$$##قلــــــــــــــــــــــــــة أدب... ##$$

السلام عليكم ورحمة الله وبركاته................





ياكثر قليلين وقليلات الأدب والي تفور الدم


وهذي نماذج من صور واشكال قلة الادب في هالزمن


قـــلـــــــــــــــ أدب ـــــــــــــــــــــة
إنك تسير المسجد بثوب نوم بينما تروح حق ربعك
بثوب سنع وشماغ وكشخه وعطرك فواح (يشق الخشم)

قـــلـــــــــــــــ أدب ـــــــــــــــــــــة
إنك تتصل حق ربعك كل يوم وعادي تجلس وياه او وياها نص ساعة أو أكثر بينما عمك أو خالك أو عمتك أو خالتك لهم شهور ماسمعوا صوتك !!! >>>من زينك أنت وصوتك

قـــلـــــــــــــــ أدب ـــــــــــــــــــــة
إنك تحوط بموترك وتهيت بالساعات وما تخلي شارع ما (شبرته) وحفظته وكل هالدوران غالبا لأسباب (قليلة أدب) بينما أهلك لويبون مشوار ساعة وحدة قلت:
(التكاسي تارسه البلاد) او (عندكم السواق)

قـــلـــــــــــــــ أدب ـــــــــــــــــــــة
إنه شيريهان تسوي عملية والجرايد والقنوات تسوي مناحة بينما الشيخ (الفلاني) يقتل ونص العالم ما يدرون

قـــلـــــــــــــــ أدب ـــــــــــــــــــــة
إنه اللاعبين والمطربين يكرمون ويغرقون بالخيرات بينما المشايخ ربك يستر ما ينسجنون !!!

قـــلـــــــــــــــ أدب ـــــــــــــــــــــة
إن الواحد يضبط (المنبه) على الدوام بينما صلاة الفجر ما يدري متى وقت أذانها !!!

قـــلـــــــــــــــ أدب ـــــــــــــــــــــة
إنه الواحد يشتري الأغاني بالشيء الفلاني ويسمعها بينما مستحيل يشتري شريط إسلامي ولو بخمس ريالات ولو يهديه واحد شريط إسلامي سجل عليه بابا فين

قـــلـــــــــــــــ أدب ـــــــــــــــــــــة
اذا ييتي تظهرين لعرس او لصديقاتك تتزينين وتتعطرين واذا
جلستي ويا زوجك تجلسين وريحتك بصل

قـــلـــــــــــــــ أدب ـــــــــــــــــــــة
ان الوحده تجلس على التيلفون ساعه (تهذر) .. أما في صلاتها دقيقه ما تكمل!!

قـــلـــــــــــــــ أدب ـــــــــــــــــــــة
اذا طلعت البنيه من البيت تظهر كاشخه وريحتها ودخونها معبيه الشارع بكبره وتقول للشباب لا تلاحقوني وعيب عليكم هالحركات

قـــلـــــــــــــــ أدب ـــــــــــــــــــــة
قلة ادب انك تحصل واحد يحترم الناس كلها الا امه او ابوه تلقاه يكلمهم من خشمه

قـــلـــــــــــــــ أدب ـــــــــــــــــــــة
قلة ادب انك تشتري كل اللي خاطرك فيه ويوم يجي طاري الحج او العمره قلت انا ما عندي فلوس وانا غير مقتدر

قـــلـــــــــــــــ أدب ـــــــــــــــــــــة
قلة ادب انك تكون جالس في المدرج وتسمع الاذان ومن عقبه الاقامه وانت مكانك وكأنك مثبت بمليون مسمار على كرسيك

قـــلـــــــــــــــ أدب ـــــــــــــــــــــة
يوم تشوف واحد في الشارع وتستصغره ولا تسلم عليه

قـــلـــــــــــــــ أدب ـــــــــــــــــــــة
اذا شفت صديقك في ورطه ولا تساعده

قـــلـــــــــــــــ أدب ـــــــــــــــــــــة
اذا قدم لك صديقك خدمه وأنكرت فضله عليك

قـــلـــــــــــــــ أدب ـــــــــــــــــــــة
انك اتصف موترك قدام باب جارك .. وعندك مكان ابعد شوي .. او قدام بيتكم

قـــلـــــــــــــــ أدب ـــــــــــــــــــــة
يوم تجلس بمكان عام انت وعيالك .. وتقومون وزبايلكم وراكم .. مع انه الزباله حولك ...

قـــلـــــــــــــــ أدب ـــــــــــــــــــــة
انك تكون مسئول عن عمل يتوقف اداؤه عليك .. واطنش وتتأخر ويتحملو الباقين مسئولية اهمالك

قـــلـــــــــــــــ أدب ـــــــــــــــــــــة
انك اطولين لسانك على الشغاله .. وهي بكبر امك ..عشان شغله ممكن تسوينها بنفسج ((ليس منا من لم يوقر كبيرنا))>> ياكثرماتصير

قـــلـــــــــــــــ أدب ـــــــــــــــــــــة
يوم ترفعين وتعلين صوتك بالسيارة ويا السواق وتضحكين وتقهقهين او في باص المدرسه ..وكنه محرم لك كثييييييييره ويجيبون الضغط

قـــلـــــــــــــــ أدب ـــــــــــــــــــــة
يوم تعزمين صديقاتجك وتخلين الوالده تسوي قهوتكن وتييبها لكن..وتسوي عشاكن ..وانتي مشغوله بالسوالف

قـــلـــــــــــــــ أدب ـــــــــــــــــــــة
يوم ترفضين شريط اسلامي او كتيب من احد الدعاة .. بينما لو حد عطاك شريط لمطرب العرب ( الا مطرب الفساد )كان ما بتعرفين شقا بتشكرينه >> الله المستعان

قـــلـــــــــــــــ أدب ـــــــــــــــــــــة
عندما نسهر ساعه على النت ولا نصلي لو ركعة لله

قـــلـــــــــــــــ أدب ـــــــــــــــــــــة
انك متعلم وحاصل على شهادة عليا .. وماتفقه اقل شي في دينك

قـــلـــــــــــــــ أدب ـــــــــــــــــــــة
انه ما نشوف القرآن إلا من الجمعه للجمعة عشان سورة الكهف . هذا كان زين من الجمعة للجمعة
قـــلـــــــــــــــ أدب ـــــــــــــــــــــة

إن الواحد يشوف (قلة الأدب) ولا يقول عنها (قلة أدب)




ولكم تحياتي...........ولدبني شهر............

ومن قلة الادب ان نقول مالا نفعل
ومن قلة الادب ان لا نكتب منقول
ومن قلة الادب ان نجعل كل المواصفات الحسنة فينا ونحن عنها بعيد
ومن قلة الادب ان وان وان وان وان
كثيرة هي قلة الادب
ولكن اليس من قلة الادب ان لا نتعض ونرتدع عن كل هذه الافعال المشينة وقليلة الادب
مازن والاهلي فوق

قلة أدب إننا نفعل كل شيء قريناه في الموضوع هذا
ومعظم الصفات فينا

ومع ذلك ننكرها



يعطيك العافية يا ولد بني شهر