|
#1
11-06-2004, 11:33 AM
|
||||||||
|
||||||||
الهلاس
الهلاس هو ذاك الشخص الذي يأتي بقصص الخيال وكأنك تنظر الى فلم هندي ولعل لكل قرية نصيب من الهلاسين...... خلونا في المهم ...... ومع اكبر هلاس في قريتي وهو ........!! وبعض قصصه ارجو ان تعجبكم للمعلومية سوف تكتب القصص باللهجة المحلية اللي ضيعناها ...... 1- يقول ( كنت امضي في الليل بعد ماسريت من عند ....... وانا امشي في الحضن الا اللي يحتحت فوق راسي.... كثيت راسي وايذاه تراب مدري من فين يا ... عودت مضيت الاهو زيد شيا يحتحت فوق راسي ، وادور لايكون جن حولي والا انس واطالع فوق الا والله انه شيول ( بلدوزر ) يشتغل فوق القمر ......؟؟؟!!!!! 2 - يقول ( كان حياتي يدي عبدالله الله يبيح منه ، ريال صلف وشديد يدا .... وما كان يقر ولا يوم في ديره ، مرة في البداوه ومرة في بيشه... ومرة راح عند ....... في القايله ودور راعي البيت الاهو ماهو فيه ، وما حصل غير مرته الله الله من مره ، والله انها في ند عشرين ريال ، خل حريمنا اللحين انهم ما يسوون والله انهم يعلموني اني امي يات بي وهي ترعى الغنم ، الله يبيح منها .. المهم ان يدي شرب عندهم سمنه وكرّم ، ومضى على رابه ، وهو يمشي في البداوة زحلقت ريله من على حير ، وانصلخت ساقه ، مشى الله يبيح منه الين حصل سدرة كبيرة ، عود نام تحتها .. ويوم قام من النوم الا ون السمنه اللي شربها تقطر مع الجرح اللي في ساقه....؟؟؟! اما هذي قويه مره : 3- يقول : ( كان حيات عمي ....... الله يبيح منه ريال فيه خير ، وكان يضيمه راسه من يوم تشرق الشمس الين تغرب ، وما خلى واحد عنده طب الا جاه .... ومرة وصفونا ناس بطبيب ما فيه مثله ، وكان بعيد يدا ، ولا به سيارة والا طيارة ، ما غير حمار ليدي نتناوب عليه ... وصلنا انا وعمي ذيه عند الطبيب ، ويم اقبلنا عليه وشاف عمي قال بس .... هو راسك يضيمك ...... قلنا اي بالله تكفا ماهو مثل الدكاترة ذوليه يحومون بالواحد ويغفصونه الين يعاف ... عود مد عمي وحلق راسه ، وجاب سكين حادة يدا وشق مثل ابهامي من راس عمي من فوق اذنه اليمنى ، وطلع اليلده مع عضمة الراس برا الاون نخاعه بادي قلت اشهد ان لا اله الا الله ، الله يصوبك مذا يودت قال اصه وتعال شوف واقرب الا والله انها وزغة صغيييييييرة ماسكت نخاع عمي قالي انت ريتها يا ....... ، هذي سبب الصداع عود جاب ورقة صغيييييرة ودبوس ويقرب الورقه من ريل الوزغة ويدقها بالدبوس واذا رفعت ريلها دخل الورقة تحتها ويدق ريلها الثاني والثالثة والرابعة الين عادت الوزغة فوق الورقة عود طلها برا ورد يلدت الراس والعظمة مكانها الين عمي عود يهلل و يكبر ارجو ان تكون اعجبتكم
واللي عنده قصص هلاسين يجيب 
|
|
01-27-2005, 02:52 PM
|
#2 | |
|
مسئول العلاقات العامه
|
مشاركة: الهلاس
ههههههههههههههههههههههههههههههههه
هههههههههههههههههههههههالله يرجك جصلى ليتك او تشوف هلاسين عندنا قرقر كثير عشان قولت ان ذاك الريال سولفجى وهو كله كذاب وغيبه ونميمه الله المستعان مشكور على الموضوع الرائع الساااااااااااااااااااااااااااهر |
|
|
|
|
01-27-2005, 06:32 PM
|
#3 | |
|
مشاركة: الهلاس
حياك يا جصلي 000
ما سمعت قصة الأرانب اللي ضاعت عليه وبالصدفة لقيها طلعت له على شاطي نصف القمر بالدمام أثرها حفرت من الديرة الى الشرقية !!!! واكيد انك ما سمعت الدودة الشريطية اللي نزلت من بطنه ودخلت في الثمالة !!! ولا تغريزة الصالون في العيش عند راس القحيف !!! بس اش رائك في سميك جصلي وهلسه ؟؟؟ |
|
|
|
 |
| مواقع النشر (المفضلة) |
| الذين يشاهدون محتوى الموضوع الآن : 1 ( الأعضاء 0 والزوار 1) | |
|
|
العرض العادي
