قصيدة لضيدان بن قضعان

يا وجودي كل ما هبّ نسناس iiالشمال=وجد من حدّه زمانه على اللي ما iiيبيه..
ويا وجودي كلما اضحيت ثم مال iiالظلال=لا غفت عيني ولا ذقت شي ٍ iiمشتهيه...
وجد من قفّى وهْو في رجا كلمة iiتعال=وإلتفت من عقب ماْ اقفى ..ولا أحد ٍ لدّ فيه..
ويا عذابي لا دنا الليل من روس iiالجبال=وانتهى يوم ٍ من العمر ما عاد iiأرتجيه..
وانتي أبعد من سما الحلم ووصالك iiمحال=يا بعد من هلّ دمعي ضحى الفرقا iiعليه..
يا غناتي لا تحسبين دمعي يوم iiسال=ضعف ولاّ خوف ..ولاّ كذا ولاّ كذيه
والله إني من رجال ٍ يضدّون iiالرجال=لكن الحظ ّ الردي ..ساق دمعي كل أبيه ii
ووالله إني كلما دار حوليك iiالجدال=قمت كنّ الموت يشّر على قبرى بديه ii
ووالله ان قد لي وانا اصّد لا جالك iiمجال=صدّة اللي لا تضايق تذكّر قبر أخيه ii
ومن سألني قلت مدري..وإذا عاد iiالسؤال=قلت له تكفى سؤالك ترى ماهو وجيه ii
وش تبيني اقول عن من ترى ذبحي حلال ii؟=والخطا منها عليّ..صرت أحبه iiوأهتويه
عذرها لو ماْ تْعذّر مثل واضرب iiمثال.=واحد ٍ ما يعرف الحرّ الاشقر يشتويه ii
وان رجعناللتواصيف لله iiالكمال=لاْ انتهى ليل المزايين جاتك تبتديه ii
كنّها غفل ٍ مع البدو طاويها iiالحيال=ما يميّز وصفها إلا نبيه ٍ من iiنبيه.!!
وآهني اللي وصلها وذاق من iiالزلال=شربة مع غفلة الناس من فيها iiلفيه
ياْ اول أحلام الطفوله على حد ّ iiالخيال=الرجى باللي حمى البيت من حملة iiبريه..
حال دونك سيف عنتر وتاسع حول iiحال=باْثر حول ٍ حال دونك وانا ادعى هيه هيه ii
هيه ياللي غرّك الحسن واطغاك iiالجمال=والله أني اموت ما شفت لأوصافك شبيه
لو يسام الحسن والتيه بجنيه وريال=ما بقى في سوق غيرك ريال ولا جنيه ii
كيف أهدّك للمقادير وانتي راس iiمال؟؟= راس مال ومال..والمال ماْ يغطي السفيه ii
حافظك حفظي لعيني ورمشي لك iiجلال=وانتي تْشحّين بالما..وانا شفّي مويه ii
شايف ٍ ظلمك وساكت وطال الليل iiطال=لا نويتي طعن قلبي وانا ما قلت iiليه...
لو بقى للهيل صبر ٍ على فوح iiالدلال=ما بقى للهيل صبرٍ على شي ٍ يجيه!!
وانتي تْسوقين عقلي على حدّ iiالهبال=تحسبين ان من بغى شي ..يقدر يشتريه ii
ولاّ انا يا وجد حالي وجود ٍ ما iiيقال=وجد من ضحّى بغاليه لْرضا iiوالديه...
ويا وجودي بأول العمر قبل ألبس iiعقال=وجد من باع آخر العمر ..في رغبة ذويه
ويا وجودي كل ما هبّ صوتك من iiشمال= وجد من حدّه زمانه على اللي ما يبيه

اتمنى مشاركاتي تحوز على رضاكم
تحياتــــــــــــــــــــــي

سيف نمران
يعطيك الف عافيه
وضيدان شاعر رايع
لك وله كل الاحترام

اخوك

الله يعطيك العافيه

يعطيك الف عافيه

وانا من اشد المعجبين بهذا الشاعر الرائع

تسلم يالغالي
تقبل مرور فاضل بن سلمان

الله يعطيك العااااااااااااااااااافية