مـحـآورة نــآريــــــه

#1 01-22-2007, 10:19 PM

بسم الله الرحمن الرحيم

السلام عليكم ورحمة الله وبركاته

محاورة ناريـــــــــه اطلعت عليها وحبيت انقلها لكم

محاورة ناريه بكل ما تعنيه الكلمه

ولا غرابة دام رشيد أحد اطرافها

رشيد الزلامي x تركي ألفين

رشــيــد الــزلامــي

ياتركي الفين نسمع عنك بعض الكلام=ومطير ماودنـا نشـذب عراقيبهـا
اما ليا جيتنا وقـف 00ورد السـلام=ولا نكبنـاك نكبـه مانـت داريبهـا

تــركــي الــميــزاني

السر مدفون مابين اللحم والعظام=واهل المواجيب ماننقص مواجيبها
أنا سلامي عليكم00مرةٍ كل عـام=واهل الهناديب ماتنفع هناديبهـا

رشــيــد الــزلامــي

انته من العام تخلطها حلال وحرام=ماعاد لك قبلةٍ تعـرف تصليبهـا
تشيل عشرين طلقه ميته بالحزام=وتزهب البندق العجرا وترميبهـا

تــركــي الــميــزاني

اللي يقول الحقيقه مايجيـه المـلام=والنار ياكثر من يشعـل مشاهيبهـا
إن كان عين الزلامي مايجيها المنام=من يرخي إذنه لهرج الناس يوحيبها

رشــيــد الــزلامــي

ترا معـي حيلـةٍ لمخالفيـن النظـام=والله لخليـك ياتركـي تهذريبـهـا
وإني لطاردك وسط المملكه شرق شام=ليـن الطـروق الرزيلـه ماتغنيبهـا

تــركــي الــميــزاني

أنته00وانا 00كلنا متقاسمين الطعام=لكـن الايـام لاتامـن عواقيبـهـا
ياراعي الخشم خشمك لا يجيه العرام=لحيتك تقديرها من قـدر أشانيبهـا

رشــيــد الــزلامــي

الوقت يا شاعر المطران جاله سنام=لكن عوجة رقبته00وش نسويبهـا
والحر يشبك بفرخٍ من فروخ الحمام=يا طيبها يوم جابت صقر ياطيبهـا

تــركــي الــميــزاني

صل الفرايض وحج البيت واقض الصيام=لا عـاد سبحتـك للعالـم تواميبـهـا
النور يا شاعر الروقه00 يزيل الظـلام=وحنـا صقـور ٍ تعشيهـا مخاليبـهـا

رشــيــد الــزلامــي

انتم قبيله لكن الطق فـك اللحـام=مطير قوم ٍ خلقنـا الله لتعذيبهـا
سقناك من قلة الحره لغربي نعام=ديار تصبح بها00 وديار تمسيبها

تــركــي الــميــزاني

أعرف عشيره واعرف الجمش واعرف جهام=ياشيب عينـك مـن المطـران يـا شيبهـا
تحمد الله00 وريـح فـوق ريـش النعـام=ضيوفـكـم ماتـبـا تـجـرح معازيبـهـا

رشــيــد الــزلامــي

انته تعرف الدير00لكن بيـاع خـام=ماغير تمشي وكـل أرض ٍ تعشيبهـا
حنا ليا حميت الهيجا00وحصل الزحام=نشرب فناجيل خلـق الله0ونرميبهـا

تــركــي الــميــزاني

أنا من اهل الأشده في نهار الزحـام=رجليك اباأنشدك من كسر عراقيبهـا
ياهل الفناجيل جاكم ردهـا بالتمـام=من حول أهل المناصب من مناصيبها

رشــيــد الــزلامــي

صاحبك شايب لكن انته بسن الفطام=أعرف علوم ٍ ماظن ألفين يدريبهـا
والله يالولا حياي من الرجال الحشام=لا قولها صح00 وآخليك تسريبهـا

