عيالك مايصلون اومتعبينك تعال نشوف كيف نغيرهم؟؟!

تقول الإحدى الأخوات :


بقول لكم قصتي صارت لي انا

كانت بنتي بخامس ابتدائي..

وثقيله الصلاة عليها.. لدرجة اني يوم قلت لها قومي صلي وراقبتها

لقيتها حاست جلال ( شرشف ) الصلاة ورمته على الارض وجتني

قلت لها صليتي قالت ايه..صدقوني لاشعوري عطيتها كف

ادري انه غلط.. بس الموقف ضايقني وبكيت وخاصمتها ولمتها وخوفتها من الله

ومانفع معها كل هالكلام ..



لكن بيوم... قالت لي وحدة قصة.. منقولة ..وهي انها زارت قريبة لها عادية ليست كثيرة التدين

لكن يوم حضرت الصلاة قاموا عيالها يصلون بدون ماتناديهم ولا تهاوشهم

تقول .. قلت لها : كيف عيالك يصلون من نفسهم بدون خصام وتذكير ؟!!!قالت والله ماعندي شي اقوله لك الا اني من قبل اتزوج وانا ادعي الله بهذا الدعاء



انا بعد هالسالفه لزمت هذا الدعاء ..في سجودي وقبل التسليم وفي الوتر ..وفي كل اوقات الاجابه


والله يا اخواتي.. ان بنتي هذي الان بالثانوي.. من اول مابديت بالدعاء وهي التي تقومنا للصلاة وتذكرنا فيها

واخوانها كلهم ولله الحمد حريصين على الصلاة


حتى امي زارتني ونامت عندي ولفت انتباهها ان بنتي تصحى وتدور علينا تصحينا للصلاة



ادري

تبون تعرفون هالدعاء

في سورة ابراهيم قال تعالى :

(( رَبِّ اجْعَلْنِي مُقِيمَ الصَّلاَةِ وَمِن ذُرِّيَّتِي رَبَّنَا وَتَقَبَّلْ دُعَاء 40 ))

منقول للفائدة

يعطيك العافيه اميره بدنيتك
وحقاً الدعاء مطلوب للصلاح والهدايه

بارك الله فيك ولاهنتي

اخووك

ويعافيك يارب
ومشكور على مرورك الرائع وردك الأروع
الذي انار متصفحتي

اموره الله يسعدك ويفرح قلبك ببنتك ويهديلنا ولك ماقسم لنا



فعلا الدعاء مخ العباده

وقد سبقنا الانبياء عليهم السلام فى الادب مع الله وسنوا لنا سنة حسنه ........



فى الاعتماد والتوكل على الله وحده

جزاااااااااااااااااااااااااااك الله كل خير

غاليتي عطر الأماكن القصه منقوله مو انا االلي كاتبتها كلها منقوله
وانا نقلتها للفائده
مو انا اللي عندي بنت هذي وحده تروي قصتها<<وحده مصدومه
المهم يعطيك العافيه على المرور العذب عزيزتي

الاخت الفاضلة اميرة الكل

بارك الله فيك على نقل هذه القصة الرائعة

القرآن العظيم ملئ بالدرر والفوائد لكن نحتاج من يشير اليها

سبحان الله ابراهيم عليه السلام يدعي ربه ان يكون مقيم الصلاة وهو نبي

نفع الله بك ولا حرمك الاجر

النعيــــــــــم /
يعطيك الف عافيه على المرور
وعلى ردك الذي انار صفحة الموضوع