الاتهام

قصيده جميله للشاعر القدير غرمان بن عزيز
احببت ان انقلها لكم لاعجابي بها 0

اذكر الله قبل ما أبدا قصيدي والكلام=خير من الدنيا ومن يذكر الله يأمنه
واتعوذ به من ابليس وعيال الحرام=الضعاف اللي تحلوا بطول الألسنه
طبعهم معروف وأشكالهم بين الأنام=من سلالة خارجية وأكيد مهجنه
وانت ياللي تتهمني وتكثر الاتهام=وتنتقد شعري ولا فيه عندك بينه
ما عليه منك مادام أنا شعري تمام=والحقيقة كل مخلوق بين معدنه
كلمتك معروفةٍ مالها عندي اهتمام=ولا حسبنا لك حسابٍ ونفسك هينه
ما يقّيم شعر شاعر يكون شاعر مقام=يعرف الكلمة وبيت القصيدة يوزنه
وله في الدنيا تجارب ومن ناس حشام=ما تعدى في كلامه ويبدأ بأحسنه
والقصيدة في مضامينها معنى انسجام=ما تغيرها لحون البشر والهوجنه
قالها اللي له تجارب مع الناس العظام=ويتعامل في حياته مع أهل الميمنه

تقبلوا خالص الموده
اخوكم ابو عبدالله