حلو الكلام

السلام عليكم يابني عمر واللي ماهو من بني عمر كمان السلام عليكم
اعذروني عن التأخر والتأخير ولكن أمور خارجه عن الأراده

عساكم بخير والعون والسلامه .... خخخخخ
هذه قصيدة حلو الكلام ارجوا ان تنال اعجابكم
[poet font="Simplified Arabic,4,darkblue,normal,normal" bkcolor="transparent" bkimage="" border="none,4,gray" type=2 line=200% align=center use=ex length=0 char="" num="0,black" filter=""]

حلو الكلام يبان مع خالص الروح "=" ماهو بقلب(ن)عاللسان منوّخا
إيترجمه بالصدر مع شدّة الفوح "=" قلب(ن)مشى الدنيا.شدايد والرّخا
يرسل أشاراته على عقل به نوح "=" يمتاز به بخل الكلام من السّخا
الله من قلب(ن)معي حيل مجروح "=" من كثر طعنات الهوى مترضخَا
لاهبت النسمه على سيد البوح "=" يجترحزنه والليالي تورخا
من فين بابدا ياهجوسي وياصروح "=" من فين بابدا عوذة الله منتخا
ياناس لي قلب(ن) يصارخ ومبحوح "=" لي خلّ من هجره دموعي تصرخا
لاهو يريحني ولاهو يقل روح "=" يشتد لا قرّب وبعده مردخا
لا شك انا ودي وصاله ومنجوح "=" لكن غروره باض فيّ وفرخا
لاشافني زعلان يرمي بلسموح "=" اوْ لا هقا جيّات قلبي يكلخا
مدري أبصبر يارفاقه ومسموح "=" لو كان قلبي يالرفاقه يطبخا
ولاّ أبطّل والتحق عمر مملوح "=" وشْ لي بحب(ن) كل ماهو وسخا
أرض(ن) تعزك كلها زين وفروح "=" لو كنت فيها بالحصيره تكشخا
والصاحب اللي يرتجي منك مصلوح "=" اعطه ولا شفته حذاري تنفخا
الحر يعطي والعطايا تبا تسوح "=" أجره ترى ثابت وذكره يرسخا
والنذل كبه لا تخاوي بالمزوح "=" دلخن ليا شافك بتضحك فصخا
واترك بها الدنيا من الناس مشفوح "=" لا شاف خبزك صرّعينه دلخا
واقبل على ضيفك ووسع له امروح "=" أوْقدّ ما تعطي عليك يبخبخا
ياجعل ربي يامر المزن ويلوح "=" يسقي شعور الزين هجره مصخا
الحب ماهو علكة(ن) ساع وتروح "=" سيف الهوى قاطع جنوبه تسلخا
ما ينفع بجرحه مراهم للقروح "=" لو كان يمسي كل عالِم يمرخا
[/poet]

تحياتي للجميع