يا شعراء ... شاركونا

اشكر الشعراء الذين شاركوا في هذا الموضوع وبالأخص سيد الموقف والمهاجر 07

اتمنى ان وفقنا في اختيار الفكرة للقصيدة التنسيق الانسب لهذه القصيدة ووصولها الى القارئ العزيز واستفاداتنا من الشعراء وخبراتهم الشعريه استنتجنا منها عدد ابياتها اكثر من 45بيت
عنوانها
قيمنا وحظاراتنا
الله على وقتٍ مضى وقت لجداد
وقت الحميه والرجال الوفيه

وقتٍ مضى مافيه مالٍ ولازاد
وقتٍ يعرف الرجل منهو خويه

وقتٍ به البدوان رحل وشداد
يازين ذاك الوقت وقت الحميه

وقتٍ به العربان تعرف بلجواد
تكرم ضيوفٍ باللقاء والقفيه

رجّـالهم يوم الوغى سيف جلاد
وفي الرخا مثل الورود الشذيه

قوم ن عزاز النفس وكرام وانداد
ويزينهم طيب النفوس الزكيه

وأن سيروا على الجار دله وبراد
قلوبهم بيضاء ولاهي رديه

واذا لفاه الضيف للنار وقاد
واذا سطى العيال فناره لظيه

واذا انتخى فيهم طريد وشراد
برقابهم يجلون عنه الاذيه

إيمانهم بالله في العسر يزداد
ولأميرهم تلقاهم أوفى رعية

في الليل تلقاهم ركوع ن وسجاد
وفي الضحى ما بين ذكر وعطيه

للي خلقهم خاضعين وعبّـاد
ما يقربون من الردى والخطيه

اذا افرحوا فرحوا جماعات وافراد
واذا حزن شخص صاحو سويه

وحق القرابه مايبي حجز ميعاد
وأخر زعلهم بين صبح وعشيه

كم لي وعيني ماهتنت نوم ورقاد
اتذكر ايام الجدود الأبيه

ياملٍ قلبٍ من عنا الوقت وقاد
من ماتشوف العين ياصاحبية

ويامل عينٍ غمضها برق رعاد
تسقي خفوقٍ ماوراها رعيه

ملت غريقٍ مالقى حبله اشداد
يسحب لحبله ويتحرى المنيه

ويامل صدرٍ فيه زفره وتنهاد
زفرة لقيصٍ ذاق له سم حيه

لا واعذابي من شباب امة الضاد
راحت سلوم اجدادهم دون جيه

يا كثرهم لا جيت في جال الاعداد
واللي يحبونك تراهم شويه

ويا زين بسمتهم مع ايام الاعياد
ووقت الشدايد ما تشاف الثنيه

لا يفرحونك في معاداة الاوغاد
ولا يفرحونك لا دعت كل هيّـه

اليوم صرنا بين جافي وجحاد
راحوا هل الناموس واهل الحميه

والله ماباقي ولا عاد ماعاد
ياكود شيبان توصي وصيه

راحوا هل الخوة وجونا هل الزاد
اما عطيته شي منت بخويه

شف حالنا من بعد غزه وبغداد
وشجاعنا يقتل نهار الضحيه

وعدونا يختار فينا ويصطاد
وحنا نصفق له .. نبي نصير زيه

وشبابنا مابين آه وتنهاد
ضاعت حياته بين هند وسميه

الجنز والجوال وامجاد يامجاد
وفوفو وميمي وفي المحاكم قضيه

واسواق وأبلاتوث وأفلان يصتاد
هذا يشبكها وهذي ... خويه

وبولند والاعجاب ياعناد ياعناد
قبل أمس في التلفاز ردت عليه

وقلت أسمعي ترى معك رقم مجاد
صارت تناظر وقلت يالله وهيه

واليوم دق الرقم واسمي ترى أزياد
وأرجوك لا تغلط عليها شويه

وأخته على مسلسل لميسه وهناد
وهي معجبه في تركيا مالعصيه

جالس على التلفاز وجمع له أحفاد
وين العشاء يام العيون القويه

مرتاح يوم يشوفها تحرق الزاد
فاكر رومنسي قبل أم البنيه

ياعالم أهل الجنز ياواد ياواد
شيبانكم راحوا وحنا البقيه

عاداتنا ضاعت مع الغرب بلحاد
ضاعت وحنا من رجال وفيه

ضاعت سلوم الجار والجود ماجاد
ضاعت وحنا في علوم رديه

ضاعت مداقيل الجماعه ولنشاد
ضاع الخوي ضاع الحمي في صليه

بس البقية في سلالات الاجواد
اهل الجمايل والحظوظ العليه

شيبانهم ماتوا وهم خير الاحفاد
حب الوفا في مجتمعهم سجيه

يا علهم يبنون بيت له اعماد
من بعد ما بيت الوفا مات حيه

يبنون قصر من كرامات الاجداد
قصر خلاوي من ردى كل سيه

وانا اطلب المولى وانا رايح غاد
يصلح نفوس لازمتها الخطيه