اهداء مني الى خيال اصايل

((التمثال))

عفا الله عن خطا غدر الخناجر والضلوع ابطال=
=بسامح واتركك تحت الظلام الحالك لحالك
دخيلك وفر دموعك ترى هدر الدموع اذلال=
=وترى ما فيه احد يصبر مثل صبري بغربالك
انا عيب علي أنقض كلامي والرجال افعال=
=واذا قلت اقطع احبالك تراني بقطع حبالك
عشان اكسب هدب عينك تجرعت العذاب اشكال=
=وليتك ترأف بحالي علشان ارأف بحالك
مسوي في حياتي شي ما يذكر ولاينقال=
=حشا حتى العدو وهو العدو ما يعمل اعمالك
تمسيني على الهم وتصبحني على الغربال=
=تقلطني فناجيلك وتقصر عني دلالك
تحملت التعب لجلك وانا حملي يهد جبال=
=رحلت من العذاب وما وقفت الا على جالك
علامك كل ما جيك متواضع جيتني تختال؟=
=معاك اليا متي بصبر وصبري معك يحلالك؟
مثل ما اقبلت لعيونك لزوم تلد لي باقبال=
=ومثل ما قد حشمتك حس واحشم قلبي اشوى لك
أنا محدن بجابرني أساير معك هالمنوال=
=ترى لاني تبيع لك ولا ني باصغر عيالك
أنا جيت اعشقك نبض ومشاعر ما اعشقك (تمثال)=
=أنا جيت اسكنك واحياك وابقى فيك وابقى لك
أنا جيت بظما عاشق تعب يطرد سراب اللال=
=أنا جيت استفز رضاك من فرقاك والجا لك
أنا ما همت بك عاقل أنا كنت اعشقك بخبال=
=أنا ما كنت احبك حي أنا كنت اعشقك هالك
تخيل من كثر ما اخاف تلقى للزعل مدخال=
=أخاف اخطي على طيفك وادوس برجلي ظلالك
تبعتك والعرب تتبع رعود البارق الهمال=
=وانا شفت المطر يتبعك في حلك وترحالك
كأن اللي خلق حسنك خلقني مع جسدك ظلال=
=وصرت اقرب جسد يمشي معك باقفاك واقبالك
أبي قلبك يحس انه فقد بمحبته رجال=
=ملكته من هدب عين وخسرت رضاه باهمالك
صحيح ان الفراق اقسى ولكن الوصال محال=
=أنا صعبن علي أرضي غرورك واضعف قبالك
بعد ما حققت عيني فبعدك للرقاد امال=
=أعود للسهر؟ -- يا خوي فال الله ولا فالك!
ببدل نظرتك فيني واجي لك كل يوم بحال=
=بكون اقرب من ثيابك عليك ولا تهيا لك
بالمك وانثرك واجمعك وارجع وانثرك باهمال=
=بخونك وازعلك وارضيك وازعل منك وارضى لك
أبرسم بالثرى وجهك وابدفن صورتك برمال=
=أبشكي للعرب فرقاك واضحك عند عذالك
أبهديك الوصال فراق واهديك الفراق وصال=
=بسوي مثل ما شوفك تسوي وافعل افعالك
عشان تعرف من فينا الزعول ومن وسيع البال=
=أبيك تذوق فنجالي وانا بذوق فنجالك
نصيحة واحتفظ فيها قصر معك الزمن أو طال=
=أبي تسمع كلامي زين وتحطه على بالك
اذا حبك هبال اطفال لك عندي هبال اطفال=
=ولا --- وابشر بعد بهبال حب ما هو بهبالك
واذا قصدك تهين اسمي عشان تشمت العذال=
=ترى لا انته ولا غيرك --- ولا عشرة من اشكالك

بقلم الشاعر الكويتي حامد زيد

اخي بحر

سلمت يمينك على النقل الطيب

وياليت تراجع هالموضوع اضغط هنا النقطة رقم 2 الله لايهينك

مودتي


مودتي

اولا شكرا عل تعديل تنسيق القصيده

ثانيا القصيده معروفه ما يبغاله كلام

ثالثا انت اشوفك متقصدني مدري وش تبي

رابعا انا اعرف وش اكتب ووش انقل يعني ما يحتاج اي تعديل او تدخل من قبلك

ولا عشان قالو مراقب تقعد تنزل في الناس حذف وتعديل وتترقب غلطاتهم

لا يا اخي من من الاعضاء او الزوار لايعرف قصيده حامد زيد (التمثال)

