قصيدة ام وولدها اللي رماها بالمصحه؟؟؟؟

هذه قصه مبكيه ووالله لاتدمع لها الاعين القصيده هذي لعجوز كبيره في السن رماها ولدها لدار الرعايه اترككم مع القصيده :::

يامسندي قلبي على الدوم يطريك========ماغبت عن عيني وطيفك سمايه
هذي ثلاث سنين والعين تبكيك==========ماشفت زولك زايرآ ياضنايه
تذكر حياتي يوم اشيلك واداريك=========والاعبك دايم وتمشي ورايه
ترقد على صوتي وحظني يدفيك======== ماغيرك احد ساكن في حشايه
والى مرضت اسهر بقربك واداريك========ماذقت طعم النوم صبح ومسايه
وياما عطيتك من حناني وبعطيك=========تكبر وتكبر بالامل يامنايه
لاكن خساره بعتني اليوم وشفيك========واخلصت للزوجه وانا من شقايه
انا ادري انها قاسيه ماتخليك===========قالت عجوزك ماابيها معايه
وخليتني وسط المصحه وانا ارجيك=======هذا جزاء المعروف وهذا جزايه
ياليتني خدامه بين اياديك=============من شان اشوفك كل يوم برضايه
مشكور ياوليدي وتشكر مساعيك=======وادعيلك الله دائما بالهدايه
حمدان ياحمدان امك توصيك============اخاف ماتلحق تشوف الوصايه
اوصيت دكتور المصحه بيعطيك==========رسالتي وحروفها من بكايه
وان مت لاتبخل عليه بدعاويك==========واطلب لي الغفران وهذا رجايه
وامطر تراب القبر بدموع عينيك=========ماعاد ينفعك الندم والنعايه

قصيدة كتبتها عجوز بعد أن اودعها أبنها في دار المسنين
وطالت المدة لثلاث سنوات بدون أن يزورها
ورغم كل هذا كانت القصيدة مليئه برحمه وعطف الأم
الله يخلي لنا امهاتنا يارب

بجد القصيدة مؤثرة جداً >>>> تأثرت :11ying: :11ying:


حمدان يا حمدان .......... أمك توصيك

مشكور اخوي حصباء على المشاركه
والله يكفينا شر عيال اليوم؟؟؟

اخوكم/
فارس

شكرا على مرورك الطيب مع ان اكثر من 18 واحد قرا الموضوع لاكن بدون ردود لاكن بالحرام ان ردك على الموظوع يعادل عندي 20 رجال اخوك/ حصباء الجعادبه