سجين القوافي

وهنا أقدم لكم مقتطفات من الساحة الشعبية للقصيد

وآتمنى تحوز على أعجابكم

.
.

هذي قصيدة للشاعر عبدالواحد الزهراني وتعبر عن نفسها

يقدر الله يغير للعرب ذا الجلود بغيرها


*
أبو متعـب يقـول العالـم اليـوم تحكمـه الجلـود

القرارت داخل جلد ( ن ) أسـود يسمونـه حقيبـه

راعيهـا تختـرج عينـه ولا تنتزعهـا مـن يـده

هذا والجلد سـوط الحاكـم الدكتاتـور وصولجانـه

في ظلام المعاقـل جلـد ميـت يعـذب جلـد حـي

هذا وأجبن فتى خذ جلد تمساح نعل ( ن ) تحت رجله

هذا والراقصـه تلبـس جلـود النمـوره والذيـاب

هذا واللي لعـب لعـب الطفـل بالعقـول البشريـه

جلد منفوخ يدخـل كـوخ يقلـون لـه كـورة قـدم

وأصبح الناس كلن حسب جلده وكلن حسـب لونـه

وأبتدأ المشترى والبيع والرهن في سـوق الرقيـق

كل ما كان لون الجلـد فاتـح دخـل سـوق البغايـا

كل ما كان لون الجلد غامـق دخـل سـوق العبيـد

هذا والغرب يقلون إن شيخ الجلود الجلـد الأبيـض

سيد النـاس وأمـا باقـي النـاس مـا هـلا خـدم

وأما أنحن ياالعرب فالسر في ذا الجلـود القامحيـه

إنت عرضـه للاستعمـار مـادام جلـدك حنطـوي

يقـدر الله يغيـر للـعـرب ذا الجـلـود بغيـرهـا

.........................


وكذلك

عبدالواحد و مزايين أم رقيبة


*
يا سعودييـن مـا هـو للهيـاط ولا لجلـد الـذات
صدق الله والرسول وكنت صادق يالملك عبـد الله
يوم قلت المنطقة تجلس على برميـل مـن بـارود
ما يفصلنا غير كم كيلو مـن أقـرب قنبلـة ذريـة
مـن تعاستنـا وقعنـا بيـن ديمونـة وبوشـهـر
قبل كم من شهر كنـا نحتفـل بمزايـن أم رقيبـة
يوم حفلـة جايـزة نوبـل ويـا صعـب المقارنـة
لا هنا قـدام كـم يـوم الجزيـرة كلهـا مشغولـة
تنتخب من بلد المليـون شاعـر شاعـر المليـون
والمصيبة يوم جا تقرير صنـف جامعـات العالـم
كنـا فآخـر منزلـة بيـن الثـلاث آلاف جامعـة
وش يكون الحال لو تنشق الأرض ونفطنا لو ينضب
والا خطة من خطط صهيون تدخـل حيـز التنفيـذ
منطقتنا تحترق وتمـر بأخطـر منعطـف تاريخـي
وإحنا ما نسمع ولا نبصـر ولا نعقـل ولا نحـس
ما ادري وش بلّد مشاعرنا ومـن خـدر عقولنـا

..................

حكام العرب

يالله تحمي ذا البلد من كل شر وكل صاحب باس

بلد الاسلام والمعروف والشيمة بلد بـو متعـب

والله انا فـي رضـا مـا دام عبـد الله إمامنـا

ما هو بمثل أكثر الحكام حكام العـرب بالـذات

نا قشين على كراسيهم سياسة طقها وألحقهـا

ما سحين بنا البلاط وكابسيـن علـى قلوبنـا

ماخذين من الديمقراطية اسم وبرقعن وستـارة

قطـع الله الديمقراطـيـة الـلـي يدعونـهـا

اقحمونا في الحروب وبددوا ثرواتنـا القوميـة

وادخلونا في نفق غسل الدماغ وهجرة العقـول

فقرونا ونحن أغنى الناس وبعـد عزنـا ذلونـا

غربونا في وطنـا وأضعفونـا ونحـن أقويـا

الـدول تحتلنـا وتسلـي الأطفـال بكرامتـنـا

والجلالة والفخامة والسمو رجـل علـى رجـل

لكن اللي ما يخـاف الله ضميـره مـا يعذبـه .

.......................


تابع

. . .

الشـاعر سلطـان أبن وسام الهاجري . . شاعر مـن أعلام الشعر بالجزيره العريبه . . .ومن مشاهيرها . .

. . .

