قصيــــدة سعـــــــــــــــــــــــاد

السلام عليكم ورحمة اللة وبركاتة

هذي قصيدة رائعة بكل المقايس للشاعر المجهول

وهو شاعر ينشر القصائد على الهوت ميل

في الحقيقة لا احد يعرف من هو هذا الشاعر

وصلتني على البريد فاحببت ان انشرها

والكثير والكثير وصلتهم هذه القصيدة....

فصح للسان راعيها....

شفتها يا سعود صدفه بعد ما غابت سنين=عند قسم المختبر وسط مشفـى الجامعـه
جيتها ثم قلت ممكن في سؤالي تسمحيـن=ناظرت فيني بدهشه نظـره متواضعـه
قالت انته تحسبني من بنـات صايعيـن=حسبني في عزماني بطريقـي ضايعـه
قلت انا ماراح اطـول كلبوهـا كلمتيـن=وابعدت عني شويه ثـم جتنـي راجعـه
قالت اسال واضح انك من رجال طيبين=بس هرجك يالسنافي كان وشهو دافعـه
قلت انا حبيت وحده يوم كنا صغيريـن =ومن ثمان اسنين راحت للمواصل قاطعه
عقبها ماذقـت نـوم يهتنيـه النايميـن=ساهر في طول ليلي لين شمسي طالعـه
اذكر انه فيه حبه فوق ثغره مـن يميـن=واذكر انه لاجرينا كـن شعـره تابعـه
واذكر انـه عاشـق الـورد والياسميـن=صار قلبي بالورود اللي عشقها زارعـه
طابع اسمه بقلبي فيه سين وفيـه عيـن=وفيه الف وفيه دال وسط قلبـي طابعـه
قاطعتني بقولها سبحـان رب العالميـن =كررتها مـره .. ومرتيـن .. ورابعـة
قلت وشفيك وشبـلاك يابنيـه ترجفيـن=ليش عينك يابنيه مـن كلامـي دامعـه
قالت الموقف وقلبي والمحبـه والحنيـن=كيف اشوفك بعد ماكنـت عنـك قانعـه
قلت انا بسألك انكانـك انتـي تذكريـن=عن مواثيق ثمنها مـن حياتـي دافعـه
قالت ظروف الزمان ماتطيع العاشقيـن=بيعوني غصب حبك لو هو ماني بايعـه
انا في دنياي حالي كنها حـال السجيـن=حتى لو فكوا سراحه فيـه شـي مانعـه
زوجوني غصب واحد وحرموني حاجتين=السعاده في زمانـي والحيـاه الرائعـه
والحين انا ام لثلاثه عندي ريم وياسميـن=والولد ا سمه على اسمك والمشاعر جايعه

بـــــــــــــــــــــــــــرق

اخوي برق

اختيار رائع وجميل

يدل على ذوق شعري مرهف

ويشعر بالكلمة المعبرة

والجميل أن الأبيات كانت أشبه بالمجاراة والرد الرائع

وبنفس الوزن والقافية

يعطيك ألف عافية

صح لسان قايلها وسلمت يمينك ياخوووي

اختك لمعة الماسة وأرق التحايااااا لك

اخوي برق

اختيار رائع وجميل

يدل على ذوق شعري مرهف

ويشعر بالكلمة المعبرة

والجميل أن الأبيات كانت أشبه بالمجاراة والرد الرائع

وبنفس الوزن والقافية

يعطيك ألف عافية

صح لسان قايلها وسلمت يمينك ياخوووي



اختي لمعة الماسة شكر على تنسيق القصيدة واشكر تعليقك وتواجدك

يعطيك العافية وسلمتي.