جامعي عاطل : انا الجاني على نفسي .. و الا اش ودّاني للتعليم ؟!!!!

باختصار شديد و الله إني من الي يحبون التعليم ويشجع عليه

و لكن إذا تشوف نسبة الذكاء أقل من المتوسط هنا أقولك وقف و دبر نفسك بالتجارة ففيها تسعة أعار الرزق

إذا كان تعليمك الجامعي و تخصصك ما هو هندسة طب ابتعاث خارج المملكة

اقولك لا تجني على نفسك

عندنا في ديرتنا ( وادي الدواسر _ السليل ) معروف هناك عندنا المزارع أو محاور الرشاشات و التي يزرع فيها غالبا البرسيم و البر و الشعير و الرودس

هذي صورة للرشاشات الي ذكرتها أو ( محور رشاش )


هذا واحد من زملائي تخرج من الثانوية عام 1426 هـ قدم على الكليات العسكرية بس لأسف معدله كان تعبان و ما قبل في الكلية الحربية

رجع للديرة و لا قدم على أي جامعة

إستأجر له مزرعة فيها محور رشاش برسيم فيه 8 أبراج بـ 100000 ريال تحل في نهاية السنة

كم تتوقعين يكون مدخوله الشهري أو نقول بعد 22 يوم من كل حصدة برسيم
يكون إنتاج البرسيم عنده أكثر من 6000 لبنة برسيم

سعر لبنة البرسيم يصل أحيانا إلى 26 ريال

و غالبا يتراوح سعره بين 15 ريال إلى 20 ريال

يعني يبيع تقريبا كل 22 يوم بمبلغ يتجاوز 100000 ريال

و الحين له ست سنوات على هذي الشغلة و الحين يملك مزارع ما شاء الله عليه تدخل عليه أكثر من 200000 ريال شهريا من الربسيم فقط

و يقولي في موسم 1429 يسميه موسم طفرة الطماطم يقول بعنا كرتون الطماط بسبعين ريال

يقول مدخولي ذيك السنة أكثر من 3 مليون ريال

أنا عارف إن المبلغ كبير شوي بس مع المزارع كل شيء جائز
اسألي عن المجنونة بيقولك المزارع << الطماط هي المجنونة بسبب سعرها المتقلب في يوم تحط في الثريا و في يوم ما تستفيد بس ما تخسرك

لبنة البرسيم كما في الصورة على شكل متوازي مستطيلات



آسف يا مشرفتنا على الشطحة الغريبة بس أبي أوضح للناس إن فيه أشياء لو يستثمرها الواحد

أفضل بمليون مرة من التعليم كمدخول كبير يتجاوز راتب المهندس و الطبيب مجتمعين بنسة 200 %