سمعت ياللي حسبتـه لعبـة الكـوره=
لا ضيّع الدرب مثلك وأخلف شعـوره=
ياخـاوي الفكـر والعـدلات مقبـوره=
مغرور مغرور مثلك نـاس مغـروره=
منادميـن الخطـا ملفـاه وطـيـوره=
من الحماقه لبسـك الكبـر وشـروره=
تسكن زواياك والطرقـات مهجـوره=
لو تفرد الريـش يالطـاووس مأثـوره=
ياسيّـد الغطرسـه ياقاصـر شبـوره=
سمعت رد الاصيله وإفهـم سطـوره=
وإسلك طريق الهدايه وإحفظ السـوره=
وإن كان نفسك على الشينات مجبـوره=
أجيك أنـا بنـت هالديـره ومأجـوره=
أجيك وتشوف بنت السبـع مسعـوره=
الوقت معروف فـي زنـات دبـوره=
ماهي بشرَبه من الغـوري وشابـوره=
خذها ولا أقـول لا رديّـت مشكـوره=
بأول خطوط الدفـاع وراس طابـوره=
خذها وأنا بنت قوم المجد وحضـوره=
من نجد ماجيت أنا المغرب وناطـوره=
خذها وأنا ماعرف الحمراء ولا شتوره=
ولا نيب من بابل النهريـن وآشـوره=
خذها وأنا من عظيم الشان منصـوره=
أعيّـد العيـد مـا عوشـر بعاشـوره=
خذها ونفسي على المسفـار مأمـوره=
ماقلتها من غضب بالوقـت مقهـوره=
خذها وأنا بنت روس الطيب وصقوره=

والله الموفق

وهذه قصيدة يجاري فيها الشاعر متعب القداح الشاعرة أسماء في مدح بنات الوطن
***
**
*

مع مراعاة ::


ان الشاعر لم يقصد التقليل من شأن الأخوات العربيات بأي شكل من الأشكال


والله الموفق ..


اتركم مع القصيدة ::

أسماء سمت بالمعاني حيل مشكوره =
تهيض شعري مع الاحساس وشعوره=
عساك للطيب والافعال مذخوره=
الصيت محمود وانتي بخير مذكوره=
أكفيت ياحي دايم فيك مستوره=
انتم بنات الوطن امجاد واسطوره=
محاسن الزين كل الحسن غندوره=
مكامن الطيب عتق عوده عصوره =
زينات الاوصاف منها الشقر مبهوره=
الزين ثابت مع الازمان ودهوره=
بنت الوطن من سحاب العز ممطوره=
ياشجرة الدار ظل وصوت عصفوره=
الدار من غيركم دنياه مهجوره=
سمعت ياللي تفضل دار سنيوره=
ان كانها بالتخلف قلت مشهوره=
بنت الوطن بارض نور الارض مبذوره=
بنت الوطن ياعديم السد مخبوره=
حنا عن الدار غبنا ايام وشهوره=
ياللي تمشى تسب خطاك معثوره=
ماتدرك العلم والافكار مثبوره=
ان كان عينك من الشاشات مسحوره=
تصبح حياتك من النقصان مذعوره=
مغرور محرور غيرك بنت مغروره=
يضيق صدرك ونفسك دوم مقهوره=
من الحماقة تبيها تجيك مطيوره=
ياناوي الشر والاذكار مبتوره=
لاضاعت خطاك في غبات ديجوره=
انتم من اللي تنابح دوم مسعوره=
مير البلى قصدها بحسرة ومحروره=
عوذى بربي ياجن الانس مدحوره=
محشومة انتي يابنت الدار معذوره=
نجية وان كان فاقد خارجٍ طوره=
نجية ويشوف مربى الدار ونموره=
ياعزوة اللي تعزوى نخوتة نوره=
حنا شباب الوطن في حماه وثغوره=

القصيدة لشاعر:متعب القداح .

منشده
في شريط يبه 2

للمنشد :

عمر المنسلح .

رووووووووعه
يعطيك الف عافيه
تقديري

رووووووووعه
يعطيك الف عافيه
هبووب الجنووب

شـكــراً بارك الله فيك ... لك مني أجمل تحية