الاسم عادي والمسمى غير ! ! !

الاسم عادي والمسمّى غير=انا اشهد انه لا . . ماهو عادي
والمدح يصعب ياالله التيسير=والحرف دلـّــى بي مع الوادي
وانا ابيه يطير بي ويطير=ايلين ياصل نجمها البادي
حرفي يخاف الدُون والتقصير=وشلون يمدح بنت الاسيادِ
ابداعها ما اشوف له تبرير=إلاّ ان خلفه فكرْ وقـّـادِ
متواضعة جدا - بلا تصغير-=وحرفها متسلطْ وسادي
أسَر عقول ٍ ترفض التحرير=أسْـر ٍ وله في الناس روّادِ
ماوفـّـرت بابداعها توفير=اروت من الإبداع الاكبادِ
يا(طيف) يتسابق لك التقدير=يانجمةٍ ضوّت سما النادي
اقرا حروفك وارفع التكبير=لله حرفٍ معك ينقادِ
يامبدعة بالطرح والتصوير=من فكرْ مايحتاج الاسنادِ
فكر ٍ سخيْ مايعرف التقتير=باحلى حروف النور مَـدّادِ
يمطر علينا حيّ ذا التمطير=امطارْ عدّت وصف الارصادِ
نزف البَحر ماهوب نزف البير=شي ٍ تعـدى عدّ الاعدادِ
هذي مشاعرنا وقصدي خير=والمعذرة يابنت الاجوادِ
حاول قصيدي يتقن التعبير=ولاتجمّـل بك ولا جادِ
هذي القصيدة ياعرب تشهير=تشهير في صاحبة الامجادِ
مير انقلوها ياعرب للغير=للي قريب الدار وبعادِ!

راجي الوصل
هلا بالغلا
مٌلهمه ورائعه ياعزيزي
صح لسانك وعلا شانك ولاعدمنا تواجدك

اصدق الود ولاهنت

اخوك

راجي الوصل
هلا بشاعرنا أبداع ما سطرت أناملك
تقبل مروري
لذة الشوق

مميز شعرك وطعمه غير=الحان من بلبل شادي