اسمممممع يا ابن بطاح

السلام عليكم ورحمة الله..
الى الاخوان في المنتدى...قبل فتره صار بيني وبين من يسمي بفواد بن بطاح
..وعد وتحدي..وانا اليوم ..حاضر على الوعد...(وحاضر بحاضر)..!!
وارجو منه الحضور...والي يعرفه ..يزهم عليه..
وسلامتكم..
اسممممع.......

البدع
اول القول ذكر الله واصلي على سيد البشر
بعدها يا سلام الله على المنتدى شاعر وناقد
والسلام اوجزه واوفيه للي حضر من كل صوب
يا فواد ابن بطاح المواقف لها ناس عظام
اقدم اقدم وقابل خصمك الي تحداك ونوابك
واثبت انك جدير بالتحدي وفي الموقف سديد
والله اني نويت اورّد العلم واثبت للقبايل
منهو الشاعر ومنهو الطفيلي ضعيف المعرفه

المشاركة الأصلية كتبت بواسطة ابوعقاب

مساكم الله بالخير جميع

الظاهر ان المنتدى وهذا القسم تحديدا يحيى بوجودنا , ويموت بغيابنا , والحقيقة إنا ما بنحيا دايم لكن شد حيلك يا الشيباني وابشر بالسعد ....

الاخ ابو عقاب
لا اعرف على اي اساس حكمت ان المنتدى ميت ولا يحيى الا بوجودك!!! معذرة اخي الكريم اذا هذا اسلوبك فالمنتدى غني عنك وعن مشاركاتك وهذا اعتبره انذار لك اذا تبغى تشارك بأدب واحترام حياك الله غير كذا فترى المنتدى يتعذرك ويتعذر مشاركاتك
ثانيا :هذه القصيده موجهه من الشيباني الى فؤاد بن بطاح وانت غير مذكور في الموضوع فمن الادب والذوق ان تبقى القصيدة حتى مجيى الشاعر الموجهه له
على العموم سوف احذف مشاركتك واتمنى عدم التدخل سواً منك او من اي شخص اخر

الله يحي الجميع ...
والله يحييك يا ابو عقاب وانت شاعر كبير ومعروف...ويمكن انك تحمست شوي وزعّلت الخطاف...
لكن فدا يارجال ..وكلنا اخوان واصحاب ولايصلح نزعل من بعض...
بالنسبه للمنتدى فالمنتدى قائم ومعروف برجاله.. وشعاره.. وجميع اعضائه .. ويمكن اني انا واياك يا ابو عقاب من اقل المشاركين فيه...!
وهذا الموضوع خلوه بيني انا وفواد بن بطاح...ما دام كذا..
لكن تكفون نادوا عليه...
وخلّوه يحضر با قرب وقت ممكن ..
وسلامتكم..!!

حياكم وابشروا بالسعد وأنا من طبعي ما أحب اكسر خاطر احد والمعذرة لعدم دخولي المنتدى باستمرار

الرد=
الله يحفظك لهلك يالذي جيت ناوينا بشر=
ما انت ند لنا يا ما وطينا حماكم وأنت راقد=
ياراعي البندق اللي مخلف أرصاصها ماهو يصوب=
وانحن ارجال ناكل مالدسم وانت ترضيك العظام=
والمسمى فؤاد إن زعل يربطك ويخلع نوابك=
وأن بداء الحرب فارس قوم وإذا رما رميه سديد=
وابن بطاح في الميدان له صولجان وله قبائل=
وابن شيبان يحذف من ورى الصف ما احد يعرفه=

يالله ان تحييه...
وزين انهم نادوك النشاما...!

اسمع
مرحبا مرحبا يا شاعرٍ كود شفناه وظهر
مدري هوخوف مني ولاهو خوف من بدع القصايد
لكن الله ذا يعلم بخافي الضماير.. والقلوب
لا تحدى زعيم الشعر يا جاهلٍ توك..فطام
ليت وان صاحبك موجود ويكون ذا الليله سرا بك
يا حليلك حليلك ما بتصبر على الحمل الشديد
وانا في الصف الاول من هل المدح وارجال الجمايل
وانت مثل الفقير المفلس اللي تقفّل مصرفه
وانت مثل الفقير المفلس اللي تقفّل مصرفه

يا سلاااااااااااام
صحت الألسنه يا شعّار


وحنا متابعين اول بأول لهذا اللقاء الناري
ومستمتعين ,,

وأرجو فقط من الأخ فؤاد التواصل معنا على
طول ,,

ولكم خالص شكري وتقدير ,,

إلى حد الآن مافية شقور تطرب ياليت نشوف قصائد أفضل من كذا
مايصير أضيع وقتي على المستوى هذا

