سجين القوافي

بتدفق الأحاسيس الباذخة جمالا..
وبقصيد انتشيناه طقوسا تحاكي أرواحنا بعذوبه حرف
وسمو فكر..
سـ نكون على موعد مع درر سنستمتع بها في الابحار بها حد الغرق
وعلى ذائقه أعضائنا الكرام.....,,,,,

فكره مقتبسه تتشكل في اختيار عضو ما..
يُسجن تحت مضمون ( سجين القوافي )
وله يوم كامل عليه امتاعنا باكبر قدر من القصائد على ذائقته
لأي شاعر كان وان كانت من قصائده وابدعاته فـ (خير وبركه)
وبهذا يكون قد أدى ماعليه من كفاله شعريه
وإذا أنتهى العضو من طرح إبداعاته سواء المنقولة او من قصائدة ,,,,
عليه ان يختار عضو بعده وحبذا لو يبلغه برسالة خاصة ,,,,,,,,

سيتم تثبيت الموضوع ,,,,,
وارجو التفاعل من الأعضاء وأول عضو سأختاره
سجين للقوافــــــــــــي
هو محبوبنا جميعا وكاتبنا المميّز غلا.....ي

وأرجوا منه ان يختار عضو بعده ليكون
سجين القوافـــــــــــــي

ويتحملنا ما ابلغناه برسالة خاصة ,,,,
بس الله يوفقه والإفتتاح سيكون على ذائقته المميّزة ,,,,,,,

لـــــــــــكم عـــــبــــيـــــر أشواقــــــــــــــي

فكرهـ راائعـه ناطرين المبدع
غلاي

فكره رائعة بانتظار ضيفك الكريم ...شكرا لك

اشكر ثقتك وأشكر ثنائك ولي عوده انشاء الله
واعتذر على التأخير ...

يعطيك العافية اخوي
فكرة تدل على خيالك الواسع وجهدك المتكرر
ا انشاء الله نكون عند حسن ظنك

تعالوا متعوا الأقلام بهمس القوافي = وبيض الله وجه راعي الفكره
جبرني الوقت معروف ماهو خافي = جهد ملموس بحقه قليل شكره

استضافتي فخر كبير لي .. الشكر قليل جبرني الوقت والشعر مساحه كبيره ريما يعوم فيها القلم والفكر وربما يموت ..
ياسيدي ماتجود به القريحه راح يسطر والأجوايد عذاره فمساحة الخواطر اجد نفسي فيها بكم قليل فما بالك ببحر الشعر ..
الذي له كتابه وعباقرته وأقلامه والمنتدى يزخر بعدد كبير منهم أجد قلمي تلميذ في مدارسهم ..
فكرتك رائعه وروحك أروع ومشاعرك عطره ولك ما تمنيت يا صاحب الذوق ...

محاولة لي ياليت تنال الإعجاب تقديراً لصاحب الفكره .. وخاصة بالحب والعشق والزمن والظروف ...

ياحياة الشقى قبل أشوفك = ياحياة العنا وين كنت غايبه
الزمن جاير ياقلب خوفك = تفقد هوى روحي الذايبه
حروفك ألوف ورغم الوفك = حبها طاغي ماهي سايبه
ياحسين الوصف زانت وصوفك = الزمن رخيص وأحواله عايبه
قلبي اختارك ورغم ظروفك = أحبك وأحب فيك العيون الصايبه
الدنيا بها طيوف وحلاها طيوفك = دنيا بلا ياك دنيا خايبه

مختاره للشاعر القدير .. بدر بن عبدالمحسن ..

يسعد صباحك ليلنا تو ماجا = الشمس غابت واشرقت عندكم شمس
هى شمسنا اللي في جبينك تلاجا = والا قمرنا اللي فقدناه من امس
ليل السما برد وسحاب وعجاجا = يامن يشب النور في الخاطر العمس
انتى وانا لو كان منا نتناجــا = لاماطفت في خاطري شمعه الهمس
ياللى جرحتك مالجرحي علاجا = ادري الجروح النازفه تكره اللمس
بقول احبك وان عقدتى الحجاجا = لا قولها ثنتين واربع مع خمس
ويسعد صباحك يابعد كل ماجا = وماراح من عمري وانا في رجا الشمس

مختاره للشاعر المبدع .. بدر بن عبدالمحسن ...

المحبة أرض والفرقا أراضي = والزمن كله ترى لاغبت ماضي
والله إني ما أشوف إلا عيونك = إن رحلت اليوم أو طوّل مراضي
قالوا العـذّال والعـذّال مرضى = وش بلا حالك من الاشواق قاضي
قلت يهجرني حبيبي لين يرضى = علّموا الظالم ترى المظلوم راضي
جرّحوني في هواك وقلت أبشكي = ماهو من جرحي ولكن لـ إعتراضي
وش علي لو قطّعوا لاجلك عروقي = من رضى بالحب .. يرضيه التغاضي

أجد نفسي هنا قبل الوداع وتقديم الضيف الجديد .. خاطره من القلب للقلب .. أختم بها ..
شكرا لإستضافتي ياليت كنت خفيف الحروف .. لكم الحب والتقدير ...

