ان عشت ياراسي كسيتك عمامه .

السلام عليكم ورحمة الله وبركاته
الشيخ الشاعر الفارس محمد بن سرار المنبهي عليه رحمة الله ، فارس من فرسان قبيلة شهران العريضة نورد له هذه الملحمة والتي تبين فروسيته هو وربعه ومجابهتهم للأعداء..
ويندب ابنه عمرو للعوده وهو مع خواله "سبيع" ليعيد ابل جاره التي أخذها القوم..هذه القصيدة بدأت بالبيت المشهور الذي انتشر وتناقله الجميع وبقي محفوظاً في ذاكرة التاريخ باسم هذا الفارس..
إليكم ما قاله ابن سرار

ان عشت ياراسي كسيتك عمامه= وان مت ياراسي فدتك العمايم
ياراس شيبك ما بدا بك مذله=والشيب تكرم به كبار اللمايم
الاجواد يكرم شيبها في مشيبها=نقالة القالة محوص الصرايم
ياما نطحنا في الصبا من قبيله=يوم الصبا والكيف للرمح رايم
وياما خذينا تونا من كسابه=بسيوفنا راحت تقسم غنايم
وياما نسفناهم على جال وادي=وياما نحونا فوق سود الشكايم
اربعمائة خيال جونا مسيره=جونا يبون الغرس حلو الطعايم
وقالو يسار الغرس والايمينه=امس لكم واليوم جاء فيه سايم
وقلنا لهم من دونه الموت حامي=اليوم نهدي الروح نخشى اللوايم
وثنيتها لعيون غرس بكاير=يثمر بهيبتنا غصونه نعايم
واخذت اطاردهم وانا فوق قباء=مثل الهدود اللي عن العشب صايم
تلحق ليا غارت ولا يلحق بها=شقراء ولا ضريتها للهزايم
من يوم بان الفجر ليا اعتلا الضحى=وحنا نقلط للمسير عزايم
والله عطانا منصب الحظ والظفر=يوم التقت بين القروم الولايم
يوم اسلموا للمنع واسندت عنه=ملياهم كما عشب لفح به سمايم
هذا اسير وهذاك يومه دنا به=وهذاك مكسور وهذاك شايم
هذا زمان فات ما ينفع المنا=يوم اذكر الماضي تزيد العظايم
الراس شاب وثالثه رجلي العصا=هالله يوقض قلب من كان نايم
انا ابن سرار علومي قديمه=محي عسرها طيب الليالي القدايم
وانا في رجاء عمر وعمر وراء الشفاء=عساه اليا جانا ترد اللزايم
لعل قبل الموت نسمع بشيره=ابجاه من يحي العظام الرمايم
لو ان غالي حبنا في بلادنا=غنيمه تحضى الغنا والغنايم
لكن غالي حبنا في لداده=سحيمسة قشراء وجات ابهايم
لولا لحاهم قلت ذولا من النساء=عيون الحبارى شافت الصقر حايم
وصلاه ربي عد ما ذعذع الهواء=على النبي واصحابه اهل الكرايم

حصلت على رد ابنه من احد المنتديات

وعندما وصلت القصيده الى ابنه عمرارسل له بالرد التالي

ياشيخ تعذر غايبك مثل ما غاب=والذنب ذنبك يوم تطلق ازمامه
ان كاني من نسكم يوم غلاب=بنيت بيتك في طويل العدامه
والصيت يرجع لك ولك فيه مظراب=صيت ابن سرار حسب ما يرامه
والله ان يمر القوم ما مر الاحزاب=لو صار من بين الفريق انقسامه
والبل ترجع لك على عد واحساب=ابل القصير للي عزيز مقامه
بيوم به الغران ياتون شياب=الا انهم يبغون درب السلامه
حلفت دينه فيه مانب كذاب=يا جارك انه يهتني في منامه
والبل وصرتها مع العقل تنجاب=اوكد من اللي قيم في صيامه
وانا لحوض الموت وارد وشراب=لعيون من وصا بقصة ابهامه
وترى الوعد ما بيننا ثجر واغراب=كلا على الموعد يشاور عمامه
وانا شويري سيف هند له انصاب=ورمح مزهينه بريش النعامه

الـمـصـدر

مجهود جبار وقصائد رائعة مشكور أخي الحبيب أبو فارس وسلمت يمينك

مشكور أبو فارس الله يعطيك العافيه مجهود جبار وعبارات رووووعة .. تسلم يمناك

السلام عليكم ورحمة الله وبركاته

مشرفنا الرائع سهيل الشرق أشكرك على مشاركتك .

تقبل تحياتي

ما يجي من الطيب إلاّ طيب

جعل الله أيامك كلها طيب

السلام عليكم ورحمة الله وبركاته

بوسالم سرى ليله الله يمسيك بالخير ( ذا الليل وكل ليل ):36_1_50[1

مشكور اخي على مشاركتك

ياسلام.....الله يعطيك العافيه يا ابو فارس على هذا المجهود وان شاء الله نراكم في الصيفيه .

برهـــــــــــــــــــــــــــــــــــــــــــــــ ــــــــــــان

دائماً اختياراتك يا أبو فارس جميلة

صح لسان من بدع ومن رد....