ويقول :

(الرفيق اللي لياغبت مايحمي قفاي)

الرفيـق اللـي لاغبـت مايحمـي قفـاي
اجل لامن صرت حاضر ماني في حاجته
احتمـي دوري ودور القبيلـه مـن وراي
جمـدوا هـرج الفراغـات ياهراجـتـه
كانها بمصامخ الـروس والا بـاي بـاي
خلـو الفلـم المدبلـج علـى دبلاجـتـه
طول عمري ماستمع من ضعيـف الـراي
راي ولاطمعت بديك خيبـر ولادجاجتـه
العداوه شي عـادي تجينـي مـن عـداي
من نسج نفس العـداوه عرفـت انساجتـه
وان كلاني مخلب من مخاليـب اصدقـاي
قلت ضاعت صيده في طـرف عجاجتـه
وان ثناهـا مـرت ثانيـه جعلـه افـداي
لامسـك كلـب الخواجـه كـلا خواجتـه
الارض ماهي ملك ابي والسما ماهي سماي
مير العوج لا اعترض لي عدلت اعواجته
افـرده وذوقـه لمستيـن مـن عصـاي
وادبـه تاديـب طفـل علـى دراجـتـه
لين ينسى عناد راسـه ويذكـر مستـواي
ينتبـه والا يسوهـج علـى سوهاجـتـه
في نظره الناس لون وهـو هـاي هـاي
والمـدوج مابعـد فـاق مـن دواجـتـه
ابك انا لو اشرب البحر مايقطـع ظمـاي
وانت مثل الضب يزحف تحـت عجاجتـه


..............................




رحــب وهــلا



يامرحـبـا ترحيـبـة ماقـالـهـا الا
البدو لا شافو بـروق المزنـه العقربيـه
من خاطر وقف من الفرحه ورحب وهلا
ياغايب ربـي خـذه منـي ورده عليـه
خليتنـي والعاشـق الولهـان ماينتخـلا
الا تخلي البدو عن حب الفرس والمطيه
تعال يالغالي ترى مافيـه داعـي تغـلا
ان الملـوح واقلطـي ياليلـه العامريـه
خليني اعبر عن شعور الغـلا واتسـلا
واجر لحن من لحون طروقي السامريـه
لين العروق الظاميه تشرب حنان وتمـلا
وانا علي احفظ غلاتك مثل حفظ الوصيه
واليا انفهق ليلك وصبحك ياحبيبي تجـلا
من لا مني في فرحتي لا رحم ميته وحيه
هرجك عسل حالي وريقك كوكتيل محلا
العام الاول ذايقه فـي فنـدق الفيصليـه
وان قلت لي ماذقت غيره قلت حاشا وكلا
الا العويدي لا ذعر فـي دلـة الشاذليـه
هذا العذر يكفيك من صاحبك يازين والا
ودعتك الله ياخوي ماوثـق فـي خويـه


................................






(راكــب اللـي حــسها تـسمعه مـن كـل صـوب)



راكب اللي حسها تسمعه من كـل صـوب*مثل زلزال الرعد فـي المـزون المظلمـه
كنها يـوم استـدارت وضاقـن الـدروب*فرخ شيهانٍ على الطلـع ينهـض مقدمـه
تلها جورج الخواجـه وعرضهـا الهبـوب*وأعلنوا بإطفاء الزقايـر وربـط الأحزمـه
إسم كبتنها خواجـة ماهـو بلبـاس ثـوب*أخذ من االفوتكا سك ومـن الشـي عدمـه
من سلايل شايبٍ ما جمـع غيـر الذنـوب*والديانة عكـس الإسـلام ماهـي مسلمـه
مايعرف يقول هـذي شمـال وذي جنـوب*الدليلـة بوصلـة والحـروف مترجـمـه
واهني اللي علـي رحلتـه يلقـي ركـوب*إن رجـع وألاتوفـى عسـى الله يرحمـه
إن نوى في مشرق الأرض وألا في الغروب*المهـم ينفـذ الــلازم الـلـي يلـزمـه
فاقدٍ لـي شيـخ قـوم غالـي ومحسـوب*محزمٍ في الضيق يابعـز منهـو محزمـه
والجفا من بين الأصحاب عيب من العيوب*والصداقـة مـن بنـى بيتهـا مايهـدمـه
والغلا والكره ما تسكـن إلا فـي القلـوب*بـس مابـه قلـب فيـه الثنيـن مخيمـه
والرجل لاصار بيـت مـذرى ومحجـوب*استـوى عنـد النشامـا وجـوده وعدمـه
أتحمل مزح الأصحـاب عذبيـن السلـوب*وأتخيـر وآكـل التمـر واطـش عجمـه
وأعرف الكذبة إليا جات من فـم الكـذوب*لاقعـد يرفـع لسانـه ويرخـي برطمـه
والطرب لامن جرفني مع اللحن الطـروب*أنسف البيت المدمدم علـى اللـي دمدمـه
واقفل الجوال عن راعي الغـوج الهـذوب*وأفصل التعميـم عـن بيجـري واعممـه
زلة الطيب مـا تجـرح متينيـن الجنـوب*عقب اللـي زلـةٍ مـن صحيبـه تفحمـه
ايه ياضيدان والنـاس حـارب ومحـروب*والأعـادي كـل واحـد بحبـره وقلـمـه


...................................



