لعنبو قصة غرام كل ابوها كلمتين !!!

--------------------------------------------------------------------------------

لعنبوقصة غرام كل أبوها كلمتين.

. ابتدينا عند (أحبك) وانتهينا عند (باي)

تونا مامشينا في الهوى خطوتين

وانتهى الموضوع كله حتى مااعرف وش خطاي!!

انتهى الموضوع كله بكل سهوله

وين أحبك؟! وين أريدك؟! وين ساكن في حشاي؟!

يمكن إنك ماوفيت يوم حبيت تعشق

ويمكن تحسبني بتبعك من دون راي.

ويمكن أصلآ ماعشقت بس كنت تلعب

ويمكن إنك ماوصلت في هواك لمستواي!

ويمكن إني ماعرفت في الحقيقه وش تبي

ويمكن إني خنت نفسي يوم أعطيتك وفاي!

علمني في الهوى ياجاهل وش تعرف؟

تعرف إنك صرت شي يجري في دماي؟

علمني في العطا والتضحية وش تفهم

لعنبو حبك عشانك عفت أقرب أقرباي،،،

كنت أحطك في عيوني تسرح وتمرح

كنت أشيل هموم قلبك وارمي همومي وراي!!؟

كنت أطير من السعاده يوم أشوفك تضحك

كنت ذايب في هواك مثل سكر وسط ماي،،

كنت نايم بالعسل وارسم من الفرقى سنين

كنت أظنك قلب عاشق ماسكن وسطه سواي،،

ماوعيت إلا وانت تطعن في خفوقي

ماوعيت إلا وسيفك بالحشى رايح وجاي..

وردة؟! إيه ورده بس عرفت تجرح

كل شي فيني جريح إلا "فخامة كبرياي"

ماتأثرت بغيابك وش يعني دمعتين

بكره أنسى صدقني وأرجع بكامل قواي،،

أدري إن حنا افترقنا بس أبي أفهم حاجتين

علمني وش كسبت وعلمني وش خطاي؟

أصلآ الموضوع كله ماتعدى كلمتين

إلتقينا عند (أحبك) وافترقنا عند (باي)



للشاعر المبدع حامد زيد