على طاري بغيت انسى,,,قصيده تستحق الاحتفاظ بها في قافلة المبدعين

هذه القصيدة من القصائد التي اعجبتني ويستاهل جميع اعضاء المنتدى
نقلها لهم لانني متأكد انها ستنال رضاهم واعجابهم . والقصيده هي للشاعر
المبدع المتألق عايد الشمري بعنوان >(( على طاري بغيت انساك))

على طاري بغيت انسى نسيت البارحه لـــ أنساك=ذكرتك لين نسياني..نساني في محطاتك
وش انسى دامك المرسى وانا العايش على ذكراك=حرام الموت في لحظة غيابي عن مناجاتك
تعال وغطني جفنك,وانا جفنـي يصير غطاك=ابفرش لك خفوقي والضلوع العوج مركاتك
ابدله عن جميــع الخلق واسكن داخلك وابقاك=اصير اقرب من حروف الكلام لظاهر اشفاتك
اتوهك واستــدلك ثم اتوهك داخلك والقاك=ابسكن خافقك حتى اصير بداخــلك ذاتك
ابشرب من عروقك لين تروى رغبتـي بدماك=ابسقيك الوريد ودم جوفي واكسب رضاتـك
بهيــم بغربتك ليل ومتاهات وسفر وفلاك=ابسهر فيك واسمر مع دجى ليلك ونجماتـك
ابيك الضحك والفرحه, بشوف العيد في عيناك=وابيك اكثر حزن من جور عبراتك ودمعاتـك
بزورك في دجى ليل المساري غايتـي لقياك=بضمك ثم أتوه الليل كله عن نهاياتــك
ابغرق في بحر سود العيــون وبشربك ورواك=بهجك في خفوقي حلم يطوي بي مسافاتـك
ابي تكره غيابــك يوم تذكر مبعدات اخطاك = ابي تشتاقني بين انتهاض الرمش واغصانــك
اهيجن لك ابي اسمع صدى صوت الغنـى جواك=تهيجن لي ,تبي تسمع صدى صوتك وكلماتـك
ابيك تعيشــني وخذ الخفوق وماحوى يفداك =وابي قلبك لي الملفــى وبستوطن مساحاتـك
ابي بيض النوايا هي نصيبــي في حدود حماك=وانا بفتح لك ابواب المد ينــه وانت وسواتـك
خذ بثارك من غيابـــك,وانا باخذ بثار بطاك =ابقتل فيك كل غياب واحيـي فيك جياتك
حبيبي مابقى فيني بقايا تستحــق جفـاك =بقي تالى هداد ضلوع تنعـى ضيم طعناتك
انا محتاج لك ماعاد حيــلي يا لجفا يقواك =تعال وظمنـي واترك حديث التيه لمرآتك
وعد مني آليا ضمت يمينيـي يا الغلا يمناك=نذر لنسى معك ما فات من عمـري وما فاتك
وإذا لازال بك رغبه تهجــك للجفاء تنخاك=وعجز قلبـي يردك عن نوايا درب غاياتك
فلا لي حــول بعد الله ولالي قوة تقواك=بلوح في امان الله يالمقفــي بمشهاتك
وبرجع من جديد انسى وبنسـى لا أذكرك وأنساك=وبظل انسى وأعيد انسى الين أنسى بداياتك

نعــم
7
ابرجع من جديد انسى وبنسى لا أذكرك وأنساك
وبظل انسى وأعيد انسى الين
انسى بدياتك

يذكرني
هذا الشعر بقول ابي العتاهيه:
اذا ما انقضت عني من العيش مدتي
000فإن غناء الباكيات قليل
سيعرض عن ذكري وتنسى مودتى
000ويحدث من بعد الخليل خليل

وهذه طبيعة العالم يا صــاح, فاقض من اوطارك ما انت قـــاض, واترك الوهم للمجانين,,,
كلى امل ان تنال رضى واستحسان جميع الاعضاء والمشرفين
والى ان القاكم في رائعة اخرى من روائع الشعر استودعكم الله,,
لكم مني فائق التقدير وعظيم
الأحتـــــــــــــــــــــــــــــرام.
,,,,,,,,,,,,,,,,,,,أخوكم نديم الليل

طبعاً قصيده رائعة وأختيار موفق

يعطيك العافيه أخي نديم الليل ..



( `•.¸
`•.¸ )
¸.•
(`'•.¸(` '•. ¸ * ¸.•'´)¸.•'´)
«´¨`.¸.* .:.*.(مع جزيل الشكر والتقدير).*.:. *. ¸.´¨`»
(¸. •'´(¸.•'´ * `'•.¸)`'•.¸ )
.•´ `•.¸
`•.¸ )

نديم الليل ..

وأنشهد إنك ماتمد إلا الثمينه ..
قصيده فعلاً تستحق النقل .. أبدع الشاعر في حبكها ..
أحسااااس الشاعر في القصيده واااضح .. وهذا هو الشعر الحقيقي .

صححح لسااااانه مليون ومايكفون ..
وسلمت يمينك على هذا النقل الرائع ..

رعـاك الله ..

ابيك تعيشني وخـذ الخفـوق وماحـوى يفـداك
000وابي قلبك لـي الملفـى وبستوطـن مساحاتـك

ابي بيض النوايا هي نصيبي في حـدود حمـاك
000وانا بفتح لك ابواب المـد ينـه وانـت وسواتـك

خذ بثارك من غيابك,وانـا باخـذ بثـار بطـاك
000ابقتل فيـك كـل غيـاب واحيـي فيـك جياتـك


نديم الليل


ياعسى مايجيك الندم ان شاء الله

لله درك اخوي
نقلت وأبدعت
سلم قلبك وصح
لسان الشاعر والله


احترامي لك

المسكت


--

بهيم بغربتك ليـل ومتاهـات وسفـر وفـلاك
ابسهر فيك واسمر مع دجـى ليلـك ونجماتـك

نديم الليل زاد جمال نقلك الكلمات البيضاء المنقوشة على جدار ليلك

سلمت يمنيك يانديم الليل على النقل الرائع والمميز بالإختيار للقصيدة


وصح لسان الشاعر على مابدع وقال


يعطيك العافية يانديم

وشكرا لك