يانسواااااان انتبهن من البزرااااااان

هذا الموضوع للأمانة منقول قرأته في احد المواقع حبيت أشارك به لنرى البسمة وردة الفعل
------------------------------

هذي نصيحة لكل البنات : سواء مابعد تزوجت أومعنسة أومتزوجة أومطلقة أوحتى نص نص نص

نعم الأطفال (اقصد الذكور ) بريئيييين وحبوبييييين ، بس من يدخل المدرسة والبراءة مازعين بها عند باب المدرسة من ثاني يوم ، وتبدأ اللعانة واللكاعة ، والحريم على نياتهن يحسبن خلودي ...هوخلودي ....وحمودي وش حليلة ..وانا أقول هذا الكلام من واقع تجربة

اذكر وانا في أول ابتدائي يعني عمري 7 سنوااااات..كانت عند جيرانا بنت مربربة عمرها حوالي 18 << الموت الحمر

كنت مملوح وش حليلي ===> هالحين طايح على وجهي نــــيزك

وهي ماعندها خوات توسع صدرها معهن ....عشان كذا كانت تحاول تغريني.... بالعلوك والبساكيت ...عشان اغني لها واوسع صدرها <<معنويا طبعا

وبعد أيام صرت اجي زاااااحف على صدري كل يوم بدون أي إغراءات مااااا أدري وش اللي يجذبني ، والمصيبة ان الوالد اللي كان يمنعني اطلع من البيت صار يرسلني لهم كل يوم وإذا جيت ....للبيت صـــــــد بي عن امي وصار يسئلني عنها : ماقالت وشلون ابوك ؟؟؟؟ وش وش وش هي لابسة ؟

تبون الصراحة كانت كل ما لمستني أعرّق وينقلب وجهي طماطة واصابعي ترقل << سبع سنين ياناس ويحب....وجــــــــع

بس مادريت اني متعلّق بها لين جت تعرس ، الله ياني بكيت وحقدت على ابوها وامها وابوي وامي وراعي البقالة والمخبز ، وكل اللي يمرون مع الشارع ولا تسألوني ليه لأني ما أدري


راحت و حسيت اني وحيد وماااااحد يحبني ....وانجرحت جرح صغينون ، ما تشاليت الا يوم قال ابوي ابوديك بكرة للملاهي ، الظاهر انه انجرح بعد وانا برضه ماأدري

بعدها بسنة نقلنا لبيتنا الجديد ....وهناك صرت اجتماعي أكثر وخطييييييييير ، صادقت كل بنات الحارة اللي في سنّي ، والله ياهن بريئااااات ، كنت احسب اني الوحيد اللي له جو مع البنيات أتاأأأأأأري كل واحد من بزقاااااات الحارة منشن على بنية ، حركات مالأمها داعي ، أصغر واحد فيهم اللي مايدري وش السالفة يجمّع الليحان ويعطيهم ويقعد يتفّل ، بيني وبينكم هو اللي اوجع تسبدي ، ما لقيت لي نصيب كل البنيات محجوزاات

الزبدة اني حوّلت وانا في ثالث ابتدائي على الحريم الكبااااااار كل ماجت عزيمة والا قلطة قهوة قمت اتميلح واراقبهن بتمعّن << حطو تحتها خطين
صارت كل وحدة تقول لامي –ماشاء الله – هذا ولدك ياملحه ملحااااااه ، وانا اللي ازيد بثارة

كنت حاط عيني على وحدة وقايل لولد عمّي اللي أصغر منّي بسنة ترى ذي حقتي ، وانت اختر لك وحدة << صديقات امّي لكن وش تقولون بزر

بيني وبينكم زودتها شوي وطالت يدي وااااااااااجد والسلام كثر وصارن الحريم يخجلن شوي ويطالعن بعض ويضحكن ، وبعد ما صار عمري عشر ، بديت اهوجس واخطط ، وهنا تنبهت الوالدة ====> بدرررري يمـــــــــــــّه

وانصدمت بقوة يوم قالت لي – وانا جاي اذب خشّتي – لاتدخل على الحريم تراهن يتغطّن عنك ( ططن )
وش دعوة يا يمّه ولد حصّة أكبر منّي ويدخل عند الحريم ، ولوووو وانااااااا امّك انت اطول << بالله هذا عذر


ومن يومها وانا كل ليلة قدّامي البرواز..


