قصة زوجه منتهية الصلاحيه 0000

القصه طويله ولكنها واقعيه 000

فاجأها شريك العمر بكلمات ماكانت على البال ولا على الخاطر
ام نواف00 ابغاكي في موضوع خطير ومهم جدا
وانا واثق انك انسانه فاهمه وعاقله ورح تقدرين الكلام اللي رح اقوله وتتفهمينه صح
فتحت عيونها على اخرها وقربت منه وقالت خير ان شالله 00
قال انا عندي طلب وما ادري اذا تقدريبن والا لا ؟
قالت له: انا لك من يدك ذي ليدك ذي واللي تؤمر به انا حاضره ولا يردك الا لسانك 00 انت تعرف قدرك عندي وتعرف انك لو تطلب عيوني ما تغلى عليك
تلعثم شوي وبلع ريقه وغص بالكلام
قال والله يابنت الحلال صعبتي المهمه علي
قالت لا ياعيني والله مو قصدي اصعب شي عليك 00 لكن هات قول انا لك كلي اسمعك
قال شوفي عندي مشروع بياكل الاخضر واليابس في بدايته لكن في النهايه بيكون كل شي من اروع مايكون وننبسط ونعيش بسعاده مابعدها سعاده
قالت ليه المشاريع ووجع القلب ؟
هذا حنا الحمدلله سكنا بيتنا الجديد وعيالنا حولنا ولا انت مديون والله عوض علينا بعد صبر السنين
الحين كل شي عندك عيال تبارك الله شباب وبنات مافيه مثلهم وبيت كبير وسيارات وصحه والحمد لله
مافيه شي ناقصك حتى شكلك ماشاالله عليك اللي يشوفك مايقول انك تجاوزت الثلاثين
خل المشاريع اللي ماهي مضمونه وواصل حياتك 00 الحمد لله مو ناقصك شي
قام من مكانه ولف في الغرفه شوي وقال انا لله وش اسوي ذا الحين
قالت طيب اقوللك شي قو ل مشروعك ونناقشه ونشوف
لا خلاص خليه وقت ثاني
وطلع من عندها وهو مهموم ويفكر بعمق وهي من وراه واقفه قالت له الله ينور بصيرتك ويسهل امرك
دخل مكتبه وهو يتنفس بقوه ويستغفر والهم مالي نفسه
قعد يفكر هذا المشروع هي اول وحده تتضرر منه وهي مسكينه تدعي لي
في هذي اللحظه اتصل على صديقه ومستشاره ابو تركي وشرح له اللي صار وهو يضحك ويقول ما قدرت اعلمها والله خجلتني من طيبتها وما قدرت اقول شي
قال له صديقه يا اخي دق الحديد وهو حامي ما عليك بتزعل شوي وبعدين تنسى
بعد ايام من التفكير قرر انه يواجهها بحقيقة المشروع ويقول لها الحقيقه
وقف قدامها وقاللها وهو متردد ودي اناقش معك المشروع قعدت تضحك وقالت كم يوم وانت تبغى تناقش وتتردد وش ذاا المشروع الخطير
لايكون زواج بس وانا ما ادري
انتهز الفرصه وقال بسرعه ايوه زواج
قالت زواج مين ؟
حنا اتفقنا مع اهل العريس يكون الزواج في الصيف وشوله يستعجلون
قال : أي بنت انتي الثانيه
اجل زواج مين ماحد من العيال خاطب
قال زواجي انا
فتحت عيونها بقوه وناظرت فيه وهي تضحك وقالت تخيل عاد تجي بعد ذا العمر وتتزوج ؟
قال اش فيها مانتي تقولين اني شباب والا مجامله اللي كنتي تقولينه
قالت:اكيد انك سيد الشباب لكن لي مو لغيري
قال: لا معليش انتي كبرتي بصراحه وانا والله حاس اني باقي شباب
قالت من جد انت تتكلم؟
قال أي والله من جد ليه هذي فيها مزح
انا باقي بعافيتي بصراحه وانتي تعبتي صحيح انك جميله ما شا الله وجسمك حلو وكل شي فيك حلو لكن بصراحه انتي عارفه العلاقه الخاصه انا بحاجه لها واشوفك انتي كبرتي
وقفت مذهوله ولا تكلمت قعدت تناظر فيه من فوق لتحت
استمرت على ذا الحال وقت طويل وهو يكلمها ولا سمعت من اللي يقوله أي كلمه
فجأه نزلت من عينها دمعه كبيره مسحتها بسرعه وتمالكت نفسها وطلبت منه انه يغادر الغرفه لانها تبغى تنفرد بنفسها
ترك لها الغرفه والسعاده تنط من عيونه وبسرعه اتصل على ابو تركي وقال له ابشرك انحلت المشكله
قلت لها وهي قاعده في غرفتها تبكي
بتبكي لها كم ساعه وبعدين اراضيها وتنتهي المشكله واتفرغ للعروسه
بشرها وقل لها الملكه قريب
قعد في مكتبه ويفكر بالسعاده القادمه وبالعروس الجميله وتذكر كلام صديقه اللي قال له اول ماسكن البيت الجديد وقال له البيت الجديد لازم له حرمه جديده وانت شباب والف من يتمناك قال له ياشيخ بلا الف بلا ميه جيب لي وحده وانا حاضر
قال له جاتك
قال من هي
قال صديقه بنتي حنان ما تغلى عليك
قال كيف هذي من سن بنتي ندى كيف اتزوجها
قال يعني كم عمرها انت تحسبها صغيره هذي عمرها 18 وفي عز شبابها وجمالها اش تبغى احسن من كذا تبغى تدفن نفسك مع هالعجوز وانت باقي شباب
وتمت الخطوبه وشاف العروس وطار عقله
وكل اللي طلبوه جاهم على طبق من ذهب
وصحي من افكاره على صوت خبط على الباب
فتح الباب لقي بنته الصغيره تبكي وتقول امي تركت البيت
قال اش يعني تركت البيت
قالت البنت لبست عبايتها وطلعت وما اخذت معاها لا شنطه ولا جوال ولا شي
قال تلاقينها راحت عند الجيران
قالت بابا انت عارف ان تونا سكنا يعني ماتعرف احد وين بتروح واستمرت تنوح
قال اسكتي بس اتصلي باخوانك شوفي اذا احد اخذها وانا بشوف السواق يمكن راحت معاه لبيت اخوانها والا اخواتها
بعد فتره تجمعوا والكل يتساءل وين راحت لانهم مالقيوها في أي مكان وامتلا البيت باهلها واخوانها الكل يدور
والكل يسأل
واتفقوا انهم ينتظرون لليوم الثاني لو ما عرفوا وينها رح يبلغو ن الشرطه
وفي هذا الوقت يجيه تلفون من صديقه قام سكر الخط ومارد عليه 00 وبعد شويه اتصل ونفس الشي سكر الخط وصار كلما اتصل يسكر الخط ومايرد عليه وهو مشغول بالبحث والمتابعه مع اولاده وما وده يشغل التلفون حتى يعرف أي شي جديد
استمرت حالة القلق والذعر في البيت الى الفجر والكل في حالة ذهول وين ممكن تكون اختفت خصوصا انها طلعت وهي في حاله عصبيه مريعه
انهار الاب وصار يلوم نفسه وقال قدام الكل انا السبب انا اللي دمرتها انا اللي جنيت عليها
انا نيتي هي السبب مافكرت الا في نفسي
بنت الحلال عاشت معي احلا سنين عمرها على كل ظرف وهي صابره وماشفتها في يوم اشتكت والا تذمرت
تعبت معي وصبرت على نزواتي وجناني وتحملتني وتحملت اخواني وربتهم كانها امهم وبعدما استوت لها الدنيا جيت انا ابغى ابدلها واقول انتي ماتصلحين لي
انتهت صلاحيتك
من حقها تتركني وتهرب لاني ماصنتها بعد هذا العمر ولا قدرتها
تجمعوا عليه كلهم وقالوا انت تبغى تتزوج ؟
عياله سكتوا والبنات انهاروا واخوانها قالوا صدق انه ماعندك ضمير
وقام واحد منهم وتوعده واقسم له لو يصيبها مكروه غير يمحيه من الدنيا وطلع وهو في قمة الغضب
وعند الباب فاجأه ابو تركي وهو يبغى يدق الجرس قال له ادخل شوف صاحبك اش اللي صاب عقله بعد هذا العمر


