جولة سريعة على ديرتكم ياعمرو الشام(كذا نسميكم)

في اجازة الاسبوع ذي قررت انزل للديرة بالنماص سحبت على المحاضرات يوم الاربعاء طبعا رفاق السوء دوامهم صباحي وانا مسائي وتحت صجتهم وافقت اني انزل معهم والمشكله اللي اكبر من كذا ان كل واحد منهم اهله بالديرة وانا ضعيف ما لي بالديرة أحد
ولما وصلنا النماص كان الوقت قبل العصر نزلت كل واحد عند أهله وقلنا الموعد الليلة يا خاينين ما احد منكم قال تفضل مجامله , رحت لبيتنا وحيدا وحيدا وحيدا ما في البيت احد حتى الجن ( سكون يعني ) ما فيه , كل شيء هادي اترميت على كنب المجلس وقاعد افكر فيك وافكر في حياتي ونامت عيوني وما صحيت الا على دقت الجوال في ظلمت الليل ( بصراحه شيء مرعب البيت مظلم كله ما اشوف شيء ونسيت افتح الكهرباء طبعا ما خفت ولا شيء )
بعدها طلعت ولقيت الشباب على وين قالوا بننزل تهامه طبعا انا لا غدىولا عشاء بس يقول واحد منهم ( الله من مضغوط يهول الدماغ في تهامه ) بس الطريق اللي يعرفه منكم عقبة سنان يا دوب الجيب ينزلها ومع كذا سيارتنا ددسن طايح ما لقينا جيب وش نسوي , ولما وصلنا تهامه الجو كان روعه واللي اروع منه المظغوط شيء والله ,
رحنا مجمع الشباب وأغلبيتهم من النماص إقلاع ورجه وتفحيط طبعا أهل تهامه يسموننا ( إم حزازيه ) وحنا في الددسن خمسة حزازية, ثلاثه حزازية قدام واثنين أحزه ورى مو غباء بس تخاصموا على المرتبه الاماميه, ولما طلعنا النماص يالله طلع الددسن بعد ما طلع روحنا وبرضه ارتميت على كنبايت المجلس واحلى نومه , في اليوم الثاني الخميس كان العصر في النماص شيء خيالي جو ولا أحلى وفي ليلة الخميس عزمني زوج عمتي للعشاء جمع اخوياه طبعا أصغر واحد فيهم عمره أكثر من 60 سنه جلست في أخر المجلس اراقب واتمعن في الوجية اللي أكل عليها الزمن ولا أبالغ اذا قلت ان فيهم من عمره ثمانين فأكثر كان حديثهم عن الماضي وقصص الماضي وأيام الجوع والشقاء وصعوبة العيش ومع ذلك يفضلونها بكثير على حياة اليوم لم ارى مع أي منهم جوال او مطبز كوبرا , سوالفهم لها ذوق وحلاوة رغم بساطتها ومحدوديتها نكتهم لها لذة خاصة , ولا أخفيكم أني ضحكت كثيرا على النكت البدائية غير المتكلفه اللي جابوها وعلشان كذا قررت اجيب لكم بعضها
واحد منهم يروي قصة زمان وهو شباب لما سرقوا خروف طبعا وهو في وسط السالفة قال ( ذبحنا الخروف والله أنا قطعنا راسه ورميناه بعيد وعيا لا يموت ) فلم هندي ذا ,
وجاك الثاني مطفي النور يتكلم في القدر وان كل انسان ياخذ أجله مهما يصير له شوف العيد( يقلون واحد جاه حادث قبل سنوات تقطع وسلم ما مات والى قريب طاح من درج عند البيت على وجهه ومات وكان- الواجب - أنه مات زمان ) والثالث يقول اشتريت فليت (يقصد ريد مبيد الحشرت) رشيت الذبان اليوم الأول واليوم الثاني كثروا الذبان فرجعت لراعي المحل شايب مثله وقلت والله ما ذبح ذباب , قال لا ما تدري الذبان اللي أمس ماتوا أما ذبان اليوم فجوا يعزون على أخوياهم , والقصة اللي صبرت عليها حتى تقطعت في السيارة ضحك فهي قصة واحد يعرفونه كان راكب على حمار ومر من عند دورية فقال العسكري يتريق استمارة الحمار يا بو علي فرفع ابو علي ذيل الحمار وقال خذ استمارة من الدرج الخلفي ( تعرفون وش يقصد ) والشايب الثاني اللي ضيع لوحة الجيب الخلفية فصار اذا بيروح النماص يركب لوحة الونيت محل الضايعه فأخيرا مسكته الدورية وقالوا ليه اللوحة الاْمامية تختلف عن الخلفية قال ( انت شفت وجه أدمي مثل قفاه ) شوف التصريفه ,
طلعت من عندهم وكان الجو يميل مرة للبرودة والشباب نزلوا من بدري تهامه ما بقي الا واحد جلست انا وياه نلف في النماص حتى طفش الشارع منا وقررنا قرار مفاجي زيارة(( بني عمرو)) وكانت الساعة حوالي 12 ونصف ليل وصلنا بني عمرو حوالي الساعة وحده , نزلنا من أعلى الجبل اللي اسمه المطلى ولا وصلنا اخر بني عمرو الا واشتب هوب الفرامل كلها نزله بني عمرو وكانت هادية وساكنه ما فيها احد ولما وصلنا لمجمع هناك لقينا شوية شباب تقريبا بني عمرو كلها ما كان فيها الا شوية سيارات على الشارع لومينا – مكسيما – كامري – ونيت – وكمان فورد فرحان بها ولا فيه بقالة فاتحه الا كتيكت او كتكوت وجبات سريعه والشباب متجمعين هناك لو عديناهم ما كملوا عشرين رغم أنه يوم خميس فما أدري ليه الموته ذي في بني عمرو او فيه شارع غير اللي شفنا لاني ما اعرف بني عمرو بعدها طلعنا ونزلنا في بني عمرو يا طلعة يا نزله ما فيه مستوي عندكم بس كان منظر جبل حرفه أكثر من رايع بس تقلون انه ساكنه جن والقرى المتناثرة جميلة جدا فيه شوية ملاحظات على مركز بني عمرو ليه رجال الأعمال اللي داخل المنطقة أو خارجها ما يطورونه شوي ما قصر صاحب مركز السلام جهد يشكر عليه من جد بس برضه تحتاج لزيادة وكمان لية ما يشكلون الأهالي هناك لجنة تقوم بالمطالبة في وزارات الدولة لتنمية المنطقة ترى لو قعدتوا على رحمة محافظة النماص والله ما يجيكم إلا بقايا العيش شوفوا مركز تنومة ومركز السرح كيف مسوين فيه على الأقل طالبوا بمجمع قروي طالبوا بالعناية بالمنتزهات والطرق والخدمات الأساسية
بعد جولتنا ذي رجعنا للنماص واحلى نومه بس المرة ذي مو على كنب المجلس لقيت مفتاح لغرفة نوم وأحلى نومه على مخده وطراحه وأي خدمه من أبها ...............

