اضحكت ثم قالت : أصلي احضرية ... والسعودية لنا دار ومقــــــر

ما ذبحني من العرب كود احضريّة
شفتها تمشي على شط البحـر

صاحبي ما شفت في العالم حلِيّـــــه
النهود صغار والجبهة قمـــــر

مدرج الساقين وضّاح الثنيّــــــــــة
واسع العينين برّاق النحـــــــر

يومني سلمت له رَدّ التحيــــــــــــة
ثم وقّف ينتظر سِيْد الحضــــر

قلت أنا : أجلس ودي تسولف عليـــه
عطني أخبارك من أسرار وجهر

قالت : أبشر بس بالك شين نيـــــــــه
هات ما عندك ولا تفشي الخبر

قلت أنا : أنتي من العرب وإلا أجنبية
ردّت وقالت : أنا ضمن البشر

قلت : فاهم بس من أيّ البريــــــــة ؟
وين ديرتكم من ايّات الديــر

اضحكت ثم قالت : أصلي احضرية
والسعودية لنا دار ومقــــــر

كان تبغي الصدق من جدة العذية
ديرتي دار الكرامه والظفــر

قلت : نعمٍ بالديار المقدنيـــــــــــة
يا شبيه الريم ، يا بنت المطـر

صار من بيني وبينك جاذبيـــــــة
وعساك بخير يا نور القمــــر

يا عنود الصيد لا تبخل عليــــــه
جد لنا بالوصل يالظبي العفــر

الوعَد إلى انتهى شهر الضحيـــة
في شهر ربيع وإلا في صفــر

ما ذبحني من العرب كود احضريّة
شفتها تمشي على شط البحـر


تحياتي ساهر
اشكرك والله ويعطيك العافيه
المسكت