الرصيد

سلام من شاعر يبني بيوت القصيد
************************** **** وإذا بناها يوازنها بميزانها
وأثني التحايا على الأقراب واللي بعيد
******************* ***** عداد ما هل ماطرها من امزانها
يآصل رجال لهم تاريخ فخر ومجيد
******************* **** أصحابنا اللي عزاز وعالي شانها
كسبت انا معرفتهم والمكاسب تزيد
********************* وبيوت الاجواد بالمعروف بنيانها
والمال يفنى ولكن الرجال الرصيد
******************** وأهل الجمائل تدوم ودام عرفانها
وأنا أحمد الله ماني في حياتي وحيد
*********************** انا معي ربع تجلي الهم شيخانها
ربعي رجال الحجر والكل فيهم يشيد
******************** والمرجله والشجاعه دوم عنوانها
أعتز فيهم وبأخدمهم وأنا المستفيد
******************** في ساحة الشعر ولا عبر ميدانها
يا تأج راسي ويا درعي ونعم العضيد
********************** يا عزوتي لا بدأ للحرب فرسانها
وانا معي لابة ما عاش فيهم بليد
******************* داعي بني عمر مشهوره بشجعانها
والشق هم عزوتي والراي منهم سديد
**************** ** بين القبائل مناص الشور لأعيانها
من دون نقص بحق الغير في كل بيد
**************** **** فالكل له سيرة ومعروف برهانها
والمملكه في حمى الله مكتفل بالعبيد
**************** ثم في حمى آل السعود وقوة إيمانها
**********************
******************* غرمان بن عزيز