ياصانع المـكيــاج

يـا صانـع المكيـاج الله يجـازيـك
خليتني مخـدوع فـي شكـل خلـي


الله يحـرق مصنعـك مـع مبانيـك
والمعرض الموجـود في بيكاديلي


ادعي عسى تعمى وتنشـل رجليـك
هـذا دعائـي دوم لا جيـت اصلـي


خليتني اركـض ورا البنت هاذيـك
واشوفها اجمل غـرام ٍ حصـل لـي


قلبي عشقها يا(جيفنشي) توماتيك
وان شافها قلبـي يرحـب يهلـي


هي رحبت بـي وقالـت الله يحييـك
وقالت هلا باللي عشق زيـن شكلـي


وقالت انا اجمل بنت في اللي حواليك
شف حسني الاخاذ وروجي العسلّـي



طالعتها ثـم قلـت هالقلـب يبغيـك
ومن شاف حسنك خلى غيرك يولـي



ابغي اشوفـك دون مكيـاج يكسيـك
وابغـي اشوفـك بالجمـال المحلـي



قالت تبينـي افـرك الوجـه تفريـك
واشيل هالبـودر وروجـي وكحلـي



قلت أي نعم قومي عسى الروح تفديك
ابغـي جمالـك هالطبيعـي يهـلّـي



قالت دقايق راجعـه لـك واراويـك
ذاك الجمـال اللـي لعينـك يسـلّـي



ويوم رجعت لي شربكتني الشرابيـك
وحسيت الارض تدور وانـا بمحلـي



الخد كنه يا(جيفنشـي) سيراميـك
والوجه شارع مثـل شـارع حولـي



الوجـه كنـه بيـت كلـه شبابيـك
من هالحفر في وجهها اللـي يعلّـي



كلـه سبـب مكياجـك الله يجازيـك
خليتني مخـدوع فـي شكـل خلـي



وأنصح أنا كل شاب من غير تشكيك
لا لا اتسـرع ثـم تنغـش مثـلـي



اللـي بـلا مكيـاج خلهـا حواليـك
واللـي تحـط مكيـاج خلهـا تولـي

منقوول:::::::::::::::::::::::: وينك يا بتار

سلمت يمينك يابن ظافر

نقل مميز من شخص مميز

تقبل مودتي

بن ظافر ،

الله يعطيك العافية على هذا الجمال الأخاذ والنوعي والمميز ،

قصيدة جميلة ومعبرة وفيها فوائد جمه لي زمان ما قرأت مثل هذه القصيدة الموزونة والسهلة والمميزة والقوية المعاني،

سلمت وسلم خيالك ومالك وما ودي اقول ريالك الذي اقول الله يجعله في خدمتك في الدنيا والاخرة،

حسن ال مسفر ::::::::::::: ابوشروق


مروركم شرف أعتزبه الله يعطيكم الصحه والعافيه

اللـي بـلا مكيـاج خلهـا حواليـك
000 واللـي تحـط مكيـاج خلهـا تولـي

بن ظافر

راائع ونقل رااائع
إحساسك المشاعري جميل وتذوقك اجمل
دمت وارف ولا عدمنااك

اخووك

يعطيك العافيه يابن ظافر

اختيار مميز ونقل رائع


الخد كنه يا(جيفنشـي) سيراميـك
والوجه شارع مثـل شـارع حولـي

المسكت :: خيال اصايل


ألف شكرعلى المرورالله يعطيكم العافيه

ولا يهون شانيل يودو لان قصيدتن فيه لا تاخذه الحقره بيعنه

شكراً للمرور ريانة العود::: صدره وسيع يحب الشعر