(في ربـوع بقيـق )


لايمي لاقلت احب بقيق واللّي حوله
اقطع الله نصيب أبوه وجعل ماله والي
جزء من دوله ، لكنّه في عيوني دوله
اعشقه واقدّره قدر الرّفيق الغالي
وكل ذكرى في ملفّات الغلا محموله
في ربوع بقيق جعل بقيق ماله والي
ياوجودي لاذكرت اللّيلة المأهوله
يوم جيت أحث رجلي ، والسّعد يبرالي
وانطحتني مثل ليل السّامري وطبوله
جيدها برقه يلوح ، وعودها ميّالي
افتقدت الذّاكره يوم انتثر مجدوله
ولا انتبهت ايلين طاحت غترتي وعقالي
وانتهى الشوط الإضافي ما كسبت الجوله
الله انّه يغفر ذنوبي ويرحم حالي
ذقت شيء من رحيق الشفه المعسوله
ليتني ماذقت منها شيء كان اشوالي
استحيت من الأمور اللّي مهي معقوله
ا لأمور اللّي لا تتسوَّى ولاتنقالي
واصبحت قصّة غرامٍ مالها حيلوله
مابقى الاّ اسم العنود ونمرة الجوَّالي



...................................


(يابـو العـيـون )


يابو العيون اللي هدبها مراييش
يابو الدلع يااللي شفاياك ذبله
ياما على شانك نويت المطاريش
وياما تبعتك شرق والناس قبله
واليوم كني شفت في الوضع تشويش
شيٍ مجمعت العلوم تحسب له
وش عاد لو تزعل علي الدراويش
أنا بدويٍ راح يتبع هواء... أبله
علط الرقاب اللي وبرها عكاريش
لاربعت قلبي يزين الطرب له
ننزل بها في منزلٍ مابعد نيش
روضٍ خضر عشبه خزاما وربله
في ليلةٍ يأتي مطرها رشاريش
هذا ربيع القلب عقبه وقبله
لاتحسبني عقب فرقاك ما أعيش
من لاحسب لي عادتي ماحسب له
حتيش لو بينتي الصد حتيش
لانيب عنتر ولانتيب عبله


.............................


(يـا خاطـر)


ان جيت يا خاطر عسى الله يحيِّيك
على الشّحم ومبهّرات الدّلالي
عند الرفيق اللّي يعزّك ويغليك
حيثك ولد عودٍ عزيزٍ وغالي
وان رحت يا خاطر فلاعندنا فيك
تغيب عنَّا شهور والاَّ ليالي
خذها على الذِّرعان منِّي وانا اخيك
الكذب ماهو من سمات الرِّجالي
لاراجيٍ غيرك ولانيب راجيك
في كل ميرادٍ طوالٍ حبالي
افتل واحل معقِّدات الشّرابيك
واشيل ما شالت ظهور الجمالي
ياما تصعلكنا وصرنا صعاليك
وياما تحمّلنا الحمول الثّقالي
للمرجله صرنا عبيدٍ مِماليك
وكفوفنا تندا من اوّل وتالي
لو كان مانملك رصيدٍ على شيك
اوجيهنا عند النشّاما طوالي
نشوم عن هذي ونِرهي على ذيك
وما حاشت ايدينا مهو راس مالي

الحمد لله إنك وصلت ...... وكان وصولا معطرا بالشعر والكلمات المبنية

فيعطيك العافية ........... ولا تنسى تختار .... أحد الأعضاء ..... وتراسله

تسلم أخوي سعيد بن شفياء

وبالنسبة لأختياري فا أنا أختار أخوي المسكت

وعسى ما يتأخر علينا

يعطيك العافيه جميعاً
واشكر الغالي محمد ال النبخ على إختياري
وأشكر كل من ساهم بالموضوع ولو بإلاطلاع
قريباً إن شاء الله ستجدوني ولكم مودتي

