((صدر صك الزمان اللي رفع قدرك سماه وداس))

[poet font="Simplified Arabic,4,indigo,normal,normal" bkcolor="white" bkimage="" border="ridge,10,darkred" type=2 line=200% align=center use=ex length=0 char="4" num="0,black" filter=""]
تعوّدنا على الضيقه انا وانتي وكل الناس=صراحه ،حبنا قصه سكتنا بس تحكـينا
اشوف الحزن بعيونك وفي قلبك جروح الباس=اجل قولي عن الحاصل كفى يكفي تناسينا
اذا قلتي انا منّك وانا لك طيب الانفاس=دخيلك لا تخيلني على حيره تبكّينا
وربي يابعد حالي احبك حب ماله ساس=احبك كثر ماحلّت قوارب في موانينا
حلفتي بالذي زانك يمين الله قـوّي الباس=وانا مااريد لي قلبٍ يعذّبنا ويجفينا
عيونك جنتي وانتي قصورِ مابها حراس=دخلت بقلبك الحاير مابين الحين والحينا
سلم قلبك من الواشي من الحسّاد والانجاس=عسا دنيا تلاعبني قبل تلعب تنهينا
عزاي بحبكم فيني تجاوزني بلا مقياس=بداية فرحتي لحظه بها شفتك تنادينا
انا ماني مثل غيري يحين بدقّة الاجراس=انا وقتي معك سابق حضر قبل المحامينا
انا جاني على نفسي وصدري محكمة احساس=قضيّة جلستي حبك قتلني قبل يحيينا
حضرها كل محبينك ولا فيهم رفيع الراس=تبرّوا من محبتهم نسوا حتى مبادينا
تجلّت كذبة العاشق بحضرة قاضيٍ نوماس=حكم ينسى قساوتهم سجن في غيظه اللينا
صدر صك الزمان اللي رفع قدرك سماه وداس=على من هو سبب حزنك رسم ختمه تهانينا
خرجنا مثل ماجينا املنا صرخة القرطاس=تبدّد ضيقة الخاطر تجدّد كل امانينا

[/poet]

[c]تحياتي للكل
اعجبتني ونقلتها لكم عسى
ان تستمتعو مع كلماتها [/c]