تحياتي لك اخي الكريم سعيد على هذا الموضوع

وباذن الله لي عوده 00 تحياتي

الله يصلخ وجه ابليسك

حرام ان انسجمت فكري
اني معكم في المجلس

بس فعلاً لها رونق خاص هي تلك الجلسات لا يليق بها سواهم

امد الله باعمارهم

وانت ناخوك ثاني مره لا تعتمد
على قولتك اصدقاء السوء
ههههههههههههههههههه
هههههههههههههههه
هههههههههههه
ههههههههه
هههههه
هههه
اللحين ياسعيد لقيت وين تنام
لكن اخاف بعدين ما تلقى
ههههههههههه

بالنسبه لتطورات
والله كلنا نا خوك نبيها
الى الليل معاملات طالعه
نازله بس فيه تحسن

ودي انك جيت قبل كم سنه وربي
استغفر الله ان ترجع ابها على رجولك

هذي المواضيع الصح يا سعيد بن عبدالله
مثل هذا الموضوع ولو انه كان في منتدى المنطقة الخاص كان افضل
لكن من جدا مثل ذا المواضيع تعطي المنتدى الخصوصية المطلوبة والنكهة المميزة
جميل جدا يا سعيد
ولا نزال في حاجة الى المزيد من مثل هذه المواضيع التي يحتاجها هذا المنتدى تحديدا
شكرا لك من الاعماق

سعيد العمري
المسكت
بعد الوعد

أهلا بمروركم الكريم
وشكرا لتعليقكم