<<<< وقع الفاس في الراس ماعاد منها مناص ههههههههه

يالهى وانا اللى غررت به ذنوبه=بين طول الآمال وملهيات الضمير
اشهد ان لا اله الا انت رب الربوبه=واشهد ان النبي محمد اهو النذير
ياالهي وانا عبد تجلت عيوبه=والتوى في جنابك يالعزيز القدير
ياالهىنصيتك طامع(ن) بالمثوبه=ما لي الا انت تجبر كل قلب(ن) كسير
مالي الا رضاك يعمني ستر ثوبه=مالي الا انت تعفو يالعفو النصير
ياالهي وانا عبدك نصيتك بتوبه=وابن عبدك وخلقك كلنا نستجير
نستجير ابملاذك والجباه امعصوبه=في نهار قلوب الخلق راحت نفير

شاعرها غير معروف لكنها اعجبتني اتمنى ان تنال على رضاكم

جنوبي لي الفخرأفتخر رافع(ن)هالراس=جنوبي جنوبي وأفتخر معدني غالي
جنوبي خلقني ربي إنسان مثل الناس=عطاني ثقه بالنفس والصدق مدخالي
جنوبي خويٍ صادق(ن)والوفاء مقياس=على عزتي همي تكن دوم بالعالي
جنوبي نعم ان قلتها كلمتة(ن) تنقاس=ولا ارضى وانا لول يحطوني التالي
جنوبي ولي سمعه ولااسمح بها تنداس=ولا اسمح لمخلوق يتظلل من ظلالي
أعرف الكلام إن كثر وإن قل مابه باس=وأعرف الكلام إللي به الحق ينقالي
شجاع(ن) على الفطره وفي فطرتي حساس=ولا فرق عندي بين هندي وبنقالي
الاخلاص من طبعي يكن سيد الجلاس=أصون الخوي وأحطه إبمنزل سالي
أحب الكرم والجود طبعي وساسي ساس=ولا جيت عند الفال فالي هو الفالي
جنوبي ولي حكمه تعوذّ من الوسواس=ولانــي منافق يسمع القيل والقالي
جنوبي ولو بكتب جنوبي قضى القرطاس=وحبر القلم من كل الاقلام ينهالي
جنوبي جنوب احطها لي وبين اقواس=(يعل المطر يسقيك والغيم همالي)
جنوبي ولي كل القبايل فخر أفراس=في اطرف قبيله عدهم لي من اخوالي
جنوبي على المله لو الزير جاء جساس=تعلق معه في قصته ذوقي الحالي
جنوبي إذا قالو جنوب الهوى نسناس=عشقت الجنوب وموتي إبحُبها أبرالي
حشى يالمشاعر كل الاشعار ماهي باس=تبادل مشاعر وسط قلبي تعنالي
وقوف احترامي للمشاعر وشعر احساس= جنوبي ومن ضلع(ن)جباله تهنالي
احب المشاعر والقبايل تعيش اعراس=فرح لايقولون الجنوبي غدى بالي
تبون الهبال إللي له الخلق ذا محتاس=جنوبي لو استهبلت ضيعكم هبالي

هذي من حقوقي ومن فيض مشاعري كتبتها بتاريخ 11/10/1425 اتمنى ان ترضيكم

ابـبـداء بـذكــر الله ومـــن ســـوره الأحـــزاب=واصـلــي عـلــى مـحـمــد صلاة(ن)نحـسـنـهـا
انــا مِنـصـف الـصـادق ولا صّـــدق الـكــذاب=ولاأشـــري مـضـيـع كلـمـتـه مـــا يثمـنـهـا!
اخـاويـك ون خـاويــت خـــذ للـبـقـاء نـشــاب=يـهـيـن الـعــدو وعـــداك يـلـعـن مثـمـنـهـا!
إذا لـلـبـقـاء نــيــه ولــلــود ود احــبـــاب=يمـيـن(ن)فـلانــي قـاطــع(ن)خـيــر معلـنـهـا
وإذا لـلـرجـال ارجـــال تـمـشـى ورى هــبــاب=احـــب الـحـيـاه الـلــي لــروحــي ابـيـنـهـا
اجامـل خـوي(ن)لا مضـى الـوقـت هــو نـصـاب=ابعـطـيـه فـــي راســـه حقـيـقـه يفـنـنـهـا
اشــوف الطـيـور إكـثـار والطـيـر مـالـه نـــاب=واشــوف الـحـمـام إيـنــوح بـألـحـان مَلعـنـهـا
نشـيـت ازرع البسـمـه عـلــى مـبـسـم الكذاب=ولا ارتــــد م الــكــذاب بـسـمــه وأسـمـنـهـا
وصدقـي فضولـي لــو هـجـرت الـخـوي ع الـبـاب=ابـتــرك لـــه الـذكــرى يـسـطـر مجـنـنـهـا
انــا ماكـذبـت ان قـلـت كــل البـشـر كـالــداب=تثــق فــي فـــلان الـيــوم والـيــوم زنـنـهـا
صحيـح الـخـوي وإن بــان فــي عشـرتـه جــذاب=لــي الفـخـر فـخـر(ن)وافتـخـر فــي معـادنـهـا
احـب اذكـر اللـي غايـب(ن)عــن قـلـوب اعـتـاب=كـبـيــر(ن)بـعـمــره وإحـتـرامــه يسـنـنـهـا
ابمـشـي مــع الـكـاذب الـــى ســـده الـكــذاب=واقـفــل عـلـيـه الـبــاب واطـلــق مساجـنـهـا
علـوم(ن) تـفـك الــراس لــو كــان لــه جلـبـاب=انـــا اقـــول مـــن يشـتـلـهـا لا يشّـيـنـهـا!
تـرى ابـرك دقيقـه لحـظـه اللـعـب بـيـن الـعـاب!=وتــرى لحـظـه اللعـبـه بــلا صــدق مضمنـهـا!
عـوايـد ومــن عــادات نفـسـي أعـــز إكـتــاب=اشـوفـه وانــا اقــر واحــد(ن) يرتـجـي مـنـهـا
مــع الاحـتـرام وقـلـت النـظـم بـعــد اسـبــاب=ابـخـتــم بــــدون اســبــاب والله يـزيـنـهــا

