(÷)(÷) مـاني عـلى كـيـفـك (÷)(÷)

يا زين ما ني على كيفك تسيّــــــرني = وتقول لازم تمشيني على كيــــــــــفك
لا والذي زينك بأوصاف تسحـــــرني = إني ما أطيعك ولا أقبل في الهوى زيفك
أنا ظروف الأوادم ما تغيـــــــــــرني = ولا يغير ربيعي يالغضي صيــــــــــفك
ما دام أنا أعبّرك لازم تعبــّـــــــرني = ماني مجرّد حبيبٍ مرّ به طيـــــــــفك
أنا معي خبرة في الغوص تظهـــرني = من قاع بحر الهوى من دون ما أخيفك
وبحر الهوى عابره ماهوب عابــرني = وعندي مجاديف ما تشبه مجاديــــفك
أبحرت بالقارب اللي ما يخســـرني = وقاربك وقّف على الشاطئ بتجديــــفك
لكن يا زين لا تزعل وتقهـــــــرني = وتقفل الباب في وجهي وأنا ضيــــفك
أبغاك تسمع كلامي صح وأعـذرني = خلاص ما عاد أصدق كل تصريــــــفك