آآه شمس الفجر مقهووره من شغالاتهم!شو الحل برايكم؟؟

بسم الله الرحمن الرحيم.....ومن همزات ولمزات الشياطين نستعيذ

احم احم......ماعليه اختى دمع القوافي وجميع الاعضاء أنا بعرض عليكم هالمشكله اللي ترفع لي ضغطي كل يوم والتالي
وهي:
عندنا بالبيت شغالتين وحده لنا ووحده لاختي مؤقتا.....اول الايام كانت عليهن نظاااااااااااافه لدرجة اني كنت ريلااااااكس ومستانسه عليهم.......

ماااااااا ادري والله كيف اتصرف معااااااااهن؟؟؟
كل وحده منهن صارت مهمله للغااااااايه وتنظيفها صاير مووو شي بالمره (صار تنظيفها سطحي وعلى الماشي)عكس لما كانت جديده واحيانا تشوف الوسخ (الله يكرمكم ويرفع قدركم) قدامها ولاااااااااااا كأنها تشوفه تنتظر أوجه لها اوامر؟؟؟؟ الصحون ماتغسلهم عدل،،،ولما تغسل الملابس تضيعهم وهذا اللي يقهرنيييييييييييييييييييييييييي وعلى أخرتها تقول(انا مايشوف مدام)
بالطيب كلمتها،،،،،والعين الحمرا وطلعتها،،،،، وبالتطنيش طنشتها ولكن ماشي فايده كل ماجا يوم اضغطي يرتفع أكثر ....فكرت اخصم من راتبها لكن لما يجي موعد الراتب اقول حرام تراه عرق جبينها (يعني ضميري يؤنبني..)

وعلى شان محد يقولي اكيد الشغل عليهن وااااايد...اقول والله مو وايد لاني انا وأمي نساعدهم وااااايد وبيتنا اصلا نظيف بس مشكلتنا التراب شوي.

تعبت منهن شوووووو أسوي ؟؟؟كيف اتعامل معاهن!!!صعب اني كل يوم اوقف على راسهن لان عندي التزامات ثانيه غيرهن..وانا من النووووع اللي يقززززز وأتضايقققققق بالقو لما اشوف الوسخ جداامي حتى لو كومة كلينكس وبدوووووووووون مبالغه.
ولكن امانه اللي عاجبني في كل وحده منهن هدوووووووووووءها واحترامها ..وانها ما تلتفت للرجاجيييييل حتى لو كان ابوي....بالعكس جدامهم تصير قشرااااا بالقووووو.

واللي قاهرني بزيااااااده انهم ثنتيييييييين مو وحده.

يعني بصراحه ودي ان كل وحده منهن تقوم بواجبها وعملها باخلاص وبدون ماتنتظر أوامر وتوجيهات على كل شيء..(خلاص انا علمتهم كيف بنظفون ويسووون ويحافظون من البددايه )...نفس نحن مانعاملهم بالطيب ووالله مو مقصرين عليهم بشي وكل شي متوفر لاننا والحمدلله دائما ننظر لاي خادمه تدخل بيتنا أنها انسانه مثلها مثلنا ولا نفرق......بس مادري وين المشكله.

شكر خاص وجزاج الله خير اختي دمع على هالقسم.....ومايقصر الاخ سعيد وعسى الله يوفقكم للخير دوم
اختكم شمس

مشكوره شمس الفجر والله يعطيك العافيه

على الطرح الجميل .. وأتمنى من الجميع نهج نهجك الرائع في الطرح

بكل شفافيه ..

أما بالنسبه لمشكلتك فأتركها للأخت دمع .. والي عندهم .. خبره


الحب الحب يتمنى لكي التوفيق ..

والله مدرى شمس؟؟
وش الحل؟ لكن اشوف امى تعرف تتعامل معهم حتى لو كان في بيتنا 4شغلات انامااتدخل باشياء البيت المهم غرفتى

نسيت اقولك عاش من شافك اشتقنا لك كثييييير

اخ الحب الحب....مشكور وربي يسلمك الجميل تواجدك
وتواجد الاعضاء...
بس وين الحل
لااا معذوووووووور وينك انت وويييين التعامل مع الخدمas)......

يله ربي يعيني ورطه وطحت بها ماااغيري بهالبيتايهئ ايهئ

تسلمين شمس .. ومع إني مالي في الخدم

لكن إذا تبين الحل

سفري الخادمه ... وقومي أنتي بالشغل

لأني أنا معترض على الخدم في البيوت

وما أحب الخاده .. وأكرها كره بغيض


ولا كسلانه يعني 1s2d


الحب الحب يتمنى لكي التوفيق ...

الله وأكبر....................عاش عاش عاش الحب الحب....
كلااااااااااااااااااااااااا ثم كلاااااااااااااااااااااااااااااا ثم كلاااااااااااااااااااااااااااا
ويحييييييي.....أرفع قضيه عليك على هالحل.
أقول خلك بعيد شوي عن السالفه وهي تنحلللللللل (خخ)

خبرك تراني نشيييييييييطه مو كسلانه لهاللدرجه .......بس البيت كبير وما يتحمل وحده بس.

الخدم لهم أضرار ولهم منافع يالحب...(ويعينها عليك زوجة المستقبل يالحب.يعني تغسل يدها يكون لها خدامه) ههه

أعووووووووذ بالله على هييييك حل(خخ)


ليش الابتسامات معاي مو راضيه تعمل ياسعادة المراقب الحب

حلوه ..