يازين هالمدينه .. كل يوم ..
من صباح ربي تشرق الشمس وتنزاح الغيوم ..
من عناوين الصبح ..
تبدأ رحلة المسافر ..
لين يضوي الليل العتيم ..
تذكرة حب في جوف خلي ..
كلها شوق وحنين فاضح ..
ياحبي .. هالمدينه .. كل يوم ..
زحمه ومافيها نوم ..
نهارها شمس دافيه ..
وليلها غطته النجوم ..
قبل لا سلم عليها ..
أمسك أيديها .. ناظر السماء فوق ..
وش كثر النجوم ..
ناظر بعين حميمه .. طيب ..
ليه تعشق هالمدينه ..
لاجل حلوها ليل ونجوم ..
قلت في صدري إحساس دوم ..
وابي اعرف وش وفايدة ليل ونجوم ..
من غير قمر .. قمر .. قمر ..
انتظر نوره في محطات القدوم ..

محبكم غلا...ي ....

المبدع القادم .... مين ... ؟؟ ... أممممم .... تدرون .... هو الشاعر القدير .. المهاجر 07

يعطيك العافيه .. جبرني الوقت ..
فكره رائعه ومميزه ..
أجدت في اختيار غلا....ي فقد استمتعنا في قلمه المبدع مما خطته يديه ومما اختاره ...
تحياتي لك ..

روعه جبرني الوقت وفكره راائعه
وشكراً غلاي على ماقدمت من روااائع

بالتوفيق للجميع إن شاء الله وبلا شك راح نستمتع هنا

وينك يالمهاجر

أولاً: احيي صاحب الفكرة الجميلة ويعطيه العافيه
ثانياً: أشكر غلا....ي على هذه الإبداعات الجميلة سواء من كتاباته أو من اختياراته
وأشكره على أختياري مع انه وصفني بشاعر قدير وانا لست كذلك ..
ويكفيني من الشعر أنه مُتنفس
وبما إنه أختارني سوف أقول كبداية

بسم الله أبدا خير ماينبدى به = الله الواحد اللي كلنا له عبيد
الشعر بيت وانا جيت دقيت بابه = قلت ياهل الشعر ودي بحلو القصيد
القديم الذي به عز- مجد- ومهابه = وكل جزلٍ قديمٍ إن كان ولا جديد

قصيدة بعنوان ليل السهر
من قصائدي

مليت ياصاحبي والقلب مل الصبـر=وينك ترى ياحبيبي جد مصختهـاا
اليوم من كثر شوقي لك بغيت انفجر=وإنته بغيبتك نار الشـوق ولعتهـاا
خليتها وسط صدري يالغـلا تدهـر=ويوم إنك أشعلتها ماجيت طفيتهـاا
أتعبتني بالغياب وطال ليل السهـر=والفرحة بغيبتك صدقني ماشفتهـاا
العمر يمضي ولحظاته علينا تمـر=وأيامي اللي بدونك كني ماعشتهـاا

الغلا بعضه تنفس وبعضه اختناق
والتنفس شرق وأنا تغرّبت وحدي

يا إله الكون رب السموات الطباق
يالوحيد اللي بيدّيك ضعفي وجهدي

يالله انقذني من النار واللحد الضياق
واغفر ذنوبي وفرّشني الورد الندي

واقسم لفمي من أرزاق جناتك مذاق
كاني حزت الرضا منك أببشر بسعدي

جزت عن دنياً بها اعداي كانوا لي رفاق
وتبت عن حلمٍ حدوده مساحة مرقدي

و متّ من فعل الجمايل براعين النفاق
وعن حد نفسي لها لو ما نيب محدي

العمر محسوب والجرح لا من فاق فاق
ما تغمّض به دكاتر وقرية مهتدي

أبشع أشياء الحياة الظليمة والفراق
والغباء والمعصية والبنا عم الردي

وأنت ياللي صغت حلم التواصل بالسباق
قلت لي هيّا وأنا جيت بالحلم اعدي

اعدي وانا مسوي خطأ فالإنطلاق
مبتدي من قبل لا سباق حلمك يبتدي

انفجر صدري وعدوي معك ما عاد لاق
وجيت مستسلم ولأنوار حلمك مقتدي

لين حلمك حطني بين قوسين احتراق
تحترق منا يدي وتحترق منا يدي

والله إن اكبر عيوب الرجل الإنزلاق
خصّ لا من صار دربك وحيش وسرمدي

أتعثر بس ما اسمع حكي شذاب ساق
كلمتي هي كلمتي ووعدي هو وعدي

يا زكي خلقه ما هيب إلك شهقات الغراق
الاجودي ما هو يسوي كذا فالاجودي

لا تحسب إني بجنّب عن اللي ما يطاق
والله إن صبري على خونة أيامي مدي

كل ما الأيام تصفقني فـ بعدك طراق
كل ما استذكي على الحزن وأصحى واهتدي

لأني أخطيت فـ وصالك وسببت انشقاق
ليت عقلي عند الأحلام ما طاع جسدي

الله يسامح خطا القلب يالصلب الرقاق
ليه يحيا فـ البسيطة ويحلم فـ الجدي

العفو والا الشكر كلها نفس السياق
إعرف إنك في عروقي مع الدم تغدي

لو كرات الدم ترّث غلا والا اشتياق
كان أبتنافس على حبك انا وولدي

أعشقك بس العذر منك ما يطلق وثاق
منته فـ مكة ليا أخطيت فيك أذبح فدي

لكن اذكرني ليا جاء اللحاق مع اللحاق
واعتصم هادي وعيّا على الدمع مهدي

اذكر إن غيمة عيوني ليا بان الزراق
وهبّ طاريّك تساقط على الخد بردي

والذي نفسي بيده إني أشعر بإختناق
كل ما هبّ الهواء شرق وأصبحت وحدي



سعد علوش