تقبل تحياتي بحر

ما اقول الا يا صبر الارض

شكرا على الاهداء

ولعل الشاعر الكبير حامد زيد يرد على نفسه


أنا ربتني الدنيـا علـى جـزل العطـا والجـود
ونفسي للوفا والطيـب وفعـل الخيـر جزامـه
وأعارض منهج الهابط وأوافق للصعود صعـود
وأسيّر نفسـي بعقلـي مـدام النفـس هدامـه
ولا تثّر بي البسمة ولا كحـل العيـون السـود
ولا يقوى على قلبي صغير الحسـد وأجسامـه
أردّ الجود بأمثالـه وأقابـل بالجحـود جحـود
وترى لا خير في رجلٍ يوطّـي للـردى هامـه
وعندي مع أهل العِليا مواثيـق وثـلاث عهـود
أوفـي لـه مطاليبـه وأودّه وأرفـع أعـلامـه
أعايش مركب الدنيا على متـن القـدر مولـود
أبعرف هو صحيح إنّ القدر بالنـاس دوّامـه ؟
ومن وين الزمن مقبل وإلى وين الليـال تقـود
ومن في هالزمن يقـدر يوجّـه خطـوة أقدامـه
ومن له بالزمن غاية ومن عنده هدف منشـود
ومن منّا قـدر يعـرف خفايـا مقبـل أيامـه ؟
عرفت إنّ الشقا باقي ، عرفت إنّ الحسد موجود
عرفت إنّ القدر يفرض علينا بأسـوأ أحكامـه
لقينا بالعرب حاسد وشفنـا بالعـرب محسـود
وبه ناسٍ لنا ضامت ، وبـه بالنـاس منظامـه
وينقص بعضنا خـوّه وينقصنـا وفـاء وعـود
مـدام الحسـد باقـي وبعـض النـاس نمامـه
ولا ترجى بها الدنيا من ربوعك يجيـك اسنـود
ولا تشره على رجـلٍ عيونـه خانـت أقدامـه
وقابل خطوة بخطوة وجازي بالصـدود صـدود
تناسى غلطة الصاحب عليك بلحظـة اخصامـه
ولا تخطي ترى لصبر الحليم اليا سـلاك حـدود
تروّى واعرف بضرب الحديـد تفكـك لحامـه
تجنب كسرة الخاطر ولو حبل الزعـل مشـدود
تراك بكسرة الخاطـر حكمـت القلـب بعدامـه
ولا تزعل على رجلٍ بذل لك ولرضـاك جهـود
ولا تامن من الحاسـد رضـاه ورفعـة ابهامـه
نبي نصبر على الدنيـا قلـوبٍ بالحيـاة زهـود
مدام إنّ البخت عيّـت توّفـق رمعـة سهامـه
وأنا ما قلتها راجي ولا أطلـب بعدهـا مـردود
ولكـن الفتـى ودّه يحقـق جمـلـة أحـلامـه
وبمشي لآخر الدنيـا ولـو كـلّ الأنـام اقعـود
وعن وجه الزمن بكشف حقيقه وأرفـع الثامـه
صحيح إني صغير السن ولكـن قدهـا وقـدود
وأنا عندي مع الدنيـا مواقـف ترفـع الهامـه
طموحي يملـي العالـم ولابـه للطمـوح قيـود
مدام إن الأمل طبعي ( عرين وصرت ضرغامه )
خلقنا الله من ترابه ولأحضـان التـراب نعـود
تحت رمل الثرى نبقى تغطـي جسمنـا خامـه
سلفنا ما لحقناهم تحـت قـاع التـراب رقـود
ولا يبقي من الميـت سـوى ذكـراه وعظامـه
ولو طال العمر فاني وترى عمر الفتى محـدود
وكلٍ يطلـب المولـى يبيحـه يحسـن ختامـه
وأنا بلّغـت بلسانـي وربـي والأنـام شهـود
وصحف البيّنة جفّـت وعنهـا رفعـت أقلامـه

قصيده رائعه لشاعر حامد زيد
أخ خيال أصايل كم مره قلنا عيب الواحد يسوي هالحركات والمدح اللي ماله أساس ولا القصيده الأولى ماكفتك
موعيب الواحد يغلط العيب ان الواحد يعيد غلطه

المشاركة الأصلية كتبت بواسطة أميره بدنيا حقيره

قصيده رائعه لشاعر حامد زيد
أخ خيال أصايل كم مره قلنا عيب الواحد يسوي هالحركات والمدح اللي ماله أساس ولا القصيده الأولى ماكفتك
موعيب الواحد يغلط العيب ان الواحد يعيد غلطه

مالك الا كم شهر ومسويه انك عارفه المنتدى واعضائه

ما شاء الله كيف عرفتي وانتي مجرد عضوه اذا عندك شيء شوفي المدير العام

والا اقول شف غير الموضع هذا

تقبل تحياتي بحر

إذاكنت ما سجلت بالمنتدى الإ قريب فأنا متابعه للمنتدى من زمان
مو مثل غيري نسأل الله العافيه

المشاركة الأصلية كتبت بواسطة أميره بدنيا حقيره

إذاكنت ما سجلت بالمنتدى الإ قريب فأنا متابعه للمنتدى من زمان
مو مثل غيري نسأل الله العافيه

الله يصلح الجميع انا ما ادري ليش ماودك تصدقين

طيب كيف تبغين اثبت لك اني موعذب السجايا ولا خيال اصايل

وسعي صدرك وابعدي الشكوك عنك وخلي حياتك فله
تقبلي تحياتي بحر

انا تكلمت عن خيال اصايل هو نفسه عذب السجايا
يروح يلعب غيرها