وهذي من حقوقي ولها مناسبه بتاريخ 2004 كذلك اتمنى ان ترووق لكم

الشاعر سعد بن جدلان الاكلبي من اكثر الشعراء المحببين الى الكثير وانا واحد منهم
ولو تبي تختار لإبن جدلان بتختار كل قصيده لانه بصراحه رووعه
مقتطفات من أشعار الشاعر الكبير سعد بن جدلان اضعها بين ايديكم

ولكم فائق مودتي

الجهاله فـي ابـن آدم توليـه الدبـور=لوطريقه غـادي يحسـب انـه متجـه
عنده ان مامثل شوره مع الاشوارشور=مادرى انه له مزاج وللنـاس امزجـه
يمكن ان تلقى مزاج يبادلـك الشعـور=لو على فلم الشطـاره وفلـم الدبلجـه
واخر المشوار لا حصلت مافي الصدور=كل زور فيه شوراليـا فـاق اهرجـه
القمر والشمس كنها تسلف منـه نـور=والجبال اتصير تحته خيـول مسرجـه
يحسب ان معه افضليه توليـه العبـور=ان لقاءالملح ازعقه ون لقاءالحلواسمجه
السماء عجزت تنوشه جناحين الطيـور=ماوصلـه الامحمـد ابليلـة معرجـه
يا ابن آدم يلعـن الله مختـال فخـور=من تواضع تحت ربه يعليـه ادرجـه
لجل ماتدخل جهنم على شـان الغـرور=للعرب حاول تواضع وتعطيهـم وجـه
من لقا عذب المشارب ومثمرة الزهور=ما قعديغرف من البحرويسوق احدجـه

آه يـا قلـب ياللـي دايـمٍ فـي ذهـول=والله انـه ثقيـلٍ ليـن جــوه الثـقـال
يـا قطـاة العبيّـه يـا هـيـام الـذلـول=يـا عيـون النـداوي يـا رقبـة الغـزال
نور وجهك على من شاف منـك القبـول=نور صبـحٍ تبسّـم فـي رهـاد الجبـال
كنّي اقـرا علـى طـرّت جبينـك تقـول=انـا قلبـي يحبـك يـا حبيبـي تعـال
كان قدّمـي حـدٍ فالحـب راح امهبـول=والله انـه خطيـرن لا يجينـي اهـبـال
المحبـه جملهـا مـرسـلٍ وامعـقـول=لعنبـو مـن يقـول ان المحبـه اخـبـال
والذي ليلـة الاسـراء عـرج بالرسـول=ان حبـك لحـال وحـب غيـرك لحـال

الشدايـد يـا جميلـه بالازمـات اختبـار=ينعرف فيها الظلال الطويل مـن القصيـر
كل ما اذكر حالتك بين غـار وبيـن نـار=راحت الدنيـا بعينـي عبـوسٍ قمطريـر
تحسبٍ حبـك محـاه التشـدد والحصـار=التشـدد فالمحبـه هـو الشـر الشريـر
شغلهم ضدي وضدك يعمّـر لـك وقـار=في ضميرن ما سكن فيه قدامـك عشيـر
زارعٍ لك بخشةٍ من الزرار إلى الـزرار=نبتها بالمسـك والعـود الازرق والعبيـر
شد حيلك لا يصيبـك فشـل والا انهيـار=لا تصغّر قيمتك وانت فـي عينـي كبيـر
لذة صبّار الهـوى مثـل لـذة الانتصـار=لا تصدّق من يقول الحسـد مافيـه خيـر
لا تغيرب ما جرى من قنـا مثلـك يغـار=كل شـيٍ ينشفـا فيـه ميصالـه عسيـر
الذهـب دونـه حراسـه وبيبـانٍ اكبـار=والدرر من دونها هيبـة البحـر الغزيـر
غير لا تيّس وتكتب علـى نفسـك قـرار=يدفعك سوء التصرف إلى بـاس المصيـر
لولا شحّي فيك جيتك اجهار مـن النهـار=غير ما يصلـح مقـامٍ بـلا رايٍ بصيـر
فرصتي ويقت حرارٍ على ماكـر حـرار=مـا يعـوّد فالمكـان الربيـب الا البعيـر