صدقيني لو لي عليك سلطه .. لأخليك تشيلين شغل البيت كله

لان ما عندك شيئ ... وبعدين الخدم مساكين وش ذبهم .. يشتغلون ماهم بشر

وليه نتعود ونعتمد على غيرنا .. ومن باب ثاني كيف نستطيع نمنحهم الثقه على مثل هذه

الاشياء....

بالنسبه لي مستحيل .. أجيب خدامه .. أبدا أبدا

وأنا زي ماقلت في البدايه .. أحب أبتعد عن مثل المشاكل ذي

لاني ما أحب أناقش مشكله وأنا ما أبيه تصير أصرا فأقطع دابر الفتنه

وقولي يارب ما أطيح في وحده كسلانه .. زي بعض الناس ههههههه1s2d

الحب الحب يتمنى لك التوفيق ...

والابتسامات شغاله معي .. وأخاف لاتشوف دمع الردود ذي وتزعل علينا

لأنا غيرنا مسار الموضوع ... ولكن هذا حلي هو ترك الخادمه

وعلى قولت ماحك جلدك مثل ظفركX)

bgfgt)bgfgt)

أفااااااااااااااااااااااا أفااااااااا ياسما أفا على بنت العرب.........شو ماتدرين بارك الله فيييج

وأنا اقول انتي راعية البيت وانتي المدبره .......(مبروك راح تكونين ست بيت فاشله ..يعني مثلي ومارحتي بعيد خخخ)

ماعلييييييه مسموحه...والله آخاف على آخر زمنا نصير ربات بيوت ونخربها

عموما تشتاقلج العافيه حبوبه...ومشكوووره.

أووووووووورفوااااااااااااااااااااااار

ههههههههههههههههههههههههههههه...

هدوا اعصابكم ههههههههههههههههههههه..

تسلموون على الروح الحلوة ذي الي فيكم .. وبالعكس ماراح ازعل لانكم تعرفون من دمع القوافي وحده منكم وفيكم...


صدقيني حلج اعرفه اختي شمس الفجرقولي وش المشكلة.. بمااني بنووتة بس عندي خبرة ..


شوفي حطي في بالج أن طول مافي البيت خدامتين الشغل ماراح يمشي قولي ليه ....


لان كل وحده تطالع الثانية .. فاهمتني..


أنابوضح لج اذاكان في البيت اختين مع بعض وتجي الام تطلب من وحدة فيهم تسوي شغلة والله انها اول كلمة بتنطقها .. يووووووووه كل اناوش معنى فلانة ماتسوي ...
والثانية نفس الشي .. وبوضح لج اكثر.. السالفة سالفة مطالعة وغيره ...

تجيج أختج وانتوا قاعدين في البيت نقول ان الاختين انتي وسما ههههههههههه فقط للمثال

قدامكم حاجة طايحة قراطيس ورق اي شي... صدقيني يمكن تشلينها اول الايام بس اتحداج اذااستمريتي على نشاطج وخاصة ان في وحدة ثانية وانتي تشوفين نفسج النشيطة وهي الكسولة فتراكمين الاشياء وتقولين وشمعنى سما ماتشل وتحط وشمعنى وشمعنى ....


فهمتيني ....




يعني مشكلة خداماتكم انهم ثنتين كل وحده تنتظر الثانية تسوي الشغلة ومن ناحية احترامهم وتكشيرتهم في وجه الرجال ... هذا قدامك والله يستر 1s2d


حبيبتي صدقيني ان السالفة ومافيها انهم ثنتين وانتي بروحج فكري بكلامي بتشوفينه صح مليوون في المية ....



وتسلمين على طرحج هالموضوووع

هلا شموسه والله

حليلج ها المشكلة تقريبا كلنا نعاني منها

بس انا الحمد لله والشكر اني ما اعرف اتعامل مع الخدامات ابدا ابدا لاني وايد ارحمهم طالعة على الوالده الله يطول بعمرها بس الحمد لله الشغالة اللي عندنا اوكى يعني نعمة من المولي

لكن في مشكلتج اعتقد انج ما تخصمين لهن رواتبهن بس اوهميهن بها الشئ كيف يعني اول الشهر بدل ما تعطيهن الرابت كامل حاولي تنقصية وقولي انج خصمتيه عشان انهن مب يشتغلن زين وبتشوفين كيف راح يشتغلن وعقب عطيهن المبلغ اللي خصمتيه وبجي تكوني حليتي المشكلة


شموسة هذا اللي طلع معاي هههههههه

دمع ياهلا ومرحبا فيج........كلامج صح و100الميه لا روائح ولا بقع مستعصيه.

لكن انا عرفت لهن شغلهن من هالناحيه علشان كذا
دائما : عملتلهم تبادل أدوار يعني اسبوع وحده في الطابق السفلي والثانيه في الطابق العلوي...والاسبوع الثاني عكس(وصرت احاسب كل وحده على المكان اللي تشتغل فيه..)
ترى المشكله ان هن صارا كسلانات شوي .

بس تصدقين ماودنا نسفرهم مثل ما اقترح الحب.........لانهم بصراحه وللأمانه افضل طاقم كان عندنا...بالرغم من تكسيلتهم شوي.
بس تنتهي الاقامه راح نشوف الحل.
وحياج الله يادمع وعلى حلوووولج