يامسكوهم... ياخلوهم يفحطون

--------------------------------------------------------------------------------

بسم الله الرحمن الرحيم
السلام عليكم ورحمة الله وبركاته



التفحيط ظاهرة عجيبة غريبة .. يتلذذ بها المراهق وينزعج منها الشايب

والمعتدل حسب مزاجه ان كانه رايق تلذذ به وان كانه ضايق انزعج منه


وش هو هالتفحيط ( لف بالسيارة يمين ويسار او يسار ويمين ثم دوار ثم ماني عارف ايش )


وبعدين .. وين اللذة ... وين الاحساس الممتع هل انتصر الاسلام في هذه اللحظة


هل اجرنا على مثل هالاعمــال بل والله ماصدنا منه خير كم فقدنا من عزيز وغالي والسبب هالمفحطين كم راح من شرف والسبب هالمفحطين كم راح من ضحية والسبب الجمهرة عند هالتفحيط ..
ظاهرة عجيبة


انا ابي اعرف من وين اقتبسوا هالظاهرة وين الغزو الفكري اللي جانا منه هالتفحيط ؟؟؟

( والله الاخوان اللي فيهم خير ماقصروا )


من خلال مشاهداتي لوسائل الاعلام اجد الاخوة ماقصروا الاخوة اللي محتسبين للاجر

من خلال بث المواعظ والعبر عن اضرار التفحيط ولكن الطيب والاخذ بالعظة والعبرة


ماينفع ...



( يجب الحزم والشدة )


اما اخوانا رجال المرور ( الشرطة سابقا ) اقصد اوكلت المهمة التفحيط للمرور لاني مرة راجع للبيت والشارع اللي قبل بيتنا حق تفحيط الله يعافينا وحقيقة خفت على نفسي وعلى سيارتي
واتصل على 999 وقالو لي دق على 993 تصدقون اول مرتين مشغول والدقة الثالثة والرابعة مايردون ويالله الخامسة ردوا قلتلهم شارع كذا فيه تفحيط قال داري قلت يومكم دارين ورا ماتشوفون هاللي يزعجون خلق الله ..

وتتواصل الايام ويستمر هالشارع يوميا تفحيط ويوميا ادق على المرور <<< دبــــــس ,,


ويوميا نفس الكلام



لكن اللي لاحظته انهم يجون من بعد عشرة كيلو ويشغل السفتي يشفونه هالمراهقين وينحاشون

ولا ويجون على دورية وحدة المهم العالم تنحاش لها ساعتين ويرجعون لنفس الشارع

وهكذا يعني بشكل او ثاني هالمفحطين ( أمنوا العقوبة ) ومن امن العقوبة اساء الأدب

وبالعربي اذا جاكم بلاغ تفحيط تعالوا فرق وسدوا الشوارع وامسكوهم واجلدوهم وحطوهم عبرة لغيرهم


والله ماتتغير هالظاهرة ولاتنفقد ولاتزال الا بالشدة او بالقوة يعني نصايح ماينفع عظة ماينفع

تقوله فلان مات بسبب التفحيط ماينفع امسكه يالعسكري اقصد المفحط او اللي يتفرج وكسر راسه والله ماعاد تشوفه في الشاعر <<< قصدي الشارع



انا كان بودي ان اطيل في مثل هذه القضية ولكن الاطالة تعني الملل والملل يعني اني الميت بكل شي وانا ابغى اعطيكم فرصة للنقاش البناء ...
__________________