سلامات ياشيبان ..

تعرض عدد من المسنين لموقف محرج بعد سقوطهم من أعلى أرجوحة توازن ضخمة
أثناء ممارستهم اللعبة في إحدى المناطق السياحية الفرنسية..
وفقد عدد من المسنين لدى محاولتهم إعادة الثقل إلى الطرف الأيمن توازنهم
وبدءوا يتساقطون عن الأرجوحة التي تبلغ ارتفاعها 10 أقدام واحد تلو الآخر..
ووفقا لما نشرته صحيفة ميرور البريطانية حاول المسنون التمسك ببعضهم
لكنهم فشلوا ما أدى إلى سقوط معظمهم على الأرض حيث لم يصب أي أحد منهم
بإصابات خطيرة ولم يذكر ناشر الفيديو اسم المنطقة السياحية
الفرنسية التي وقعت فيها الحادثة..
ــــــــــــــــــــــــــــــــــــــــــــــــــ ــــــ
مدري عن أطقم الأسنان هي قعدت ولاّ راحت (:

لا لا لا سلامات ما يشوفون شر . هههههه

ظل كأنهم حبوب ظومنة .

هذولا أنا وأخوياي الله يهديهم ......... خبطوا في النعمة ثم جو يتمرجحون

المهم أبشركم إنا بخير ولا فينا شئ

شكرا يابو ريان على الإهتمام

أبو فهد ..
هههههههههههه
مذا عليهم من العليقا تيه الله المستعان
قسم ما عاد يمدون ولا يردون بعدها



أبو سيف ..
سلامتكم وأكيد كانت من ضمن برنامج الرحلات المعتادة ..
هيا ونزوركم ونهبلكم مد حب لكل واحد
نورتوا ولكم تقديري ..

ههههههههه بغوا يستانسون وتكرفسوا
لو اللي عندنا مكانهم كان نصهم بالعنايه 😂😂

الله يسلمك يابو ريان

ولا تنسى يكون مطحون ودقاق كمان على شأن نتيوده عيش

الريم الجفول ......وش قصدك .. ؟!

والله ان لزمتك أن اهب مسامعي ومسامعك أربعة

ورا الدهن في العتاقي ..... ابعدي عن الشيبان

هههههههه
ياحليلهم كل واحد سحب اللي جنبه
صدقتي يالريم

الله يسعدك ياابوريان ..

ههههههههه.. والله لاعاد لا ضروس ولا كراعين

وصدقت الريم 😊😊😊يعطيك العافيه

مررت من هنااا

مافيه عدل بين الطرفين لا عدد ولا حجم
ويبدوا انه من راس الخبيث الواقف في المنتصف ابو الجاكيت السماوي
فالحمد لله على نعمة الاسلام والحث على توقير الكبير واكرام ذي الشيبة المسلم
حمدا كثيرا

ابوسيف ههههههه الكل قال لي صدقتي الا انت يعني احنا غلبناك 😂😂😂

الريم الجفول ..
والله كرفسة ما عاد بعدها ولا قبلها (:
وأكيد شيبان قريتكم ما تعودوا على الخبال ذا


أبو سيف ..
أبشر بكل ما يسرك بإذن الله من بُر وبن ومرجيحة جديدة
وترا الريم ما تقصدك أنت وشلتك بس أنتوا حولتوا كلامها وهي ما تقصد (:
نورتوا ولكم تقديري ..

طيف ..
تراهم حاولوا يتماسكون ويسوون محترفين ولكن جت بين العيون
بس ترا الريم تقصد شيبان قريتهم وشبكم انتوا


نورة التركي ..
هي ما طاحت الظروس والكراعين بس صارت تحتاج تربيط جديد
وأكيد علم الريم مثل ما قلت لكم (:
نورتوا ولكم تقديري ..

الأزدية ..
هم وزنونهم بالأول أكيد بس ممكن واحد من الشيبان أكل قبل يطلع
بعدين ركزوا بآخر واحد طاح من اللي باليسار حرام إن ظل في أسفل الوادي (:
نورتي ولك تقديري ..

لا لا اقصد كل اللي حولنا وحوالينا وحولكم وحول المملكه كلها هههههههه