الفوائد من قصّة طفولتي :

1- هذي السالفة قبل الفضائيّات ومصالة الحريم في اللبس ، وشووووووفن وش افااااااكر فيه . فمابالكم الحين

2- ولد حصّة انكفش وهو يطلطل مع دريشة الحمام على عجوز ، وليّنه ابوه لين اختلف راسه

3- يبلغ الولد هذا الوقت والحريم ماتغطّن عنه .<< حلالاه من يعوّد بزر

4- لاتحقرن أي مفعوص مهما صغر حجمه

5- اللي تستلطف بزر مهما كان مؤدب ووش حليله تستلطفه من بعيد ( لا تحركن الماء الراكد )

6- لا تخلّن بنياتكم أو خواتكن الصغينونات يلعبن مع الصبيان << يامال ام الصبيان <<السهر يسوي اكثر....نقلبها بعدين ستار اكاديمي

7- فيه تفاصيل ماذكرتها خوفن على الموضوع لا يحذف وخوف عليكن لا تنصدمن في بزارينكم

8- لا تنسى الوحدة نفسها وهي قاعدة تسولف مع (ربعاتها ) ، ان فيه بزر مثلي ينقل كل اللي يسمع ويبهّر بعد...


ومشكورين . حييييل

هلاا والله خوي عزيز النفس

الموضوع فعلا مفروض ننتبه له

وانا اذكر موقف حصل لي صج انصدمت فيه من اليهال (البزران)

مره كنت في بيت ربيعتي واتصل علي اخوي اني اطلع له يوم طلعت لقيته بعده ما يا فقلت لربيعتي تنادي على ولد يرانهم الصغير يشوف لي اخوي ان كان واقف بعيد عن البيت المهم نادت عليه ويا صوبنا انا وربيعتي قلت له حبيبي ممكن تطالع لي اخوي وطبعا خبرته نوع السيارة ولونها انصعقت يوم رد علي وقالي (من عيوني يا عيوني) طالعت على ربيعتي على بالي ياهل (بزر) لكن بصراحة كل هذا فعلا من تأثير الفضائيات وغيرها من الامور


فعلا الموضوع شائك وفيه كثير من النقاط المهمة

يسلمووووووووووووو عزيز النفس

ولي عوده للموضوع

تسلم عزيز النفس
الصراحة موضوعك حلو
ولازم الواحد ينتبه على اخوانة الصغار او من الصغار اجمالا
يحاول قد مايقدر يعلمهم الصح من الغلط
تسلم اخوي
ولي عودة

عزيز النفس

تحياتي لك على هذا الموضوع الذي بالفعل يستحق النقاش

وقد قمت بنقله الى المنتدى العام لأنني ارى ان مكانه الصحيح هناك

لأنه يحكي قضية الكل يستهين بها 0

لك تحياتي

ههههههههههههههههههههههههههههههههههه عليك اسلوب بالطرح شــــــــــــــــــــــيء رهيب

اما بالنسبه للزران الله يخلف مافي هالزمن بزر البزر والله حنــــا

انا اذكر فيه وحده عندها عيال خوال صغار وهي تهبل ملكة جمال وكانت كل ماتجيهم البزر يلزق فيها عاد شوفو لعانة العجايز يجمعون العيال الصغار يقولون لهم اذا كبرتوا من تزوجون قام نقز هالبزر قال انا بتزوج بنت عمتي فلانه ابي اتزوجها المزيونه
عاد البنت تزوجت الله يستر عليها الولد بغا يطق قام يبكي وصار يكره زوجها وناشب له كل ماجا عندهم بهذل الرجال ههههههههههه بس البنت جابت بنيه مزيونه مثلها وش سوى الولد قلب على بنتها قال خلاص بنت عمتي راحت انا ابي بنتها خخخخخخخخخخخخخخخخخخخخخخخخخخخخخخخخ

ومااااااااااااااااا أقــــــــــــول الا عجبي منهم والله مافي احد صغير صار الصغير يفهم اكثر من الكبير

الله المستعان بس