$$$$$ الـــــزمـــــــان الـــعــجــيــب $$$$$

قالوا اكتب قصيده قلت انا ما أستطـيـع = اتـركـوني افكـر في الـزمــان الـعـجـيــــب
الـزمـان الـذي رجـّع عـلـيـنـا الرجـيـع = وأصـبـحـوا في عيـون الناس شيّ رهـيــــب
اختلف عصرنا ما بين صيف وربـيـــــع =والـدعـايـات تـخـدعـنـا وهذا الـنـصـيــب
أحسب ان الفضاء قدام عيني وســـــيع = وأحسب ان الحجر من ضرب كفي يذيـب
قال راعي التجـارة تشـتري او تـبـيـــع = قلت ما ربح من يشـــــري بضاعة مريــب
والذي في قلوب الناس خايف يـضـيــع = ثم يـصـبـح كـبـير الـقـوم مـا هـو اديــــب
اصبح الشايب المسكين مثل الـرضيــــع = عـجـز عـن مـا يـريـد وصار حاله صعـيـب
وأصبح الذئب وأمسى بين ذاك القطيـع = وأنـا مـن يـوم شفته قلت ما هـو بذيـــب
كيف يا ذيب تمسي جنب حملٍ وديـع = كـيـف مـا تـآكـلـه مـادام مـا بـه رقـيـب
وأصبح اللبس بين الناس لبسٍ خـلـيــع = وأنـخذل عقل بـعـض الناس ما قال عيب
والله إنا نعيش اليوم حربٍ فـضـيـــــع = حربٍ اقـوى من الـقـوات يـوم الـحريــب
وأشهد اني لقيت السم يسري ســـريـع = في جسـد كل مســـلم ما لقي له طـبـيـب
وأصبحت شاشة التلفاز همّ الجميــــع = قـام كـلٍ يـتـابـعـهـا بـعـيـد وقــريـــب
المذيعه تـجـرّ الـصـوت وأيـضـا المذيـع = والملامه على من جاء بهم والـحـســـيــب
شــاشــةٍ من يتابعها يتيه أو يـصـيــع = والله ان يـنـكـسـر حـظـه وحاله يـعـيـب
وانا ما قلت الأنـتـرنـت ماهـو شـنــيع = ذاك موت القلوب اللي غذاها الـحـلـيـب
لكن الله يـلـعـن مـن يـطـيـع اللـكـيـع = والله يلعنك يا من صاحب أهل الصليــب
مات من كان في يمناه ســـيفٍ بــريـع = واصبحت بعده الديره لذاك الـغــريـــــب
انتهى شـــورنا ما فيه شـــورٍ رفــيــع = كلها عندنا الأشـــوار لأجـل الـحـبـيــب

مشكور أخي على القصيدة الرائعه .. والتي أثرتنا بها

والله يوفق الجميع.. اخوك

غرمان بن عزيز

صــح الله لسانــك يا غالي
والله يعطيـــك الف عافيـــه
جــزل ووافـي وهذا اللي عهدناهـ منك يا شاعرنـا
تقبل أطيب التحايـــا

أخي العزيز / العزابي الله لايهينك على هذا المرور الكريم ولكن لاتقاطعنا أرجوك تابعنا لأن مرورك يهمنا كثير عساك سالم وغانم 0

أخي العزيز / سيف العرب يكفيني مرورك على نصوصي الشعريه وهذا شرف لي أشكرك وتقبل تحياتي 0