الرد=
لازم انعودك لثقايل الحمل ياسمح الظهر=
لين تصبح تشيل الحمل بالجبر ماهو بالقصائد=
وانحن ابنرغمك تمشي على الدرب والدنيا قلوب=
وانا بعودك ع الشيل بالسوط ولا بلطام=
وانت عن صافي الماء مابيغنيك لو تطرد سرابك=
لا تذاكى على الأستاذ خلك بحالك يا بليد=
الغبي ما بينفع فيه مهما شرحت له الجمايل=
خذ حضوره مع الطلاب واعطيه حصه واصرفه=
خذ حضوره مع الطلاب واعطيه حصه واصرفه=

وش دخل الشقووووور..في السالفه..!
انا اللي يبدع وانت اللي يشقر..يعني تتكلم عن نفسك...؟.؟.؟
بعدين شديد>>>>بليد..ما يصير الكلام هذا وانت تقول شاعر وفاهم..لكن تلحق راقد..
(واذا ما اعجبك الوضع...حدد لنا يوم معين.. ومحاوره مباشره..وكل واحد يكمل قصيدته.... ok)

اسمممممع
ودي يسمح لي الجمهور واعلمك بيت الشعر
غير عياّ يقل عن سكة الجاهل اتنحّى واحايد
كيف اقابل واخاطب واحد في القصايد دوب دوب
والله ماشفت منك الا السوالف وتطويل الكلام
ولا حن في الحقيقه ما ندوّر عليك وش نبا بك
دامني شاعرٍ معروف ما همني خصم ونديد
يا حثالة زمان العولمه لا متى والهرج مايل
النميمه وقول الزور يا لعن بوها..من صفه
النميمه وقول الزور يا لعن بوها..من صفه

المحاورة الماضية يبدو لي انك استفدت منها كثير من ناحية حشو الكلام وتركيب الأبيات إما بالنسبة للمحاورة هذي فحاولت أعلمك كيف تبني قصيده لشاعر أخر وعسى تتعلم
وأحب أقولك شئ مهم الشعر يعتمد على فرش القصيد وإيراد الشقور الجديدة وهذا الذي يميز الشاعر ولكن عندما تبني قصيدتك على ( دوب دوب، وش نبابك، وهرج مائل ،والعبيد) هذي ماهي شقور هذي سوالف وكلام مصفف وانا كذا اضطر استخدم شقور أخرى
الشيباني اسمح لي أقولك انك لست شاعر حبك قصائد وانا بكذا أضيع وقتي معك واذا القصيد الموجود أمامي ماهو محبوك ما اطرب له عشان كذا هذا الرد سوف يكون اخر رد لي وانا حقيقة ماجاريتك من البداية الا جبر لخاطرك ولا انت ما تأهل

الرد=
الشيباني ضربته عشرة اكفوف لكن ماشعر=
ثم ضربته على امقفاه لكن باقي ما وحا يد=
وجهه أشهب وعينه تذرف الدمع غطتها الهدوب=
وانا لو اماشي أمثاله في الدرب يلحقني ملام=
تنقد الناس بن بطاح لو جاك ولا دق بابك=
وانا ماني بفاضي لزيد يهرج علي ولا عبيد=
وانا ماهمني كلمه تجيني من إقلال الاصايل=
دام للهرج نقادٍ وللشعر ناس منصفه=
دام للهرج نقادٍ وللشعر ناس منصفه=

تزول الجبال ولا تزول الطبايع...
انت اذا نشبت عليك قمت تتفلسف.. وتسوي حبك ونظم...وكلام فاضي ..
بالنسبه للشقر يا حبيبي فانا ماني مجبور اضبط الفرش لك اذا كنت شاعر تطوع الالفاظ لك.. وهذي كللماااات سهله اي واحد بيرد عليها..((زي بيت الشعر...الهرج مايل..)) هذي واضحه لو انك شاعر حبك كان عرفت اتجيبها لكن انت تبغى تسب وخلاص....بعدين كلمة عبيد من وين جبتها,,,يعني ما تعرف تشقر على نديد..مشكله..؟
وايضا لازال عندك نفسك المشكله عندك ابيات مكسوووووره ما هي موزونه..
على العموم بالنسبه للتعليم ما في مشكله انت علمني الحبك وانا اعلمك الوزن.. اتفقنا..!
ولا عندك اي عذر عشان تنسحب...؟
(ملاااحظه لا زلت اطالب بمحاوره مباشره معك.. وانت ما رديت ..)>>>>>>>ليش؟؟؟

اسمممممممممممع
اشهدو يا قبايل منهو اللي من الميدان فر
راعي النقد والامداح ما عاد يقوى للشدايد
واما حن قوم نعرف في نهار الملاقا والحروب
والعصا ما تشابه للبنادق ولا حد الحسام
قام ينشدني الخطاف ويقول هذا من صحابك
قلت يخسى ويعقب ما هو ابلي شريك ولا حديد
بعد الاعذار ذا جتنا حصلنا على كبرالدلايل
موترك يا طويل العمر بانت عليه التفـتفه..!
موترك يا طويل العمر بانت عليه التفـتفه..!

