.. مــن كـثـر ما أهـواك ودّي أحـضن ظلالك ..

السلام عليكم ..



بـنـت الـسـحـاب أسـألـك بـالله وش تـعــنـي

غـيـبـوبـة إلـلـي يـجـيـك ويــوقـف قــبـالـك

مـايـنـتـبـه لـيـن يـسـمـع : هـيـه تسـمعني ؟

مـن ثـغــرك تـسـوقـهــا تـلـويـحـة شـمـالك

بـالله أبــي رد بــس بـشــــرط يـقـنـعــنـــي

وشـلــون وإنـتـي بـقـربي باقي أسعى لك !

وشـلــون ودّي عـلــى كــلـّـك أوزعـنــي !

وأغــار مــن بـعـض كـلـّي لحظة وصالك

وشــلـون أجـمـّـع شـتـاتـك لـيـن أضـيّـعني

وأتــوه عــمـري بـلـيـل عـيـونـك الـحــالك

إلا عـلــى ذكـــر عـيـنــك صــار يـمـتـعني

ردّة فـعــل رمـشـهـــا مــن ردّة أفــعــالــك

لــفـتــاتــهــا يــــد طـفـلــة دوم تـصـفـعـني

وأنــا بـشـقـــاوة يـديــهــا الـعـاشـق الهـالك

يــاهــي هــدبـهــا يـنــزّلـنــي ويــرفـعـنـي

كـل ما أرتـفـع ثـم نـزل أنـزل ثـم أرقى لك

تـكـلـّـمـي بـحــّـتــك مــن جـد تـصـرعــني

قــولـي لـي عــن كـل شـي يـدور فـي بالك

بــأول لـقــا هــب لـي صـوتـك وشـرّعـنـي

أنــفــاســك الــدافــيــة تـسـتـعـطـف أقوالك

لـســانــك إن زل قـلــتـي : الله يـقـطــعـنـي

مــن رقـتــك بــس فـــــال الله ولا فــــالــك

مــرّه تـقــولـيـــن لــي : مــاعـاد تـنـفـعـني

وألــقــانــي أشـكـيـك لـك ظـلمـك وألجـالك

وتـقــولــي : أمـزح بـضحـكة حيل تفجعني

بــالــرغـــم مــن كـل هـذا أعـشـق هـبـالك

وإلـلـي وهـبـنـي حــلاك وفــيــك ولـّـعـنـي

مــن كـثـر ما أهـواك ودّي أحـضن ظلالك

جــوالـــــي إن دق قــلـــت : الله سـمـعـنـي

ســجـّـلـتــك بـإســــم (( ياقـلـبـي هنيالك ))

تـــدرين شـ أكــثـر سـؤال بجـد يـوجعني ؟

إنـتــي وش مـسـجـّــلـه إسـمي بجـوالك !!


تحيااااااااااتي

الهارب

وإللـي وهبنـي حـلاك وفيـك ولّعـنـيمن كثر ما أهواك ودّي أحضن ظلالك

جوالـي إن دق قلـت : الله سمعـنـيسجّلتـك بإسـم (( ياقلبـي هنيالـك ))

تدرين شـأكثر سؤال بجـد يوجعنـي ؟إنتي وش مسجّله إسمـي بجوالـك !!

/

\

/

الله عليك يالهارب ..

ياليتك هربت من زمااااااااااااااااان وجيت عندنا .. !

ههههه .. القصيدة والله روووووعة ..

صح لسانك وقلبك ياخوي ..

أرق التحاياااا لك

الهارب صح لسانك ملايين

قصيدة في منتهى الجمال والروعة

تحياتي

الأخ الهارب
قصيدة جزلة ولكن هناك ملاحظة سوف أوردها لك فيما بعد وهي لاتخص شيء في جمال وقوة القصيدة
تقدر تعتبرها ملاحظة خارجية أمّا أنت فشاعر جزل وقصيدتك جزلة ومتميزة
لك أتمنى التوفيق

الهااارب الله يسعد ايامك مثل ما اسعدتنا بقصيتك الرائعه ........

لك جل احترامي و تقديري .........

بيت القصيد

الهارب


الله عليك

ابداع متفرد وتحليق خارج السرب

الله عليك

كل بيت احلا من اللي قبله

سلاسة رقة عذوبة جزالة فكرة مفردة .....

بالله أبــي رد بــس بـشـرط يقنعـنـيوشلون وإنتي بقربي باقي أسعى لك !

وشلـون ودّي علـى كـلّـك أوزعـنـي !وأغار من بعـض كلّـي لحظـة وصالـك

وشلـون أجمّـع شتاتـك ليـن أضيّعـنـيوأتـوه عمـري بليـل عيـونـك الحـالـك

صورت لنا الموقف وكأننا نعيش لحظاته

اخذتنا لعالم العشق الى حد الجنون !!

تكلّمـي بحّـتـك مــن جــد تصرعـنـيقولي لي عن كل شي يدور في بالك

بأول لقا هـب لـي صوتـك وشرّعنـيأنفاسـك الدافيـة تستعطـف أقوالـك

لسانك إن زل قلتـي : الله يقطعنـيمـن رقتـك بـس فـال الله ولا فالـك

انت يا من سميت نفسك الهارب

فال الله ولا فالك

فلن نقبل بهروبك من هنااا

صح الله لسانك

وتقبل متابعتي واحترامي

.,.

عليكم السلام والرحمـــة

الهارب

يا اخي انت مبدع..رائــع....وجـــزل

صح الله لساانك مليوووووون

ولاهنت على هالإبــداع

في إنتظار جديدك
تقبل اصدق تحيـة