2----
دخل ابو تركي البيت وهو ينادي 00يا بو نواف
قال له بصوت مرهق تفضل واشر للبنات انهم يدخلون
دخل ولاهو مستغرب الحاله اللي هم فيها
قبل لايتكلم اابو نواف قال له ابو تركي ام العيال في بيتي عند اهلي من البارح
فتح ابو نواف عيونه وقام من مكانه وهو في حالة ذهول 00هي عندك ؟
ليه؟ وش الداعي انها تجيك انت 00 وكيف وصلت عندك ؟وليه ما اتصلت علي اول ما جاتك وانت عارف الحاله اللي تركتنا فيها 00؟
قاطعه ابو تركي وقال له اهدا يا اخي شوي خل اعرف اجاوبك
قال ابو نواف تكلم اصلك ماتدري وش اللي صار فينا طول الليل وانت ولا على بالك
قال لا ادري وش اللي صار
ام نواف جتنا في حاله يرثى لها وصلت بيتي بليموزين ودخلت على ام العيال وقالت انها تبغى تقعد معانا الليله لانها تعبانه وطبعا استقبلناها وقعدت مع ام تركي وبعد صلاه العشا طلبت مني اني اقوللكم انها عندي لكن مارضيت ترد على التلفون كل ما ادق عليك تقفل الخط في وجهي
قال ابو نواف يا اخي وش دراني عنك كنت مفجوع انها تركت البيت بهذا الشكل 00وفجأه لمعت عيونه وقرب من ابو تركي وقال له بصوت خافت ام نواف عرفت ان العروسه هي بنتك ؟
قال ابو تركي بالتاكيد لا 00 واحب اقوللك شي ترى انا وام تركي اتفقنا اننا نلغي هالخطوبه واي شي انت دفعته رح يوصلك مثل ما جبته
قال ابو نواف وهو غير مهتم ليه؟
جاكم مني شي ؟ والا ام نواف شيشتكم علي ؟
قال ابو تركي 00والله يابو نواف انت عندك زوجه ماعرفت قدرها00 بنت رجال صحيح 00 لما صدمتها بالكلام اللي قلته لها تركت البيت بدون وعيها ولما انتبهت لنفسها جات لبيتي باعتبارنا اصدقاء وفضلت انها تجي عندنا ولاتروح عند اهلها علشان ماتفضحك وتتسبب في مشكله بينك وبين اخوانها
وانا والله يابو نواف ما اخلي بنتي تكون سبب خراب بيت مثل هذي الحرمه
وانا جيتك بنفسي علشان اقوللك انك رح تبقى صديقي وعزيز وغالي مهما صار بيننا وام نواف موجوده في بيتي مع ام تركي والبنات اخت وعزيزه البيت بيتها الين تتركه زي ماجات له
3--

