مصير الحي يتلاقى قصيدة ترحيب لسعيد بو عمار

احبتنا نضيف لكم هذا اليوم هذه القصيدة للشاعر عبد الله بن فايز الرافعي بمناسبة وصول الشيخ سعيد بن عبدالله الرافعي العمري الى ارض الوطن بسلامة الله يوم الثلاثاء ليلة الاربعاء الموافق/20-21/10/1426هـ
مصير الحي يتلاقى

بديت القول بسم الله الهي المرتجي والوهاب= واسبح باسمه الاعلى عظيم الشان سبحانه
وصلي الله على طه الرسول وسيد الاحباب = عدد ما حث رعادٍ يغيث الجدب هتانه
بعد هذا بحمد الله وتوفيقه فتحت الباب= على روضة قصيدٍ ماتخون الفكر قيفانه
انقي من غصون الشعر ما يهنا ولذ وطاب =على ذوق النفوس اللي بعذب الحب رويانه
نفوسٍ عانقت نفسي وكانت للسرور اسباب=واقامت للفرح بيتٍ تسامى فوق سيسانه
حصاته جعدبيه شرفت من عالي المرقاب = تذكرني ببيت الشيخ ابو هزاع واركانه
يدوم العز يابيت عرفنا اهله كرام انساب =عسى الله يرحم الباني رسم بالعز بنيانه
دعاني للشرف(مناع) ودعوات الكريم تجاب= وسمى لي المقام اللي دعاني لاجمل احيانه
وجوب الغالي اللافي علينا بعد طول غياب =عرفنا قيمة اللافي ولبيناعلى شانه
من اقصانا الى اقصانا نرددكلمة الترحاب =بضيف بارك الله وجهته ووصول ركبانه
هلا يا ضيفنا الغالي نسيمك بيننا هباب=خلج نبض القلوب اللى على طاريك ولهانه
هلا بك يا سعيد اسعدتنا والله بدون احساب = رجوعك يمنا حلمٍ من الغلطات كتمانه
تخيل لبسنا الزاهي لبسنا لك بياض اثياب=تخيل عطرنا الزاكي تمتعنا برشانه
تخيل نجم هالليلة بدا في طلعته جذاب =اخيله مبتهج يسبي العيون بروعة الوانه
تخيل والنسب باقي على خبرك يثير اعجاب=نسبك الرافعي والعز ملبوسه وعنوانه
نسبك الرافعي (راية) توحدنا بدون احزاب= توارثنا ريادتها وللتاريخ برهانه
تخيل نشوة احساسي 00 حروف بالشعر تنساب=تبين لك مدى فرحة لقاك وقمة الخانه
اقوله بالاصالة والنيابة والنظر صواب =عن افراد القبيلة جاك شعر تطرب الحانه
اقوله واثق المعنى وقول الصدق ما ينعاب=انا ادرك بعد نظراتك بتعبيري وفهمانه
سنين الاغتراب اللي خذتك بديرة الاجناب=نسينا ضيمها حيث ان علاج الضيم نسيانه
نسينا ضيمها لحظة وصولك والفرح غلاب=غلب ضيم السنين وعانق الديرة بسلطانه
ختام القول اذكركم مثل يحتاج لاستيعاب=(مصير الحي يتلاقي) ولو طالت به ازمانه

ولكم تحيتي وتقدير جميعا
واخص المشرفين على القسم ولهم حق نقل القصائد الى اي قسم ان رأوا ذلك

ودمتم بالف خير
اخوكم ابو حسن

الاخ سد الوادي،

شكراً لك وشكراً للاخ الشاعر عبدالله بن فائز الرافعي على هذه القصيدة الترحيبية الرائعة في معانيها ،

وستبقى هنا حتى تكتمل الردود وعند الانتهاء منها سوف تنقل الى منتدى الموروث الشعبي ولكن هي ضيفة المنتدى الخاص خلال نشاط الردود عليها،

اخوكم ابو شروق،

تسلم اخوي ابو شروق

وارجو تصحيح كلمة في عنوان الموضوع (ترحيب)


ودمتم بألف خير

حياك الله يابو حسن
وعشت وطيب الله فالك
تم تعديل الكلمة حسب طلبك
ومشكور على نقل القصائد الترحيبية
وعساك على القوة

مالي غيرك

تسلم حبيبي ولك شكري وتقديري

واحتراماتي وان شاء الله اعجبتكم القصيدة

فصح لسان قائلها ودمتم بالخيرات

تحياتي