والله انــك منـت قــدي يــافــلان

امممم جبتلكم قصيده من ارشيفي
والقصه
في المنتدى اللي كنت فيه سابقا موضوع كل واحد يكتب بيتين واللي بعده يرد عليه اوكي ...
فمشرف الشعر هناك نكه تركي 2000(( طبعا مو هو تركي المعرووف ))
المهم كتب بيت يتحداني فيه رديت عليه بهاذي
ابتعد عني وخل عنك التحدي ... والله ياتركي تراك منت قدي
شاعره عن ابوي وعن جدي ... بكره تندم على هاذا التحدي
المهم ماعجبه الكلام ورد علي ببيتين
قمت رديت عليه بهااااذي القصيده ورد علي بمثلها وانا جبتلكم الثنتين اتمنى من كل قلبي تعجبكم ولو اني طولت
^
^
اكيد تتوقعون انها قصيده ماكتب مثلها فاحب اقولكم هي ابيات على قدي
.................................................. .....
قال منتي شاعره ذاك النحيل
قلت الا شاعره بكل المعان

قلتله بيت عشان اشفي الغليل
والله انك منت قدي يافلان

وابشر بعزك وابهديك الدليل
لاني مقبل الهزيمه والهوان

مانويت اطلع انا الا بقتيل
بس كيف اقتل ونا بذاك المكان

مثلي ماترضى بمثل هاذا القبيل
تقلل من قدري ونا عزه وشان

بنت ابوي اللي ابد ماله مثيل
شاعر منه الحكي كله بيان

رابيه بمبدى ولا يمكن اميل
اني ماقلل قدر اياً ماكان

شامخه بنت الاصيل ابن الاصيل
القوي قدامها يصبح جبان

هاذا انا ماتعرفني يالنبيل
قلت تعرفني قبل فوت الاوان

علك تتراجع بعد هاذا وتشيل
اللي في راسك وخل اللذي كان

وقبل منهي فاآخر الليل الطويل
استمع مني وخذ هاذا البيان

انت شاعر بين ربعك يالاصيل
وفيه مثلك واللي احسن بكل مكان

..........................................
رده علــــــــي الابيات
اناا يا ضي على الرد ماني عجيل = واليوم حان الوعد ياابنت حان
غلطانه يابنت غلطانه باالحيل بالحيل == تحديتي تركي وهو دايم الكسبان
احد يحلل حكيها زين تحليل === يشوف القصيده ويفسركل المعان
ويلها من تركي ويلها ويل == والحين جيتك ياضي وماني بخسران
واعذريني وافهمي ان حملي ثقيل== واحذري العشرلا ترجع ثمان
مستحيل انها تهزمني ياناس مستحيل == والشعر عندي وعندها يبدا بعنوان
مامالت الشعر ولا تعرف الميل == الميزاني على التحدي مااهو ندمان
ولا يهمني يا ضي القال والقيل == تدرين عن شعري ماغيره الزمان
يامشغلين اعماركم في حط وشيل == تضحك لكم الايام والوقت خوان
وانا على وقفتي احط المعاديل == غلطان اللي تحداء الميزاني غلطان
لزوم تشوفين ردي بابنت الاصيل == والشعر توه بينا توه زان

هاذي الابيات كلها
اتمنى انها اعجبتكم

تقبلوا تحياتي
ضي العيوون

ههههههههه والله داخله هجوم على الرجال

كاتبه وشاعرة ياضي وين هالمواهب من زمان

المهم في النهاية من اللي فاز.....واذا تحتاجين

فزعه حاضرين بس قولي وينه

ههههههههههههههههههه
هاذي يمكن لها شهر واكثر والله مانسى بعدين هو اللي بدا مو انا
لو اعرفكم اول كان خليتكم تفزعون لي
اما المنتدى وربي كرهته وخليته من زمان
ولاادري من الفايز بس اذكر الردود كانت اكثر عندي
هههههههههههههههههه
شكرا لمرورك عذب

تحياتي
ضي العيوون

والله ياضي أنك ضي على أسمك ... بس شكلك تخوفين ... وأن قلت قصيدتك وقصيدة الرجال تحتاج لثلاث ساعات
على الأقل في الورشة لأصلاح ما عطب منها .... خايف تهاجميني وأبلش!!!! عموماً صدقيني أنتي في كتابة الخواطر أقوى وأجمل وقصيدتك الي ذكرتيها لنا جميله ... وفيها أبيات قوية ... بس تحتاج إلى أعادة نظر على شان تصبح في ضيك المعروف يا أطيب ضي .....

حسن بن عويش

قوييييييييييييه والله
صح لسانك

سهم عمري

شكرا للجميع على المرور