أكتبيني بيت شعر وأكتبيني خاطره

أكتبيني بيت شعـر وأكتبينـي خاطـره=مومهم اللي تقولـي المهـم أن تكتبـي
أكتبيني قصـة أشـواق بليلـه ماطـره=من دفى أحساس وشعور يصلّي عالنبي
أكتبيني همس بوح في عيـون ناطـره=يامليكة ليل تتراقص بشوف المغربِ
أكتبيني نظـرة مـرت مجـرد عابـره=تاهت بليل ظريـر لبـس سـود العبـي
أكتبيني دمعـة نامـت بعينـك حايـره=أن ظميتي يا الكتابه من محاجرها أشربي
أكتبينـي وردة فايـح شذاهـا عاطـره=هزهزتهاالريح بأشواق قلب مختبي
أكتبيني أرسميني أنحتـي فـي الذاكـره=قربي الصوره لعينك ثم زيـدي قربـي
أكتبيني من قبـل ليلـك ينـادي باكـره=لايمر الليـل وأنتـي لوحـدك تنحبـي
أكتبـي مـره لقلبـي وقولـي لخاطـره=موعلى شانك كتبت القصيـد المطربـي
أكتبيني حلـم يتعـدى العصورالغابـره=لأجل ألاقي في سطور المحبـه مهربـي
أكتبينـي حـرف بعـروق دم فـايـره=أكتبي والا طلبتك عن محيّـاي أغربـي
أكتبيني شـي والاشـي مانـي فاكـره=قبل ما يطفى سراجـي وأنـام بمكتبـي

المشاركة الأصلية كتبت بواسطة المعذووور

أكتبيني حلـم يتعـدى العصورالغابـره=لأجل ألاقي في سطور المحبـه مهربـي
أكتبينـي حـرف بعـروق دم فـايـره=أكتبي والا طلبتك عن محيّـاي أغربـي
أكتبيني شـي والاشـي مانـي فاكـره=قبل ما يطفى سراجـي وأنـام بمكتبـي

أخي المعذووور

كلمات معطرة بأحاسيس صادقة

تقبل أجمل تحياتي

جميل كم عهدناك يالمعذور
تسلم الكلمات والاحاسيس وتسلم الانامل اللي خطتها

المعذور

الى حــد الثماله /روعه

صح لسانك مليون وسلم قلبك والله

كلك ذوق

احترامي لك

اخوك
المسكت

أكتبيني نظـرة مـرت مجـرد عابـره=تاهت بليل ظريـر لبـس سـود العبـي
أكتبيني دمعـة نامـت بعينـك حايـره=أن ظميتي يا الكتابه من محاجرها أشربي

المعذور ... لله درك أيها المصدوع البارع

والله قمة في كل شيء أبدعت شعراً لا يضاهى

أبدعت كلماتاً لا تمحى من الذاكرة ... تمنياتي لك بالتوفيق