شــــــــــــــعر

أنا حبيت أنقل لكمـ واحدة من روائع الشاعر سعد علـــــــــوش ..
أتمنى أن تنال إعجابكم..

إنكسرت من الفراق وشوف عيني

شوف عيني وأنت تدري بإنكساري

كل ما مديت لوصالك يميني

رحت تتجاهل يميني مع يساري

حتى صرت أشوف جرحك في يديني

في يديني لجور صداتك مواري

حس فيها لا بلاها حس فيني

لا تعبرّها لكن رد إعتباري

وين مقفي جعل منتب منتويني

بالجفا والخوف وأنواع العزاري

ياهلي يانصف ربعي ياخديني

يامواني غربتي ياروح داري

ياشموخي يا إنكشافي يادفيني

ياعلوّي يابقائي ياإنحداري

يابداياتي يامائي يااكسجيني

ياإندثاري ياإعتدالي ياإزدهاري

يابلادة حسّي وقمة حنيني

ياإختياري .. لا ياعشواء إختياري

أعشقك من عادني فأول سنيني

لين صرت آخذ مع نفسي قراري

من عرفتك وأنت ثالث والديني

واللجوء إليك يعنيلك فراري

ضمني خلّ الضرر بينك وبيني

الضرر من ضمتك شي إضطراري

خلّ يدينك من الجور تحميني

من جمودي عيشني لين إنصهاري

كل ماضاقت بعيني يا معيني

إبتسمت وصارلي ليلي نهاري

فلا سكت تروح بالطيش تحكيني

رجعي بطبعك وبإسلوبك حضاري

ماذبحني فيك إلا أنك تبيني

وماسحرني إلا حكاك الإستعاري

لا حكيت أحسّ بأشياء تعتريني

وينخشع قلبي وتطريلي طواري

أعشق حكيك وأحفظه ياضنيني

حفظ إبن تيمية لحكي البخاري

ولاسكت أحط يدي في جبيني

وأرجي الله مايطوّل بإنتظاري

أدري إني عندك و أسألك ويني

داري لكن ماكني بداري

لين شيطاني تلفظ كلمتيني

ورحت مني ماتبي سمع إعتذاري

لاتبكيني وتفرح عاذليني

لاتخسرني بعد كبر إنتصاري

لاتخليني بعد فيضة كنيني

وأنت خابرني على الوصل إنتحاري

لاتروح بروحتك كلن يجيني

ماني مكابر ولاحتى مداري

إنكسرت من الفراق وشوف عيني

شوف عيني وأنت تدري بإنكساري