ايش رايكم نفحط !!!!

السلام عليكم ورحمة الله وبركاته ...

كيف الحال ياشباب وبنات منتدى بني عمرو ...عساكم بخير وصحه وعافيه ..؟؟

أنا ودي أكتب موضوع على الماشي ...

المهم الموضوع وما فيه يا أعزائي ...

انا ودي اتكلم عن ظاهرة التفحيط المنتشره بشكل رهيب في السعوديه ...

نخش في الموضوع دُغري على قولة أهل مصر ...

الصراحه يا جماعة الخير ...

التفحيط هذي ظااااهرة سيئه جدا جدا جدا ... <<< قل قسم ...

يا شباب انا ودي افهم من كل واحد وش الفايده من التفحيط ...

والله شي يخلي التفكير يتوقف نهائياً ...

يعني مثلاُ ...هذا المفحط عنده حاله نفسيه تحثه على هذا الفعل !!!

أو يحس انه مجهول ويبغى يثبت وجوده !!!

وفي النهايه !!!!

يدعس له متجمهر !!!!

ولا ينفض عامود كهرب جلسوا شركة الكهرباء 6 شهور يركبون فيه !!

ولا يكسر سيارة واحد سارقها عليه ...

ومسكين الله راعي السياره تحصل راتبه 2000 ريال وشاريها بالتقسيط من معرض

وجالس يتقهوى مع اهله مبسوط ومستانس ...

و مو داري ان سيارته مع الزفت المفحط بدر عوض !!! الله يعوض أهله بخير ...

ولا مع الزفت الثاني حمامه ولا الزفت الثالث مادري مين !!!

ولا يجيك المفحط يموّت نفسه داخل السياره ويموت الراكبين اللي معه ليه ... فدااااءاً لبزر !!!

هل هذا هو السبب ..؟

هل هذا هو سبب الكوارث التي نراها ؟؟؟

أو خلنا نقول انه مو من حقين شغلات المبزره هذي ...!!!

لكن يقتل نفسه أو يقتل غيره عشان يثبت وجوده بكم عقده ولا بكم حركه !!!

يعني ما ادري وين عقل المفحط المغفل يوم يفحط على سرعة 240 ولا 220 !!!

ما تخيل نفسه وهو بهذي السرعه داخل في عامود كهرب ...

ولا داخل في الجماهير ... ولاسيارات الجماهير ...

والله شي يوقف التفكير ...

ولا ما تخيل نفسه يصفق سيارة فيها عائله وهو يفحط بالسرعه هذي !!!

وش ذنب هذي الضحايا !!!

ولا ما تخيل انه بيموت في هذه اللحظه !!!

وايش بيكون موقفه عند رب العالمين يوم البعث !!!

قال ايش قال تفحيط قال ...

يعني قول لو واحد يفحط في مخطط فاضي لوحده ... هذا كافي خيره شره ..على الأقل إذا في راسه حب يروح يطحنه في الأماكن الفاضيه ...بعيد عن الناس ...

قول واحد يخمس ... هذا ما عنده أحد ولا أظن انه يأذي احد لدرجة الموت ..على الأقل تحسه ذوق رغم انه اسلوب غير حضاري !!!

الحين ضحايا التفحيط اتذكر انها متعديه نص مليون شاب او اكثر ما ادري غلطان ولا لا ... تسونامي على غفله !!!

والله شي يقهر ...

وأنا والله أعتبر المفحط يعاني من نقص !!!

ويحاول يغطي النقص هذا بهذه الحركات اللي ما تزيده إلا نقص على النقص اللي فيه ...

وهو يحاول يقول للعالم أنا موجود أنا خطير أنا قوووي ...!!! وهو ماله وجود أصلاً على خريطة العالم خخخخخ ...


وأنا من رأيي أن أسباب التفحيط اللي أتوقعها :

التربيه من جنبها ...((( أحياناً وفي الأغلب )))

قلة الوازع الديني ...

ومرافقة أصحاب السوء ...((( أساسي )))

وعدم وضع قانون حاسم من قبل الحكومه يحد من هذه الظاهره ...!!!

زي الجلد التعزيري (مو جلد الخمبقه) ... يعني كل جلده بدم as) ...

وعدم وضع غرامه ماليه كبيره جدا تخلي الواحد يشوف التفحيط في طريق .. يخش من طريق ثاني ... ((( مو 900 ريال خخخ )))

لكن نقول كيف نحد من هذه الظاهره ...

نبغى حل ...

نبغى نرتاح من سماع أخبار موت فلان في الشارع الفلاني لأنه كان بفحط ...
أو فلان كان متجمهر في الشارع الفلاني وفلان الفلاني دعسه بالكامري اللي سارقها :mad:

نبغى نرتاح من هذه المصايب ...

وأنا والله أخبر سمعت ان دلة بتسوي ساحة كبيره للتفحيط ...ما ادري سووها ولا لا ...

لكن ما أدري هذه الساحه بتكون تشجيع وحث للشباب على التفحيط بشكل أكبر...

أو بتفكنا شر المفحطين ويروحون يفحطون في الساحه هذه بدون ما يقلقون راحة المواطنين ...

المهم ودي أشوف أرائكم يا جماعة الخير حول هذا الموضوع ...

وودي أعرف منكم ...

أول شي ..

هل انت تفحط بالعادة .. أو تفحط أحيانا ؟وما رأيك في التفحيط بصفه عامه ؟

هل أنت من محبين التفحيط ؟وما رأيك هل يعتبر تخلف عن الحضاره ؟

هل انت من محبين مشاهدة أفلام التفحيط ؟

هل أنت ممن يؤيد وضع منطقة خاصه للمفحطين ؟زي حقت دلة هذي اللي سمعنابها ولا شفناها ؟

واتمنى أشوف آرائكم بصفه عامه عن هذه الظاهره

واهم شي ودي أشوف آراء بنات المنتدى حول هذه الظاهره

هذا اللي عندي يا أخوان وأعذروني على القصور ..

تحياتي للجميع ...

والسلام عليكم ...