محاورة شعرية .. بين الحب الحب .. والشاعر بريق الماس ...

هذه محاورة صارت بيني وبين الشاعر المبدع بريق الماس في منتدى من المنتديات

والذي أتمنى أن يشرفنا في منتدانا هذا عما قريب ...


البدع كان مني ..

يابريق الماس عجل وحل القضيه=لي ثلاث أيام والعيـن سهرانـه
والفكر تاه بيـن روحـه وجيـه=ونبضات قلبي بالوريـد حيرانـه
وصرت أرتعش من راسي لرجليه=وقمت أتعوذ من رجسه وشيطانه
مـن لامسـت كفوفـه بكفـيًـه=أصبحت هايـم بـداره ووديانـه

الرد من بريق الماس

خليتني يالحب .. بحيره وفـي جيـه=وبحور شعرك .. تحمل امواج حيرانه
لاتشتكي يالحب .. من لقصـة الحيـه=ويستاهل الي ضمها .. مابين احضانه
وانا ترا من العام .. اشكي من الكيـه=وقلبي انا ماعاد .. يقوى على احزانه
جتني بيوت ( الحب ) من صادق النيه=لاخيب الله قاف .. يشكي من اشجانه
اطوي الليالي السود .. واثني الطيـه=من وين اجيب الحل .. والروح هيمانه

وهذا رد مني على لقصة الحية

يابريق الماس لاتلوم من ظم له حيه=أبهرته بطولهـا وعيـون نعسانـه
وخصر خزران .. وخدود ورديـه=وشعر يتمايل لاهـزت أغصانـه
هي ماهي بشـر.. هـي حوريـه=من شافهـا ينسـى هلـه وخلانـه
بألحانها غربيه .. وبزينها نجديـه=ومن الجنوب عزوتها لاقالت أنا فلانه
جتني تعثر مابين روحاتها والجيـه=ثم أهمست وتبسمت وهي خجلانـه
يالحب أبي منـك عطـف وحنيـه=وأبيك تكون لي قلب ينبض بوجدانه
سلمتهـا روحـي وقلبـي هـديـه=ثم أتركتني أحترق بالحب ونيرانـه

وسلامتكم

*/* الحب الحب يتمنى لكم التوفيق */*

الحب الحب .....


لم اتوقع ان شعرك يتعدى هذا الابداااع

لقد ابدعت حين رسمت حروووفك وكتبت شعرك وكذالك نثرك

محااوره جيده كاان فيها الحب الحب يلووم نفسه

مع اوصاااف محبوبته

تقبلو مني كل الحب والتقدير

king

لعنبو جـد القوافي كان ماجابــن قـــوي=قلت انا تبت يديهن كان معناهـن هـــــوى
زان لي بدع القصيده دام يقراها ســـوي=استوت روح القصيده فكر شاعرها استــوى
حن ضلع من القصيده رد له ضلع يعـــوي=داخلي قلبً هواوي يطربه صوت العــــوى

الحب الحب + بريق الماس

إبداع لا متناهي ...

نبع متجدد من العطاء المتميز

لأنه صديق لك من العيار الأجمل

ولأنك شاعر من العيار الأبهى

أمتعتنا بهذه المفاجأة الجميلة ..

دمت رائعاً يا أخوي الحب ..

ومن أختك العناااا لك أرق التحاياااا

المشاركة الأصلية كتبت بواسطة king

الحب الحب .....


لم اتوقع ان شعرك يتعدى هذا الابداااع

لقد ابدعت حين رسمت حروووفك وكتبت شعرك وكذالك نثرك

محااوره جيده كاان فيها الحب الحب يلووم نفسه

مع اوصاااف محبوبته

تقبلو مني كل الحب والتقدير

king

king

أشكر على مرورك وعلى ردك الرائع

لاعدمناك

*/* الحب الحب يتمنى لك التوفيق */*

*//* العناااا *//*

تواجدك هو الاجمل ...

وأشكرك على المرور المتميز

وتقبلي مني هذت الرد

لعنبو جد القوافي كـان ماجابـن قـوي=قلت انا تبت يديهن كان معناهـن هـوى
زان لي بدع القصيده دام يقراهـا سـوي=استوت روح القصيده فكر شاعرها استوى
حن ضلع من القصيده رد له ضلع يعـوي=داخلي قلبً هواوي يطربه صوت العـوى

يالعنااا حبًك القوافي أمر صعب وقوي = مايحل المعاني كل من قال يهوى
القصائد بحر .. فيها شين وسوي = ومايعلم الخوافي غير من فوق عرشه استوى
زان لي بدعك يوم كل غصن به روي = وغرد الطاير بها كل ألحان الهوى

*//* الحب الحب يتمنى لك التوفيق *//*

لي عودة مجنونه
لكن ما ادري متى
بس سنعود