الاميـــــــره والفقيـــــــر

أحترق دمع السراب بناظـر عيـون الهجيـر=وشحت دموع السحايب من لظى فايح هجيـره
وذابت البسمه من الحسره على شفاه الغديـر=ومات ظل الغيم من وجده على فرقـا غديـره
والشقاوالضيم هد الحيل في شـوف الضريـر=واستوى ليل ونهار في نظـر عيـن ضريـره
عزتي هي راس مالي حتى لو فرشي حصيـر=عفت قصر الذل وارضى بيت من قش وحصيره
أنتي ياللي قلتي انك بنت شيخ وبنـت أميـر=وان حسنك نافر بأقصى العرب وأدنى عشيـره
قلتي انك ورد جوري فيك مـن لفـح العبيـر=أشهد ان الورد ((يعني)) لولما لفحـة عبيـره
وان شعرك ليل اسود داكـن ونسجـه حريـر=وأن وجهك كالقمر نايـم علـى لفـة حريـره
وان عشق الكون كله فـي عيونـك والنظيـر=وان أنفاسك عطور ومسك مـا نلقـى نظيـره
قصدك تثيرين شوق مات مـن حـر الزفيـر=في ضعيف الحـال متغـرب بـلادار وديـره
جبـرة الخاطربخلتيهاعلـى القلـب الكسيـر=ماطلبت رضاك حتى لوغدت نفسـي حسيـره
استكني تحت رمش العين عن غـزر المطيـر=قبل ما يجرفك دمـع العيـن بسيـول غزيـره
مابكت عينـي علـى شانـك ولكـن للأسيـر=قلبي المسجون بين يديـك ياحلـو الظفيـره
ادري اني شخص عادي واعترف انـي فقيـر=غير لي روح ومشاعر عمر ماكانـت فقيـره
خافي الله خلـي عنـدك دم وشويـة ضميـر=ردي شعور المولـع فيـك يانبضـة ضميـره
غايتـك أجـر أذيـال النـدم وانـا حسـيـر=بس بُعدك..صاين وجهي عسى ربـي يجيـره
ينهدم هالكـون دامنـي علـى الدنيـا بخيـر=لا تجبرتي صبرنا ربمـا فـي الامـر خيـره
كلمتيـن اقولهـا تشبـه لقنـديـل منـيـر=قبل ما ارحل واجعليها كالحلق بأذنـك منيـره
كـل شـي جايـز يابنـت بالدنيـا يصـيـر=يغتني ذاك (( الفقير)) وتفتقر ذيـك الاميـره