سؤال صعب والإجابة عليه أصعب

ابوفهد العمري

آمنت بالله وعليه توكلت يا الله لطفك .

وش قصدك ياذات الشان رحم الله والديك .لايكون له علاقة بموضوعي السابق .؟

هي كلها هموم أسريه
كمان عندي إضافة لموضوعك القرار الخاطئ ما ادري أذا ممكن اضيفها هناك أو افتح لها موضوع مستقل ! لكن شكلي بكتبها كإضافة لموضوعك لأنها في نفس الهم بس من جهة مختلفة قليلا

واينك يابو بندر ؟؟

شفت له رساله كاتبها في الاهداءات لكن تعودنا إن اللي يتكلم دايمأ مافي راسه على قولتهم لكن البلا من اللي ساكت وتحسبه بريئ !

السؤال الصعب :
ما الحكمة في ان يتزوج رجل بلغ الستين وزيادة ويعيش على المقويات من امرأه في نصف عمره وأحيانا أقل ؟

اولا : من يتوزوج وهو في هذا السن فاكيد انه غلطان الا لعذر شرعي.
اما كلمة من باب تجديد الشباب اوغيره فهو غلطان لان ذلك دمار له .
وهذه قصة قديمة :
كان هناك رجل عمري وكبر في السن الى درجة انه اصبح لايقدر يمشي ولم يرزقه الله بابناء لاذكور ولا اناث قالوا له جماعته يافلان تزوج على شأن يجي لك ولد من بعدك يورث بلادك ويحمل اسمك .
قال ومن يزوجني ؟
قال احدهم انا .
وفعلا تم الزواج يوم الملكه سار على جمل ويوم الزواج ما راح حتى احضروها له .
وكتب الله وانجبت له ولد ثم ودع الرجل الدنيا وانجب ولد هذا الرجل اولاد . فمثل هذا بعذره اما من ليس له عذر فلا والف لا .

هذا مايشمله موضوعنا لان انا اتكلم عن اللي ماعنده مشكله وطول عمره عايش مع زوجه ما سمع احد عنها شي غلط ويجي ينكبها على أخر عمرها ويقول لها انها ماعادت تصلح وانها كبرت لكن هو لا السنين تراجعت علشان حضرت جنابه

اذا كان يطبق السنه فلماذا انتظر الى هذا العمر ؟

هذا الكلام ...... لماذا ؟

شفت! السؤال صعب ماله إجابه للاسف.

واذا كان فقط يجدد شبابه فكيف يكون التعويض على من افنت شبابها بين يديه ؟

هذه ما فيها تجديد شباب الا استهلاك ما بقي ان كان هناك بقية الله يخلف .

هو يقول كذا
وجهة نظره ومقتنع فيها .

لايفوتني أن أؤكد أنه ليس اعتراضاَ على شرع الله لكنه تساؤل سببه سوء التوقيت .

سؤال في مكانه والشرع لم يقل يتزوج من لم يعد قادرعلى الزواج ولكن الشباب .
المشكلة ان شبابنا قام يعزف عن الزواج وشيباننا قاموا يتسابقون عليه .

فيه حكاية تضحك
يقول لك وحده أرملة وعندها بنت في سن الزواج
تقدم لها رجل (للبنت ) كبير شويه قامت الام (نشنت ) عليه وقالت في نفسها ليه لأ؟مالي رب يعني !)
ووافقت وجا العريس وأملك وهو مايعرف اسم العروس من امها ويوم دخل عليها الاقدامه وحده عمرها فوق الاربعين
تخيل باقي القصه لأن التفاصيل بالضبط ما أعرفها لكن سمعنا إنها تطلقت والبنت زعلت وراحت لأهل ابوها .

دمتم طيبين .

شكرا على الموضوع الهادف لاهنتي .

شكرا لمرورك مشاركتك في الرأي
دمت في خير .