منقوله؛؛لاتحسبين العرس توفـي وكتكـات ولا تحسبينـه توكـس والا بونتـي

لاتحسبين العرس توفـي وكتكـات =ولا تحسبينـه توكـس والا بونتـي
ولا تحسبين العر س كيكة وطرطات =وصلـة قطعتيهـا ووصلـة بلعـت
ولاتحسبين العرس تصفيق واصوات =وانت عللى صوت الغطاريف همتي
ولاتحسبين العرس كوشة ولمبـات =وانت كما الطاووس فيهـا جلسـت
ولاتحسبين العرس احلام في الشات =يامـا بنيتيـهـا ويـامـا هدمـتـي
ولا تحسبين العرس روحة وجيـات =هيا اقضبي بيتك عسـى مانهبلتـي
ليلة سعيدة وانت احلـى الجميـلات= تشخص عيون الناس اذا حضـرت
(واللاينر)حطيـه بـلا زيــادات= لا يخـرب المكيـاج اذا دمـعـت
(والمسكرة)تحتاج لطف ومـدارات= حتـى يبـان ازيـن اذا غمضتـي
(والاسبريه )رشيه حتى البصيـلات= ينسك شعرك زين ولـو كـان زدت
وترى(المحدد)فن يحتـاج رسمـات= يبـان رسمـه زيـن اذا ابتسمـت
العـرس يابنيـة ماهـو شعـارات =تفنـى مراسيمـه وتبقيـن انــت
ويبقى شريك العمر راعي الطويلات =هذا هو العرس الحقيقـي عرفتـي؟
اول نصيحة لك حفـظ الصلـوات =صلي العشا والفجر في كل وقـت
وفي ليلة العرس الموفق وبالـذات =ادعـي الكـريـم الله اذاسـجـدت
والتعري لاترضين عند الكوفيـرات =ولبسـك يملـي العيـن اذا لبسـت
واللي على زوجك تحرضك مرات= ارجـوك شوتيهـا شوتـت بلنتـي
والصبر في العشرة حتى على فتات= ياماحـلا فعلتـك يومـك صبـرت
واذا حفظت السر مـع المـدارات= زوجك ترى في عيونه انت كبـرت
والسوق يعني هاه وقت الضرورات =والاتـرى زوجـك يـدور لمفتـي
زيدي الغطاية وكثري في العبايـات =والله يرضـى عنـك اذا سـتـرت
اوصيك بالكبسـة وكثـر اليدامـات= حتى لوانـك مـن سببهـا متنتـي
وخلي الرجيم اللي فشلت في مرات= سويـه مـرة واحـدة لا ولــدت
اوراق شاعر يرسل ازكى التحيـات= خصيـه بالـدعـوة اذا دعـوتـي

يعطيك العافيه يابن ظافر
ونقل راائع من إنسان متذوق ورااائع

اصدق الود لك وسلم قائلها

المسكت الله يعطيك العافيه على المرورالغالي

يعطيك العافيه يابن ظافر نصائح قيمه بطريقه ظريفه


نقل راااااااااائع والاروع ناقله

انا عرفت العرس وما كلت كتكـــات...........نصيحتــــي لي ولبنت بنتــــــي
ولي مع الشبــــان وقـفه ووقفــات...........واقول خلك مثل جــــدك وجدي
وبحط في اذنك نصيحـــه وهمسـات...........وخلك معي ولا تكــون ضــــدي
ابدأبنفسك واجتنب كل غلطه وزلات...........وعندها باهديك روحـي وقلبـي


قررت اني ارد بهذه الابيات المتواضعه واذكر الشباب ان صلاح البيوت منهم فاذا صلح الرجل وكان مثال صالح فستكون المراه عند حسن الظن وعلى قوله المثل(((اللي ماله كبيــــــر مالــــه تدبيـــــــر)))

وتقبلوا تحياتي

عطر الاماكن:: ألف شكرعلى المرورالغالي الله يعطيك العافيه



عبدالرحمن 2008 ؛؛؛؛؛ ألف شكرعلى المرورالله يعطكم العافيه وكل الشكر والتقدير على المداخله الرائعه





انا عرفت العرس وما كلت كتكـــات...........نصيحتــــي لي ولبنت بنتــــــي
ولي مع الشبــــان وقـفه ووقفــات...........واقول خلك مثل جــــدك وجدي
وبحط في اذنك نصيحـــه وهمسـات...........وخلك معي ولا تكــون ضــــدي
ابدأبنفسك واجتنب كل غلطه وزلات...........وعندها باهديك روحـي وقلبـي

والسوق يعني هاه وقت الضرورات
والاتـرى زوجـك يـدور لمفتـي

السوق اللي انتو يالرجال ماتواطنونه بعيشة الله

اوصيك بالكبسة وكثـر اليدامـات
حتى لوانك مـن سببهـا متنتـي

وهذا اللي تحبونه اهم شي بطونكم
بس مو مشكله السوق مقابل الأكل
مشكور اخي الكريم بن ظافر على القصيده
وفعلا تلامس ماهو حاصل في مجتمعاتنا
يعطيك العافيه

والله نصائح حلوه بس اشوف بدت اعتراضات الحريم من الحين والا يا اميره

المشاركة الأصلية كتبت بواسطة أميره بدنيتي

السوق اللي انتو يالرجال ماتواطنونه بعيشة الله

وهذا اللي تحبونه اهم شي بطونكم
بس مو مشكله السوق مقابل الأكل
مشكور اخي الكريم بن ظافر على القصيده
وفعلا تلامس ماهو حاصل في مجتمعاتنا
يعطيك العافيه

انا رديت بالنيابه عنكم شوفي الرد اللي كتبته وبعدين احكمي!!!!!!!!!!!!!!!!!!!!!!!!!!؟

كتكات وبونتي ؟
ياحليله ذا الشاعر هذا اقصى شي حلو يعرفه ؟

والله حسبناه وحسبناه وحسبناه
لقينا شي وفقدنا شي
دفينا الحيااه ودفتنا
قبلنا شي ورفضنا اشياء
تمسكنا بشي وتلينا اشياء وشويات

هو الزواج حليو ماهو بشين احيانا قطعة كيك مزينة واحيانا شيبس بالفلفل الحررراء على قولت كنتاكي


بن ظافر

يعطيك العافيه قصيده حلوه ونصيحه نسمع منها وناخذ اللي يجي عالمزاج

دمت في خير

أميره بدنيتي:::::: عجاج السنيني::::: ذات الشان


تشرفت بمروركم الغالي الله يعطيكم العافيه

أ

والله نصائح حلوه بس اشوف بدت اعتراضات الحريم من الحين والا يا اميره

ليست إلا توضيحات اكثر مماتكون اعترااااااضات

الله يعطيك العافيه على هالنقل الرائع والجميل
اللذي ياتي من شخص ذو ذوق رفيع

الاخ/بن ظافر مشكور على هالأبيات الجميله والله يعطيك العافيه

بحر

مرحباً ألف بك وبمرورك الغالي بـــــــــــــــــــــــحـــــــــــــــــــــــــ ــــــــــــــــــــــــــر