في بيت ابو تركي كانت ام نواف تتناقش مع ولدها على التلفون وتقول له انها مارح ترجع البيت الا اذ هدات
وما انتهت المكالمه الا وابو نواف على الباب
دخل عندها ويوم شافته صدت عنه وهي تغالب دموعها قرب منها وحاول يمسك يدها لكنها سحبت نفسها وراحت منه بعيد 00 قال معليش اعذريني كانت نزوه وانا اسف صدقيني كل شي انتهى ولا فيه عرس ولا شي
اصلا انا كنت امزح 00 قالها وهو يضحك 00كان ودي اشوف غلاي عندك ومعزت000قاطعته وقالت لا تكمل انا اعرف اللي رح تقوله خلاص مافيه داعي تقول شي
قال بفرح يعني سامحتيني
قال لا ما اسامحك ولا رح انسى لك اللي قلته مادمت حيه
صدمتني ولا قدرت اتكلم وارد عليك من وقتها لكن الحين بقوللك وش اللي عندي وياريتك تسمعه وتفهمه زين
رفيق عمري تدري ان عمرك الان 58 وانا عمري خمسين سنه يعني اصغر منك وتعرف بعد ان الانسان يمر بمراحل مختلفه من عمره يبدأ نشيط وبعدين يضعف ويضعف ويضعف الين ينتهي والضعف هذا يشمل كل شي في الانسان من الرأس الى القدم ويشمل الرجل والمرأه
اذا الرجل نشيط بشكل طبيعي فما نلومه اما لو كان ما يقدر يعيش من غير ادويه فهنا المشكله خصوصا لو كان يعتقد ان زوجته ما تدري عن انواع المنشطات اللي ياخذها وبعد لو كانت ما بينت له انها تعرف علشان لاتهين كرامته كرجل او تتسبب

في تدميره
واسوا مافي هذا التغير لما الرجل صاحب المقويات يعاير شريكة حياته بعد ثلاثين سنه خدمه انها اصبحت منتهية الصلاحيه وانها يجب ان ترمى في عالم النسيان
سكت ابو نواف 00
كان مذهول جدا من اللي يسمعه
وقف في مكانه لحظات وهو يناظرها ودمعه تنحدر من عينه
مشى ببطء شديد والتفت لها وهو يقفل الباب وراه000
ام نواف000



انتي طالق

الأخت ذات الشأن
يعطيك العافيه على طرحك القصه
ولكن كان لا بد من هذه الزوجه تهدئة الوضع في مثل هذه الحاله
بما أن زوجها رجع لهاا وكان تحمد الله إنه رجع ويعتذر منهاا بعد لكن صدق إنهاا

منتهية الصلاحيه كانت حكمت عقلهااا شووي قبل لا تتكلم بكلام ما تدري وش عاقبته
اللي نهايته الطلاق وبعدهااا ضياع اولادهااا وووالخ..

