يا سامع اسمع من كلامي وش اقول ! ! !

ياسامع اسمع من كلامي وش اقول
لاتحسب اني لو تبسمت طربان
.
ترى بجوفي حزن ماهو بمعقول
تضيق به كل العواصم والاوطان
.
القلب جاه الويل والفكر مشغول
على الذي فرقاه . . لي همّ واحزان
.
اقفى وخلاني من الصد معلول
من عقب ما كنا وريد وشريان
.
احاول اواصله والباب مقفول
ولاعاد له عندي طريق وعنوان
.
والظاهر ان الامر ماهو بمحلول
الا بعلم يكشف الستر ويبان
.
لكنّ يا خوفي يقولون مهبول
ويصير علمي سلوة فلان وفلان
.
يا الله يا خلاق يا اعز مسئول
اصرف خفوقي عنه يا عالي الشان
.
ما عاد لي قدرة ولا عاد لي حول
لاني ضعيف وحيلتي حيلة انسان !
. . .
. .
.
شعر /
راجي الوصل

صح لسانك يا راجي الوصل ..
من زمان على هذا الإبداع الرفيع ..
عوداً حميداً وبالفعل كانت العودة بمثل هذه القصيدة تعني الشيئ الكثير ..
صح لسانك وطاب حالك وبيّض الله وجهك ..
تقديري لك ..

صح لسانك
ياراجي الوصل

قصيدة جميلة وسجل اعجابي بها وتقبل مروري

راجي الوصل


قصيدة بحق راااقيه

جميلة من شاعر هو الاجمل

بحق لا هنت ولا تحرمنا جديدكـ يا غالي.,,

تسلم الله يعطيك العافية وصح لسانك

والظاهر ان الامر ماهو بمحلول
الا بعلم يكشف الستر ويبان
.
لكنّ يا خوفي يقولون مهبول
ويصير علمي سلوة فلان وفلان
.
يا الله يا خلاق يا اعز مسئول
اصرف خفوقي عنه يا عالي الشان
.
ما عاد لي قدرة ولا عاد لي حول
لاني ضعيف وحيلتي حيلة انسان !