من أشعار صاحب السمو الملكي الامير خالد الفيصل أمير الشعر

حنا العرب يـا مدعين العروبة =وحنا هل التوحيد وانتم له أجناب
وحنـا شروق المجد وانتم غروبه =وحنا هل التاريخ وأنتم به أغـراب
يوم الفقر شلتوا علينا عيوبــه =واليوم عقب النفط جيتوا لنا أنسـاب
ويوم الفقر فينا البداوة سبوبة =واليوم صرتوا مثلنــا بدو واعراب
لو الهوى منكم منعتم هبوبـه =لا شك رزاق الملا رب الأربــاب
ولو المطر منكم منعتم صبوبـه =لا شك رزق الخلق من عند وهـاب
جيش الحسد سقتوا علينا حروبــه =كل يبي يزرع على جسمنــا ناب
حرب على المحسن تراهـا عقوبة =بالله عسـاكم ما تفيدون حراب
يا ما عطينـا ما ندور مثوبه =إلا من اللي من ترجــاه ما خاب
ويا ما نصرنـا صاحب ضيقوا به =عاداتنا نقدم الى مالردى هـــاب
ويامـا نصانا من تعثر دروبه =يدخل حمانا من تعذرة الأصحـاب
حنا بنينا دارنا من طيوبه =وانتم سلبتوا داركم كل ما طــاب
الله سقانا من بحرنــــا عذوبه =وانهاركم مثل البحر هدر تنسـاب
حنا زرعنا الحب بارض خصوبه =وانتم زرعتوا كره الأجيال بتراب
وحنــا دعينا السلم نوبه ونوبـه =وانتم حمــام السلم بعتوه بغراب
يا من دعا للحرب ما درك خطوبه =لا تحسب أن الحرب تهديد وخطاب
من شب نار الحرب يصلى شبوبه =ومن ثور الفتنة تعرض للأسبـاب
ما يستر الرجــال ملبوس ثوبه =الدين وافعال الكرامــة له ثياب
ما يقبل الرجال بحمـــاه حوبه =مــا دام له حق وللحق طلاب

***************

لو وفيت وجيت يوم زرتني =لو صدقت أفنيت روحي في هواك
لو سمحت بنظرتك وامهلتني= أحضن عيونك بقلب مانساك
لو لمست الوجد بي ولّعتنـي =واهتديت بنور قلبي وافتداك
لو نظرت بعين قلبك شفتني= مامعي مخلوق يستاهل غلاك
ليتك من الحبّ ماخوفتني= كان اعيش ألفين عمر في رجـاك
ياقليل الحظ لو رغبتنـي =كان اخجّل كل بدر من ضيـاك

***************

من يقول الزين مايكمل حلاه=كل شي(ن) في حبيبي اكتمل
الله اللي كمله والله عطاه=مابقى للزين في خلّي محل
العيون أحلى من عيون المهاه=شافها قلبي و صفّق و احتفل
نظرته من فتنته شعلة حياه=والجفون من الحيا فيها كسل
ساهم(ن) رمشه على الخد وسناه=كن لمعة وجنته ورد(ن) وطل
الشفايا كنها جمر الغضاه=تحرس الريق المحلّى بالعسل
والشعر ليل(ن) نقل حمرة مساه=أجعد(ن) حوّل على صدره همل
مايج من فوق متنه ماطواه=لون شلال(ن) مع المغرب نزل
وأنطلق جيده يماري في بهاه=فوق مياس(ن) تعزّل واعتدل
بالرشاقه فيه من ظبي الفلاه=لي مشى كنّه على الروح انتقل
ريحته من كل زهر(ن) منتقاه=والزياده للخزامى والنفل
صافي(ن) مثل المطر فوق الصفاه=باسم مثل البشاير بالأمل
جامع(ن) من كل زين منتهاه=مستحيل الوصف في خلي سهل
كايد(ن) ماهو يلين لمن بغاه=يرتفع عن كل سقطات الزلل