وفي الختام أتمنى ان نرى وجهات النظر من الجميع
في هذه القصه فالزوج عرض عليهاا فكرة الزواج من إمرأه أخرى فالشرع احل أربع للزواج
قد نقول أنها ردت فعل ولكن لم يكن تصرف هذه الزوجه سليماً حتى في ذهابهااا إلى بيت صديقه أبو تركي
كان راحت بيت أهلهاا او إخوانهاا كان أرحم لهاااا

وأترك التعليق لكم..

دمت بخير ..

مشكور ابو مانع
لي عوده للتعليق
لاني كتبت رد طويل والصفحه ما انفتحت بسرعه فانحذف ولذلك ان شالله ارجع اكتبه مره ثانيه

اتمنى ارى الكثير من الاراء
تقبل احترامي وتقديري

بانتظارك أختي ذات الشأن

وبانتظار الإخوان والاخوات

الآخرين..

دمتم بخير..

اختي الكريمة ذات الشان
مشكورة على القصة واسلوبك في تسلسلها
انا اعتقد ان اقدام الرجل على الزواج شئ طبيعي
ولكن بمعايير معينة وليس على حسب الهوى
والشخص الذي يملك امراة مثل ام نواف يجب عليه ان
يحفظها ويهتم برضاها ولا يفرط فيها بكل سهولة مهما حصل
منهااكراما للعشرة التي بينهما
يعطيك العافية

ابو مانع
يبدو لي من خلال ردك انك متعاطف مع الزوج
مدري هو عنصريه والا انت شايف انه صح ؟
عموما انا اقول بداية ان للقصه فصول ما نتهت الى الان ولكن الزوج في نظري غلطان جدا
المفروض انه راعى ظروف زوجته النفسيه وراعى العشره اللي بينهم مايجي بعد ثلاثين سنه زواج وصبر وتعب وبعدما راح شبابها
و بدأت تدور على الاستقرار في بيتها الجديد وبين عيالها واحفادها يجي يقوللها وبكل بساطه روحي انتي صرتي كخه
المصيبه ان الكثيرين يجي بعد سنين طويله ويقول والله ماعاد اقدر اتحمل مابيني وبينها تفاهم
طيب وينك من اول يابو تفاهم والا بعدما استوت لك الدنيا قلبت على اقرب الناس
والمشكله هنا انه يعاني من نفس المشكله اللي عايرها فيها

اخي ابو مانع
اخشى اني استرسل فادخل في متاهات كثيره
تقبل شكري وتقديري
دمت بخير

مشكور اخي الكريم ودمت بخير

المشاركة الأصلية كتبت بواسطة مالي غيرك

اختي الكريمة ذات الشان
مشكورة على القصة واسلوبك في تسلسلها
انا اعتقد ان اقدام الرجل على الزواج شئ طبيعي
ولكن بمعايير معينة وليس على حسب الهوى
والشخص الذي يملك امراة مثل ام نواف يجب عليه ان
يحفظها ويهتم برضاها ولا يفرط فيها بكل سهولة مهما حصل
منهااكراما للعشرة التي بينهما
يعطيك العافية

الاخ مالي غيرك
الزواج الثاني لايمكن ان ننكر انه حق للرجل لكن مثل ماتفضلت وقلت لازم يكون بمعايير وشروط معينه
واي رجل يفكر بالزواج الثاني لازم يحسب لمشاعر الاولى الف حساب لان الزواج الثاني بالنسبه للمرأه يعتبر مثل مايسمى بالقتل الرحيم

الله يبعده عني ويكفينا الشر

يعطيك العافيه اخي الكريم

ابو مانع
يبدو لي من خلال ردك انك متعاطف مع الزوج
مدري هو عنصريه والا انت شايف انه صح ؟

الأخت ذات الشان
أنا معك بأن الزوج كان لا بد ان يراعي وضع زوجته بعد هذه السنين
وقد نقول أنه أخطاً في حق زوجته ام عياله والأهم من ذلك إنه يرغب بالزواج
بدون أسباب لتقصير من زوجته أو شي ولكن أنا لم أكن أقف في صف الرجل مثل ما وصفتي
أو عنصريه ولكن أنا تحدثت من شأن خروجهاا من بيت زوجهاا وهذا أكثر ما أزعجني في القصه كقارئ لهااا
وفي نفس الوقت كان ردهاا له عند عودته ومراجعة نفسه بالتأسف لم يكن ردهاا على زوجهاا مناسب

وبالعكس اخت ذات الشان يعجبني دائماا
مداخلاتك ومشاركاتك في أكثر المواضيع وهذا ما يزيد
من روعة المشاركه

دمت بخير ولي عوده..

