وداااااااع

أحب أنقلكم هنا بعض الأبيات اللي مرة أعجبتني وهي للشاعر ^أحمد السكران ^وإن شاءالله تعجبكم خاصة إنها أول مشاركه لي ...



وداع

تواعدني وتجرحني وتتركني بدون أسباب
وتقول أرجوك سامحني وابيك تقدر ظروفي !!

أنا أقول أنت صاحي؟وين ذاك الحب والأعجاب
تواعدني بوصلك وأنت يالمجمول ما توفي

بعدما كنت أنا وياك وذاك الوقت اعز احباب
وترجمنا الغرام العذب بحروفك وبحروفي

تبي تنهي محبتنا وتبغانا نصير اغراب ؟؟
أنا لاغبت لك يومين تشعل نار في جوفي

تقول أرجوك تنساني..وأنا لو أن راسي شاب
ومن عقب النشاط القى التعب والعجز بوقوفي

اعيش بذكريات الحب..وابقى العاشق المنصاب
وأشيل الهم والأحزان في قلبي وبكفوفي..

اسكر على جروحي باب..وافتح من عذابي باب
نسيت الخوف وانكرته بعد ماضعت من خوفي

وبعدما أعلنت لي فراقك ياغالي بدون أسباب
إلى مني سألتك قلت يا(....) قدر ظروفي !!!