***************

الله اكبر كيف يجرحن العيون =كيف مايبرى صويب العين ابد
احسب ان الرمش لاسلهم حنون =اثر رمش العين ما ياوي لاحد
يوم روح لي نظـر عـينه بهون =فـز له قـلبي وصفـق وارتعـد
لـفني مثـل السحـايب والمـزون =فـي عيوني برق وبقلـبي رعـد
نقض جروحي وجدد بي طعون =قلت : يكفي قالت:عيونه بعـد
وانعطف هاك الشعر فوق المتون =وانـثـنى عـوده وقـفى وابـتعـد
اشـغـلتـني نظرة الـعين الـفـتون =حـيـرتـنـي يالــتوعـد والـوعـد
هي تمون العين والا ما تـمـون =لـى خـذت قـلـبي وقـفـت ياسـعـد

***************
وأترك اختيار إللي بعدي لصاحب الموضوع (جبرني الوقت) وأعذرونا على القصور

اشكرك أخي المسكت على ما اضفيته لنا من الإنتقاء الرائع لللشعراء المبدعين والغنييّن عن التعريف ,,,,,,
وأمّا بالنسبة للإختيار ففكرة الموضوع تفرض عليك أنت الإختيار ولكن ما دامك فوضتني بالأمر فأبشر ولا يهمك ,,,,,,,,,,,,,,,,,

وسيتم مخاطبة المدير العام / أبو ريّان لنحضى به بيننا في هذا الموضوع الذي سيزداد تلألأ بحضوره ,,,,,,,,,,,,,,

لكــــــــــــم عـــــــــبــــــيـــر أشـــــــــــــواقــــــــــي

حياك الله جبرني الوقت وحيا الله الجميع ..
الموضوع جميل المضمون والشكل وله رونق جميل ومميّز ..
حضور أول ولي عودة بإذن الله ..

سأقتطف لكم ما قد كتبت من محاولات شعرية وأتمنى أن يصل إلى المستوى الذي يرضيكم ..


المسامح واللهايب

طفيت في قلبي عليك اللهايب=من بعد ما قد كان همي العسايف
كانك تذكر كلمتي للحبايب=فأقول هذي تمنعك ما لتلايف
لنك على بالي ولو كنت سايب=سيبت قلب(ن) عودك عالطوايف
وإن كان هذي حكمتك فانت عايب=وابشر بهجر(ن) لك ولاني بخايف
تالي الخبر ننسى وتبقى كرايب=في معصمك تاريخها وأنت شايف
ماني على حبك نديم(ن) وخايب=من باعنا بعناه وبلا حسايف

في ليلةٍ من ليال العمر باسفاري = مريت جده والزمن تطويه ساعتنا
الله ياجده وبك شوقٍ وتذكاري = يا شين حظي والحقيقة ما تواعدنا
كنت أتمنى طلةٍ للبحر وادواري = وارشف بكفي قطرةٍ تروي سواعدنا
سرت اتخيّل جلستك والموج بجواري = بس المنى لحظه . وصدتها حقايقنا
جيتك وانا مشتاق والعبرة بمشواري = فجأة تراجعت وعرفت إنا تباعدنا
يمكن أنا غلطان في ظني وبافكاري = مير الهوى غلاّب صاير فوق طاقتنا
بالطايرة سرت خايف وادعي الباري = يحفظ لنا جده . بحرها كل غايتنا
واوعدك انا يا بحر في نشوة الطاري = لازور شطك . بس ارجوك ساعدنا

يا زيـن هالدنيـا وشوفـت حلاهـا = ولكل واحد درب واضـح وهوجـاس
دنيا عزيـز النفـس زيـنٍ عطاهـا = يجني ثمرها طيب واحساس باحساس
ودنيا عريب القـوم يسعـد هناهـا = يبشر بحسن الذكر والعـرق دسـاس
وانا احمد الله دنيتـي فـي سراها= عندي حلاها غير عن باقـي النـاس
انـا سعيـد بقسمتـي فـي سماهـا = لبسي بها عزٍ ومن زيـن الالبـاس
واليوم انا يانـاس باعلـى علاهـا = قلبي غريق الحب من غير وسـواس
يا سعد حظـي يـوم قلبـي هواهـا = عز الله ان القلب دقت بـه اجـراس
بابقى حبيب القلـب وانشـد غلاهـا = لن الوفا فيها عرفتـه علـى سـاس
الله لا يحرمني مـن اجمـل وفاهـا = كل الأمل فيهـا ولا جانـي اليـاس
بانجن مـن قولـة حبيبـي بفاهـا = كلمه لهـا ذوقٍ ترصـع بالالمـاس