الله يسامحك بدل ماتشكرني اني تنازلت وجاريتك تقوم تسب فيني وبعدين وش الإبداع اللي عندك يالشيباني اللي يخليني افر ههههههههه
كل اللي كتبته كلام فاضي ولا يلفت النظرولا له صلة بالشعر كله كلام مجمّع وانا والله ماعندي مشكله أرد على الكلام الرخيص بكلام رخيص مثله فقط احترام للمنتدى وأهله
الرد
اشهدوا ياهنود ان ابن شيبان مامثله نفر
كل ماجيت ديره قامت الناس من حولك شدايد
ضايع أصلك تقول انك عتيبي واحسبك م الحروب
وانا ببطحك واداويك واحسم لك الموقف حسام
لانك طفل مدلل باقي الوقت دوبه ماصحابك
لكن بركعك بالغصب واكبل ايدك بالحديد
مابتقوى على الصملات وانت امتعود عالدلايل
بعد ماقد غواك ابليس حقت عليك التفتفه

((والله ما عندي مشكله ارد على الكلام الرخيص بكلام رخيص مثله فقط احتراما للمنتدى واهله))...كذا الاحترام.. ولا بلاش..يا اخي من علمك الاحترام..حتى الكلام ما تعرف تتكلم.....
على العموم احب اقلك ...ان حركاتك هذي ماتمشي..
وقولك تتذوق ..وما تتذوق ..هذا كلام غير مقبول...
عذر اقبح من ذنب...لكن...بانصحك نصيحه....
لا تهايط مره ثانيه وانت ما في راسك شي ...وخلك محترم عشان نحترمك
..انا اقول اللي جاك يكفيك..ولو كنت شاعر كان ما انسحبت.. والقصايد يحكم عليها المنتدى ما هو انا ولا انت..يا شنب؟؟

اسمممممممع..وركز
احسبك ونعم واثرك رديٍ وفي ربعك عشر
يا شباب الدلع والكول ذا ما تعرفون العوايد
ما تضيع العوايد بيننا وانحن ارجال الجنوب
انكشف ما تكنه يا ابن بطاح وانزاح اللثام
من كلامك ونقدك قد عرفنا وندري وش جوابك
لكن الله يكفينا الردي صاحب القلب السويد
لاتسب العرب وانسابها وانت مجهول الحمايل
بوك يرمي برشاشه..وخالك يرد بغطرفه..!
بوك يرمي برشاشه..وخالك يرد بغطرفه..!

ابشر ابشر والله تخسى خل انسحب

استلم
اسأل امك ياكم قد ضيفتنا في ايام العشر
واصبح لبيتكم ناس تورد وله ناس عوايد
ناس تاكل ظهور إبلك وناس تغدى من الجنوب
كل ماجيت بيتك ماكسبنا بعدها الا الأثام
والله ما عاد ينفع ياعتاب الضمبر وياشجابك
ماحصل في جنوب افريقيا قد دروبه في السويد
انا بعطي لك المقسوم وانا معك دائم مواصل
بوك كم ضاق مالضيفان لكن ومك مسرفة

الأخوان الأفاضل

الشيباني وفؤاد بن بطاح

تبادل الشتائم والانتقادات مرفوض نهائياً وهذا القسم لم يفتح لتصفية الحسابات بل لإعطاء الشعراء فرصه لاستغلال مواهبهم الشعرية وإظهار مالديهم من إبداع وانا حقيقة استغرب منكما مثل هذا الكلام فالشيباني شاعر رائع وله محسوبيته ضمن شعراء المنتدى وأنت يا فؤاد ضيف وعلى العين والرأس وفيك الخير والبركة أتمنى ان تلتزمون بقوانين المنتدى وللعلم ماكتب هنا من كلام غير لائق سوف يتم حذفة وإذا اضطر الوضع فسوف يتم إيقاف المعرفين

السلام عليكم

أرجو إغلاق الموضوع ، وما ورد يكفي .

ولي ملاحظة على الشعر والشاعرين - الكرام -

كما قال الأسمري /
الشعر إذا وصل إلى قيمة الريال فوقّف ،
وألحين الشعر نزل عن قيمة الهللة مع احترامي الشديد .