تــركــي الــميــزاني

انته تحلم00ولا غشتك غير الحلام=راجع دفاترك تلقـا فـي مكاتيبهـا
وراك ما قلتها ياصاحبي من شمـام=حتى إن حملتك في ظهرك تزوزيبها

رشــيــد الــزلامــي

يامطير ماعاد ينفعكم شراب وطعام=من يوم فارقتم أم الرمث وشعيبها
قامت عليكم دروز ٍ ماتعرف الكلام=وانتم كما العقرب اللي تلوي ذنيبها

وانا اقرأ المحاورة تذكرت المثل اللي يقول (يد ما تقواها صافحها)
تمنيت اني اوصل هالمثل لتركي

تقبلوا أطيب التحايــــــــــــاا

01-23-2007, 07:51 PM

محاورة رائعة تسلم اخوي سيف والله يعطيك العافية

01-23-2007, 11:18 PM

الحقيقة محاورة نارية

والحقيقة هناك تفاورت كبير بين مستوى الشاعرين

ومن يقراء المحاورة يعرف من الأقوى

بيض اله وجهك يا سيفنا والله يعطيك العافية

01-25-2007, 09:55 AM

لاكن حقيقه انه لايوجد شاعر اسكت شعاعير العتبان ... مثل تركي 2000 ..... وهي حقيقه يعترف بها ... حتى انفسهم ....

01-25-2007, 02:17 PM

ألف شكر لك يا سيف

01-25-2007, 03:02 PM

تسلم ياسيف والله لايحرمنا منك

أخوووووووووووك ومحبك العاااااااقل

01-25-2007, 04:50 PM

تسلم ياسيف والله لايحرمنا منك

01-26-2007, 01:12 AM

مشكور ياسيف العرب ..

يلوموني فيك .. دائماً تأتي بمحاورات وأشعار تحمل رونق خاص ..

يعني مو نقل وبس .. لا .. نقل وبروعة كبيرة ..

لك التقدير ..

01-28-2007, 11:38 PM

محاورة رائعة تسلم اخوي سيف والله يعطيك العافية

01-29-2007, 07:02 PM

اقتباس:

المشاركة الأصلية كتبت بواسطة فيصل المالكي

محاورة رائعة تسلم اخوي سيف والله يعطيك العافية

هلا وغلا فيصل
الله يسلمك من البآس
مشكور ولاهنت على مرورك الكريم
تقبل أطيب التحايـــــــــــااا

01-29-2007, 07:02 PM

اقتباس:

المشاركة الأصلية كتبت بواسطة أبو عابد

الحقيقة محاورة نارية

والحقيقة هناك تفاورت كبير بين مستوى الشاعرين

ومن يقراء المحاورة يعرف من الأقوى

بيض اله وجهك يا سيفنا والله يعطيك العافية

هلآ وغلآ ابو عآبد
وجهك ابيض طال عمرك
مشكور ولاهنت على تواجدك العَطر
تقبل أطيب التحايــــــــــااا

01-29-2007, 07:05 PM

اقتباس:

المشاركة الأصلية كتبت بواسطة ولدصالح

لاكن حقيقه انه لايوجد شاعر اسكت شعاعير العتبان ... مثل تركي 2000 ..... وهي حقيقه يعترف بها ... حتى انفسهم ....

هلآ وغلآ ولدصالح
مشكور ولاهنت على مرورك وتعليقك
اما بالنسبه لما قلت
فأنا من المتابعين لمحاورات القلطه وشعرائهآ
وقبيلة عتيبه في الوقت الحآلـي لديها ثلاثه من أكبر شعراء المحاورة
وهم شعراء معنى في المقآم الاول (ملفي . وحبيّب . ومستور .)
ولو لم يكن عندهم الا هؤلاء الثلاثه لكفوا
تقبل أطيب التحايــــــــــاا