يا سيدي وش عاد بقيت فيّه = حرام تبطي شوفتك راس مالي
ياسيدي قلبي ترى مو بيديّه = القلب بيدك وانت فكري وحالي
الهم والضيقه زياده عليّه = والسبة إني قد فقدتك ليالي
الحلم ذ ا شفته ولك به هديّه = يا ليت تعرف وصفته والدلالي
شفتك بقرب القلب لا واهنيّه = من كان في قربك ويا ويل حالي
يشهد عليّ الله في حبك وصيّه = وصّابها قلبي لروحي عدالي

صادني طيفة وعلقني حنينه=شدني ذوقه وسوالي جروح
كلهم حوله وطبعاً حاسدينه=متنه اللي ميّزه وأبعد سروح
شوقي آنا له يدان وما يدينه=لني آنا من عرف جرحه جموح
كم لي أصبرفي هواكم يا رزينه=ما قدرت أعلن وأبّين لك طموح
لو يمد الكف ما أخيّب يمينه=صدقوني مدحته تسوى مدوح
منيتي يفهم وربي لا يهينه=علق الخاطر على سهل وسفوح

وش حيلتني لا جا على البال طاريه=ياناس والله مـا قويـت التناسـي
كم قلت أنا للنفـس بالله تناسيـه=لنه خلاص بديرته صـار راسـي
والشاهد الله له مكانـه وترضيـه=طال الزمن ولاّ قصر هو هجاسـي
مير الله أكبر كـل لحظـه تناديـه=وتعسفني الذكرى على غير ساسي
طبلتها قبل أمس وحلمت أنـا فيـه=حلمٍ خطيرٍ وصـل خـط التماسـي
مهما حصل يبقى حبيـبٍ ومغليـه=بحر المحبه له وسـوى مراسـي

الوعد صنته يوم هي راعية وعد=كل الوفـا فيهـا يزيّـن طلبهـا
هذي غزالٍ تجلب البدع والـرد=يا زينها يا حلوهـا يـا طربهـا
قد كنت خايف نلتقي منّها الصـد=لكن لطيف القلب يبقـى لقبهـا
هي صاحبة ذوق وهي راعية سد=سـدٍ منيـع للعواطـف شربهـا
متولع فيها من اول ومـن بعـد=يا زين قامتهـا وكحلـة هدبهـا

ياما عسفت الفكر فيها تعاسيف=وياما نظرت ليوم تغلي شجوني
متمسك فيها وأشد المجاديف=وأعطي الأمل يومه ولابه ظنوني
سبحان من فرق بصنف المراهيف=فيها الدلع صافي وطبع حنوني
ابنتظر واسمع لرد المحاريف=منها. ترى له قيمة في عيوني
وإن كان هي صدت وسارت تصاريف= كملتها بالصبر وأقضي ديوني

أقول هذي قسمة الحب يازين = والله عليم(ن) كم ندور نراضيك
في ذمتي يا الحب لجلك عناوين = في خاطري وفي مهجتي ما يجافيك
أنت الذي بالقلب وزنك موازين = كان الذهب وزنه في السوق من شيك
وزنك بقلبي ما يراه الموارين = لأني قفلتك في عروقي وخافيك
لو كان حبي لك كلام ودواوين = ما كان قلت إنك حبيبي وهاتيك
حبي لك أصفى من طلوع النهارين = وأصفى من أصفى ليل لو هو يعافيك
لجلك كتبت الشعر بيت(ن) وبيتين = لأنك خيال(ن) سايح(ن) بي وشاريك

بالله وينك يا حسين الوصايف=مبطي علينا ما عرفنا علومك
يا سيد أهل الدار وأحلى الولايف=فيك الشقى رونق ويبنى ركونك
من زود وصفك قلت كلك رهايف=الله يصونك من نظر حاسدينك
الحال مني في غيابك تلايف=كل الأمل طيفك ولمسة يدينك
وآنا على بعدك حزين وخايف=لا ينكسر شوقي وتنسى شجونك

كل هذه القصائد من حقوقي ومن محاولاتي الخاصة جداً وأتمنى أن تكون نالت استحسانكم ..
شكراً لصاحب الدعوة جبرني الوقت ..
وبما أنه من يدير الموضوع فأعتقد أنه من الأفضل أن أوليه اختيار الضيف القادم ..
تقديري للجميع ..

جبرني الوقت.


بيض الله وجهك على هذه الفكره الجميلة.
بصراحة امتعتنا وامتعة رواد هذا المنتدى الغالي.


كانت اختيارات لضيوفك في قمة الإبداع والجمال.
ابدعوا وتميزوا واخرجوا فكرتك بكل اساليب الجمال.
كما اتقدم بالشكر لهم فردا فردا.

ويبقى الفضل الأكبر لله ثم لصاحب الفكرة.
الأخ : جبرني الوقت