يابنت ناداك الهوى واستعدي

ياصاحبي وقفتني عند حدي = منك العفو يكفي من العام تنكيد
ماعاد عندي مقدره للتحدي = سلمت واستسلمت من غير تهديد
قتل البري بالعمد ظلم وتعدي = تعذيب الانفس له نهاية وتحديد
رد النظر واترك عذابي وصدي = مرماسهومك صاب قلبي بتسديد
ماكنت اصدق لين بيحت سدي = والحب يالمجمول لوعه وتعقيد
من يوم شفتك حالتي فى تردي = جددت ذكرى ماضي الوقت تجديد
مثل القمر خدك شعاعه يقدي= خالط بياض الوجه حمره وتوريد
لك معدن مثل الذهب مايصدي = من صيغته ممتاز ماهوب تقليد
يا عنز ريم مرزوله معدي = تل القلوب وصادها مابعد صيد
ياغايتي ومناي ماعنك بدي = يالله عسى حبل الرجاء فيه تمديد
ياذا الغزال اللي على الباب هدي = واعطيك ميثاقي وعهدي بتأكيد
شوفي بقايا دمعتي فوق خدي = جفاك سبب لي شقاوة وتزهيد
يابنت ناداك الهوى واستعدي = من عاشق رددلك الصوت ترديد
متى اجتمع واياك من حيث ودي = وتصير لقيانا بداية وتمهيد

تحيات al_mohajer م (ن) يا(R)

يعطيك الف عافيه

قصيدة جزله
لاتحرمنا من جديدك

فالك الطيب

بصراحه قصيدة رائعة جداً
وجميلة مررررررره

الاخ/ علي نتمنى نرى اكثر منك

مع خالص تحياتى/مجنون الحب

شوفي بقايا دمعتي فـوق خـدي=جفاك سبب لي شقـاوة وتزهيـد
يابنت ناداك الهـوى واستعـدي=من عاشق رددلك الصوت ترديد

يا ســـــــــلاام على الإبــداع وعلى أهل الإبــداع

علي احمد العمري
صح الله لساانــكـ على هالقصيــــدة
الله يعطيــــك العافيــــه يــا غالـــي
فــــي انتظار بــوحكـ الـعــذب دائماً
تــقـــــبـــــل أطـــيـــب تـــحـــيــــه

على العمري

صح السانك اخوي وسلمت يمبنك


على القصيده الاكثر من رائعه


ولا تحرمنا من جديدك


احترامي

الغرانى + مجنون الحب + سيف العرب + البرنس شكرآ لكم جميعآ على مروركم علينا
اعذرونا ماقهويناكم شاهى الورد
تقبلوا اجمل تحيه من al_mohajer