ذات الشأن بانتظار تعليقك على المشاركات وهذه القصه خاصه

دمت بخير.

ابو مانع حياك الله

يشرفني وجودك في موضوعي ويسعدني ان نكمل النقاش

شعور المرأه اذا اهانها زوجها بالشكل اللي حصل في القصه لايمكن يشعر به رجل ابدا
شعور يشبه ولا هو مثل لكن يشبه انك تبني بيت وتحط فيه كل ماوراك ودونك وتأثثه على مزاجك وتحط فيه كل اللي كنت تحلم بيه
ولما تجي تسكنه تلاقي اخوك او اعز اصدقاءك قد نقل ملكية البيت باسمه وسكن اهله وعياله فيه وقاللك البيت مو لايق عليك
اطلع برا وارجع مثل ماكنت
تخيلت الاحساس
لو جاك هذا الانسان واعتذر لك وقال معليش انا اسف تعال اسكن في الملحق معزز ومكرم وطلباتك توصلك الين عندك

بالله وش شعورك في ذيك اللحظه
هل رح تاخذه بحضنك وتقول طيب الله يسعدك انك رجعتني لبيتي
والا بتشيل اكبر طاوله تلقاها قدامك وترزعه على راسه تجيب اجله (عنيفه 000انفعلت بقوه)

ابو مانع انا صورت لك الشعور بمنظور تفهمونه انتو يالرجال وصدقني والله ولا يجي شي جنب اللي ممكن تحسه المرأه لانها تكون مكسوره وفي حالة انهزام شديد وشعور بخيبة الامل مالها حدود
كيف تتوقع انها تقبل اعتذاره وهو طعنها في ظهرها وهو اللي كانت تحتمي به بعد الله من غدر الايام 0

طولت مثل العاده لكن اتمنى تكون وصلت لك فكرتي
تقبل احترامي وتحيتي

شكراً لك أخت ذات الشان

والفكره وصلت ولكن مثل ما قلت لك يظل الطرفين مخطئووون

دمت بخير..

الف شكر
كل التحايا والتقدير لكي وشكرا

انا انقهرت بس من الردود ولا قريت الموضوع

تبغيني انجلط؟

افلحي كوذيه

ذات الشان الله يعطيك العافيه


انا اللى ذبحنى ليش حظرته مافكر فى الزواج ايام الظروف الصعبه

لان الحال ماكان يتحمل ؟؟؟؟؟؟؟؟؟؟؟؟؟؟؟؟؟؟؟؟

يعنى المسكينه يوم وصلت السن اللى الله فرجها عليها من الظروف الجانبيه وتبغى تستمتع باحلى سن تكون فيه شريكه مع اولادها فى اصعب مراحل حياتهم من تخرج الى خطبه الى ملكه الى زواج ...........................

يعنى مومن حقها تتمتع بزوجها وبالحياة الى بنتها بصبرها وبتفانيها طوال السنيين الماضيه

((دائما مانسمع هذه المقوله ((عند سكن البيت الجديد يبغى لك عروس مافيه مبروك وتتهنى مع ام فلان ))وهنا البدايه ودمار هذه الزوجه بالكلام ))


ليه يستكثر عليها البيت الجديد او بعض رغد العيش بعد سنين عجاف لم تشتكى فيها ولم تتضجر

هو غلط غلط فادح لدرجة انه يطلب منها هذا الطلب


هى غلطتها انها ذهبت لمن كان يدس لها السم بالعسل

قصدتهم ليس من باب الاهانه له لكن كانت تبغى الستر من بعض نظرات الاقارب

ومع ذلك لم يتحمل حظرت الشاب النشيط تلك الحقايق التى كانت تحتفظ بها

ولم يحتمل كلمة لن اسامحك
فى ظروف نفسيه قاسيه يطلب التسامح وعندما لم تحصل المسامحه كما تعود عليه حضرته

حصل ماكان مبيت له الشاب الوسيم (الطلاق )

دمتى بخير اختى الغاليه
ويعطيك العافيه على حسن ترتيب القصة وسردها


وانا بإنتظار الباقى

الزواج مشروع للزوج ولكن ؟؟؟؟؟؟؟