تاريخ عمري

علمته يشيل السيف ويسله في وجيه اغراب
.........................................واول ماقوى شيله رفع سيفه وتحداني

علمته الرمايه زين ولايتعــــــــب ولايرتــــــــاب
.......................................واول ماقوت يمناه صوبنــــــي ورمانــــي

علمته نظم الشعر ولا يركــــض ورى الالقـــاب
.........................................واول ماكتب بيتين كتـب عنـــي وهجاني

علمته يعاف الغدر ويوفي بوعده الاحبــــــــاب
.........................................واول مافهـــم قصدي راح بعيــــد وخلاني

تعبت اوفي مع الخاين تعبت اصدق مع الكذاب
........................................تعبت ارجيه والجى له وهو مايوم قد جاني

تعبت ابني صروح الحلم على شانه شقى واتعاب
.......................................ولا مره شعر فيني ولا حس باحزانـــــــي

غريبه كيف يتجرأ يسوي مارفضــــــــه اجنــــاب
........................................وهو اقرب من النظره لعيني منها اجفاني

انا اللي عشت له ديره عزيزه مالفاها اغراب
...........................................وهو كان الوطن اللي نساني اوطاني

سهرت الليل لعيونه رغم نومي علي غلاب
.......................................مع هذا صبرت وقلت من شانه انا اعاني

عيوني تنثر الدمعه وظني للاسف قد خاب
.......................................وقلبي مات في سجنه يوم الحب سجاني

تموت افراح هالدنيا وانا كلي بقايا اسراب
.....................................من هموما تعل القلب تشمت فيني عدواني

هناهم لا رأوا عيني تسهر في رجى الاقراب
..........................................وبكايا عندهم يعني بقايا عزف الحاني

سبب حالي خوي الدرب شمت فيني الاغراب
.....................................تركني بوحدتي اشقى بصده لي وهجراني

زمن مايعترف بالذنب ولايستغفر التواب
...........................................زمن لاجارت ظروفه تغربل كل اكواني

انا عمري غدى تاريخ تضمه دفتين كتاب
....................................على صدره كتب وافي وكان الحزن عنواني

اشرح فيه معاناتي عبره ياأولي الالباب
........................................نهايتها ضياع العمر في تدريس صبياني

هذي قصتي باقسى مشاهد عشتها في عذاب
.....................................بطلها شخص علمته بعدها راح وخلانــــي





وافي الوعد
خالد الغامدي