الديار المجدبة

يالله يامنشي حقوق المخايل = تنساق بامرك موجهات مقابيل
تسقي الديار المجدبة بالهمايل= وتروي ظلمأنبت غصونه مذابيل
ياواحد عندك رجأكل سايل = تفرج لمن كثرت عليه الغرابيل
قال ابو خالد يهيض زين المثايل= عصرية ودموع عينه هماليل
في مستزم مادعس فيه زايل = ولا رعوبه ناقلين الدرابيل
وقفت به من تية الرأي عايل = وقفات ونيات تجر المحايل
في حال دنياي أتفكر واخايل= وابكي على وضع تغيربه الجيل
متذكر ماضي العوايد الأوايل= وجمعأ الشمل قبل انقطاع المواصيل
واليوم كلآ هم دنياه شايل = صرنا الجميع مشتتين معازيل
الله من قلب ضوبه شعايل = قام إيتزايد هاجسه بأول الليل
قم يابريدي وارتحل بالرسايل= بلغ جواب فيه كل التفاصيل
أبديت فيه من المعاني دلايل = لين أكتمل نطق الزلل فيه ماقيل
بلغ به اللي طاوعو كل قايل = ناس مجالسهم نفاق وتضليل
حياتهم كذب وخداع وتحايل = ومجاملات ما تغر المهابيل
عند البعيد يقدمون الجمايل =وعند القريب يدورون المحاصيل

لكم تحياتي
al_mohajer